പരീക്ഷാ ഭവനിലെ ഇപിആര് വിഭാഗത്തില് നിയന്ത്രണം
സര്വകലാശാലാ പരീക്ഷാ ഭവനിലെ പ്രഫഷണല് കോഴ്സുകള് കൈകാര്യം ചെയ്യുന്ന ഇപിആര് വിഭാഗം സ്ഥലം മാറ്റുന്നതിനാല് 28, 29 തീയതികളില് ഇവിടെ നിന്നുള്ള സേവനം അടിയന്തിര ആവശ്യങ്ങള് മാത്രമായി പരിമിതപ്പെടുത്തി. അത്യാവശ്യങ്ങള്ക്കല്ലാതെയുള്ള സന്ദര്ശനം വിദ്യാര്ഥികള് ഒഴിവാക്കണമെന്ന് ഡെപ്യൂട്ടി രജിസ്ട്രാര് അറിയിച്ചു.
പരീക്ഷാ അപേക്ഷ
അഫിലിയേറ്റഡ് കോളജുകളിലെ സിബിസിഎസ്എസ് പിജി ഒന്നാം സെമസ്റ്റര് നവംബര് 2021 പരീക്ഷയ്ക്ക് പിഴ കൂടാതെ 28 വരെയും 170 രൂപ പിഴയോടെ 30 വരെയും അപേക്ഷിക്കാം. സിബിസിഎസ്എസ് യുജി പരീക്ഷക്ക് പിഴ കൂടാതെ 29 വരെയും 170 രൂപ പിഴയോടെ മെയ് നാലു വരെയും അപേക്ഷിക്കാം.
പ്രൈവറ്റ് രജിസ്ട്രേഷന് മൂന്നാം സെമസ്റ്റര് ബിഎ. മള്ട്ടി മീഡിയ നവംബര് 2019 സപ്ലിമെന്ററി, ഇംപ്രൂവ്മെന്റ് പരീക്ഷകള്ക്ക് പിഴ കൂടാതെ 28 വരെയും 170 രൂപ പിഴയോടെ 30 വരെയും അപേക്ഷിക്കാം.
പരീക്ഷാ ഫലം
രണ്ടാം സെമസ്റ്റര് എംഎ. ഇസ്ലാമിക് ഹിസ്റ്ററി, മാസ്റ്റര് ഓഫ് ബിസിനസ് എക്കണോമിക്സ് ഏപ്രില് 2021 പരീക്ഷകളുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിന് യഥാക്രമം മെയ് ഒന്പത്, പത്ത് തീയതികള് വരെ ഓണ്ലൈനായി അപേക്ഷിക്കാം.
പരീക്ഷ
മൂന്നാം സെമസ്റ്റര് ബിരുദ പ്രോഗ്രാമുകളുടെ നവംബര് 2021 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകള് മെയ് 12ന് തുടങ്ങും.
എംപിഎഡ് പ്രാക്ടിക്കല്
ഒന്ന്, രണ്ട് സെമസ്റ്റര് എംപിഎഡ് നവംബര് 2020/ഏപ്രില് 2021 പരീക്ഷകളുടെ പ്രാക്ടിക്കല് മെയ് 17, 18 തീയതികളില് നടക്കും വിശദവിവരങ്ങള് വെബ്സൈറ്റില്.
ട്രയല് പരീക്ഷ മാറ്റി
എസ്ഡിഇ ഒന്നാം സെമസ്റ്റര് ബിരുദ വിദ്യാര്ഥികള്ക്ക് 27ന് നടത്തുമെന്ന് അറിയിച്ച ഓഡിറ്റ് കോഴ്സ് ഓണ്ലൈന് ട്രയല് പരീക്ഷ മാറ്റി. പുതുക്കിയ തീയതി പിന്നീട് അറിയിക്കും.