കോസ്പാര് ശാസ്ത്രസമ്മേളനത്തിലേക്ക് കുസാറ്റ് ഗവേഷകര്ക്ക് ക്ഷണം
കളമശേരി: ബഹിരാകാശ ഗവേഷണങ്ങളെ പ്രോത്സാഹിപ്പിക്കുന്നതിനും ഈ മേഖലയിലെ പ്രശ്നങ്ങളും പുതിയ കണ്ടുപിടുത്തങ്ങളും അന്താരാഷ്ട്ര തലത്തില് ചര്ച്ച ചെയ്യുന്നതിനും രൂപം നല്കിയ കമ്മിറ്റി ഓണ് സ്പെയ്സ് റിസര്ച്ചി(കോസ്പാര്)ന്റെ 44ാമത് ശാസ്ത്ര സമ്മേളനത്തില് പങ്കെടുക്കാന് കൊച്ചി ശാസ്ത്ര സാങ്കേതിക സര്വകലാശാല(കുസാറ്റ്)യിലെ രണ്ട് ഗവേഷകര്ക്ക് ക്ഷണം ലഭിച്ചു.
കുസാറ്റ് അന്തരീക്ഷ പഠന വകുപ്പിലെ അറ്റ്മോസ്ഫറിക് കെമിസ്ട്രി ആന്റ് ഫിസിക്സ് ലബോറട്ടറിയിലെ (എസിപിഎല്) ഗവേഷകരായ സെബാസ്റ്റിയന് ജോയി, വിഷ്ണു എം. വാര്യര് എന്നിവര്ക്കാണ് ഗ്രീസിലെ ഏതന്സില് നടക്കുന്ന ശാസ്ത്ര സമ്മേളനത്തില് പങ്കെടുക്കാന് അവസരം ലഭിച്ചത്. വിവിധ രാജ്യങ്ങളില് നിന്നുള്ള അപേക്ഷകരില് നിന്നാണ് ഇരുവരെയും സാമ്പത്തിക പിന്തുണയോടെ തെരഞ്ഞെടുത്തത്.