2020 നവംബറിൽ നടത്തിയ ഒന്നും നാലും സെമസ്റ്റർ എംവിഎ (പെയിന്‍റിംഗ് ആൻഡ് ആർട്ട് ഹിസ്റ്ററി), 2021 ഫെബ്രുവരിയിൽ നടത്തിയ മൂന്നാം സെമസ്റ്റർ എംഎഫ്എ (പെയിന്‍റിംഗ് ആൻഡ് സ്കൾപ്പ്ച്ചർ) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് അപേക്ഷിക്കാനുള്ള അവസാന തീയതി ഡിസംബർ 15. വിശദവിവരങ്ങൾ വെബ്സൈറ്റിൽ.
പുതുക്കിയ പരീക്ഷാത്തീയതി
2021 സെപ്റ്റംബറിൽ നടത്താനിരുന്നതും മാറ്റിവച്ചതുമായ ഒന്നാം സെമസ്റ്റർ എംവിഎ (പെയിന്‍റിംഗ് ആന്ഡ് ആർട്ട് ഹിസ്റ്ററി) പരീക്ഷകൾ ഡിസംബർ രണ്ടിന് ആരംഭിക്കും. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ
ഓഗസ്റ്റിൽ നടത്തിയ ഒന്നാം സെമസ്റ്റർ ബിപിഎ (ഡാൻസ്) പരീക്ഷയുടെ പ്രാക്ടിക്കൽ ഡിസംബർ ഏഴിന് തിരുവനന്തപുരം ശ്രീ. സ്വാതി തിരുനാൾ സംഗീത കോളജിൽ നടത്തും. വിശദവിവരങ്ങൾ വെബ്സൈറ്റിൽ.
ഓഗസ്റ്റിൽ നടത്തിയ ഒന്നാം സെമസ്റ്റർ ബിഎസ്‌സി കന്പ്യൂട്ടർ സയൻസ് സിബിസിഎസ്എസ് കരിയർ റിലേറ്റഡ് പരീക്ഷയുടെ പ്രാക്ടിക്കൽ 2021 ഡിസംബർ ഒന്നു മുതൽ ആറുവരെ അതത് പരീക്ഷാകേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ.
ഓഗസ്റ്റിൽ നടത്തിയ ഒന്നാം സെമസ്റ്റർ സിബിസിഎസ്എസ് കരിയർ റിലേറ്റഡ് ബിസിഎ പരീക്ഷയുടെ പ്രായോഗിക പരീക്ഷ 2021 ഡിസംബർ ഒന്നു മുതൽ നാലുവരെ അതാത് പരീക്ഷാകേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ.
ഒക്ടോബറിൽ നടത്തിയ ബിഎസ്‌സി കന്പ്യൂട്ടർ സയൻസ് (ഹിയറിംഗ് ഇംപയേർഡ്) ഡിഗ്രി പരീക്ഷയുടെ എട്ടാം സെമസ്റ്റർ പ്രായോഗിക പരീക്ഷകൾ ഡിസംബർ ഒന്നു മുതലും ആറാം സെമസ്റ്റർ പ്രായോഗിക പരീക്ഷകൾ ഡിസംബർ ആറുമുതലും അതത് കോളജിൽ നടത്തും. വിശദവിവരങ്ങൾ വെബ്സൈറ്റിൽ.
സ്പെഷൽ പരീക്ഷ
കോവിഡ്19 കാരണം ജനുവരി 2021 ലെ മൂന്നാം സെമസ്റ്റർ സിബിസിഎസ് ബിഎ/ബിഎസ്‌സി/ബികോം പരീക്ഷകൾ എഴുതാൻ സാധിക്കാത്ത വിദ്യാർഥികൾക്ക് സ്പെഷൽ പരീക്ഷയ്ക്ക് അപേക്ഷിക്കാം. വിദ്യാർഥികൾ അവരുടെ പേര്, കാൻഡിഡേറ്റ് കോഡ്, പ്രോഗ്രാം കോഴ്സ് കോഡ് എന്നിവ അടങ്ങുന്ന അപേക്ഷ ആരോഗ്യ വകുപ്പിന്റെയോ തദ്ദേശസ്വയംഭരണ വകുപ്പിന്റെയോ സാക്ഷ്യപത്രങ്ങൾ സഹിതം ഡിസംബർ മൂന്നിനകം സമർപ്പിക്കണം.