കണ്ണൂർ സർവകലാശാലയുടെ തലശേരി നിയമ പഠന വകുപ്പിൽ 202122 വർഷത്തിലേക്കുള്ള ബിഎ എൽഎൽബി, എൽഎൽഎം പ്രവേശനത്തിന് (ബിഎഎൽഎൽബിഎസ്ടി2, എൽഎൽഎം എസ്ടി1.) സീറ്റ് ഒഴിവുണ്ട്. താത്പര്യമുള്ള വിദ്യാർഥികൾ അസൽ സർട്ടിഫിക്കറ്റ് സഹിതം നാളെ രാവിലെ11 ന് വകുപ്പ് മേധാവിക്ക് മുമ്പാകെ ഹാജരാകണം.കൂടുതൽ വിവരങ്ങൾക്ക് 9961936451 എന്ന നമ്പറിൽ ബന്ധപ്പെടണം.
പ്രായോഗിക പരീക്ഷകൾ
നാലാം സെമസ്റ്റർ ബിഎസ്സി കംപ്യൂട്ടർ സയൻസ്, സുവോളജി, സൈക്കോളജി, ബികോം (ഇൻഫർമാറ്റിക്സ് സ്കിൽസ്) റഗുലർ/സപ്ലിമെന്ററി ഏപ്രിൽ 2021 പ്രായോഗിക പരീക്ഷകൾ ഇന്നുമുതൽ അതത് കോളജുകളിൽ നടക്കും.
രണ്ടാം സെമസ്റ്റർ എംഎ അറബിക് (സിബിഎസ്എസ്റഗുലർ/സപ്ലിമെന്ററി), ഏപ്രിൽ 2021 പ്രായോഗിക പരീക്ഷകൾ ഒൻപത് മുതൽ വിവിധ കേന്ദ്രങ്ങളിൽ ആരംഭിക്കും. ടൈംടേബിൾ സർവകലാശാല വെബ്സൈറ്റിൽ. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
വിദ്യാര്ഥികളെ ദത്തെടുക്കാൻ കണ്ണൂർ സര്വകലാശാല
കണ്ണൂര്: പ്രഗല്ഭരും കഴിവുറ്റവരുമായ വിദ്യാര്ഥികളെ പ്രോത്സാഹിപ്പിക്കാൻ ദത്തെടുക്കല് പദ്ധതിയുമായി കണ്ണൂർ സര്വകലാശാല. പാഠ്യേതര വിഷയങ്ങളിലെ കഴിവുകള് തുടരുന്നതിന് ഉന്നതവിദ്യാഭ്യാസം തടസമാകാത്തവിധം പ്രോത്സാഹനം നല്കുകയാണ് പദ്ധതിയുടെ ലക്ഷ്യം. ഒപ്പം പാര്ശ്വവത്കൃത വിഭാഗങ്ങളിലെ വിദ്യാര്ഥികള്ക്ക് പഠനസഹായമൊരുക്കാനും ദത്തെടുക്കൽ പദ്ധതി സഹായകമാകും. തെരഞ്ഞെടുക്കപ്പെടുന്ന വിദ്യാര്ഥികള്ക്ക് അവരുടെ താത്പര്യത്തിനനുസരിച്ച കോഴ്സുകളില് പ്രവേശനം അനുവദിക്കും. ട്യൂഷന്, പരീക്ഷാഫീസുകള് ഒഴിവാക്കി നല്കുന്നതിനൊപ്പം പരിശീലനത്തിനടക്കം ആവശ്യമായ ധനസഹായവും ലഭ്യമാക്കും. പരിശീലനം, മത്സരങ്ങൾ തുടങ്ങിയവയ്ക്കായി നഷ്ടമാകുന്ന ഹാജർകാര്യത്തിലും പ്രത്യേക ഇളവ് നല്കും. അതത് മേഖലയിലെ പ്രവര്ത്തനവുമായി ബന്ധപ്പെട്ട് പരീക്ഷാസമയത്ത് ഹാജരാകാനായില്ലെങ്കില് പ്രത്യേകം പരീക്ഷ നടത്താനും സൗകര്യമൊരുക്കും.
കായികം, സാംസ്കാരികം, യോഗ്യത, ഭിന്നശേഷി/ ആദിവാസി എന്നിങ്ങനെ നാല് വിഭാഗങ്ങളിലായാണ് പദ്ധതി നടപ്പാക്കുക. യോഗ്യരായ അപേക്ഷകരില്നിന്ന് സ്ക്രീനിംഗ് കമ്മിറ്റി അര്ഹരായ വിദ്യാര്ഥികളെ കണ്ടെത്തും. 2021 22 അധ്യയനവര്ഷം മുതൽ നടപ്പാക്കുന്ന പദ്ധതിയിൽ ആദ്യമായി തെരഞ്ഞെടുക്കപ്പെട്ടത് അന്തര്ദേശീയ ബാഡ്മിന്റൺ താരം ട്രീസ ജോളിയാണ്.