പ്രാക്ടിക്കൽ - പുതുക്കിയ പരീക്ഷാത്തീയതി
2022 ഏപ്രിലിൽ നടത്തിയ ആറാം സെമസ്റ്റർ ബിഎസ്സി ബോട്ടണി ആൻഡ് ബയോടെക്നോളജി (247) കോഴ്സിന്റെ 11, 12 തീയതികളിൽ മാവേലിക്കര ബിഷപ് മൂർ കോളജിലും വടക്കേവിള എസ്എൻസിടിയിലും നടത്താൻ നിശ്ചയിച്ചിരുന്ന (കോർ) പ്രാക്ടിക്കൽ ബോട്ടണി പരീക്ഷ 17ന് നടത്തും. ബിഎസ്സി ബയോടെക്നോളജി മൾട്ടിമേജർ (350) കോഴ്സിന്റെ 13ന് കായംകുളം എംഎസ്എം കോളജിൽ നടത്താൻ നിശ്ചയിച്ചിരുന്ന (കോർ) പ്രാക്ടിക്കൽ ബോട്ടണി പരീക്ഷ 17ന് നടത്തും. ഈ കോളജുകളിലെ പുതുക്കിയ ടൈംടേബിൾ സർവകലാശാല വെബ്സൈറ്റിൽ. മറ്റു പ്രാക്ടിക്കൽ പരീക്ഷകൾക്ക് മാറ്റമില്ല.
പ്രോജക്ട്/വൈവ
2022 ഏപ്രിലിൽ നടത്തിയ കരിയർ റിലേറ്റഡ് സിബിസിഎസ്എസ് ആറാം സെമസ്റ്റർ ബികോം കൊമേഴ്സ് ടൂറിസം ആൻഡ് ട്രാവൽ മാനേജ്മെന്റ് പരീക്ഷയുടെ പ്രോജക്ട്/വൈവ പരീക്ഷ 16, 17 തീയതികളിൽ നടത്തും.
വിദൂരവിദ്യാഭ്യാസപഠനകേന്ദ്രം നടത്തുന്ന നാലാം സെമസ്റ്റർ എംഎ പബ്ലിക് അഡ്മിനിസ്ട്രേഷൻ (എസ്ഡിഇ റെഗുലർ 2019 അഡ്മിഷൻ, സപ്ലിമെന്ററി 2017 & 2018 അഡ്മിഷൻ), ഡിസംബർ 2021 പ്രകാരമുളള പരീക്ഷയുടെ മാർച്ച് 30ന് നടത്തിയ ‘PADC 014 Comprehensive Viva Voce’ പരീക്ഷയിൽ പങ്കെടുക്കാൻ സാധിക്കാത്ത വിദ്യാർഥികൾക്ക് ഈ പരീക്ഷ 16ന് കാര്യവട്ടം എസ്ഡിഇയിൽ വച്ച് നടത്തും. വിശദവിവരങ്ങൾ വെബ്സൈറ്റിൽ.
ടൈംടേബിൾ
23 ന് ആരംഭിക്കുന്ന രണ്ടാം സെമസ്റ്റർ ബിഎ / ബിഎസ്സി/ ബികോം (മേയ് 2022) ന്യൂ ജനറേഷൻ ഡബിൾ മെയിൻ ഡിഗ്രി പരീക്ഷകളുടെ (റെഗുലർ 2020 അഡ്മിഷൻ) ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.