കണ്ണൂർ സർവകലാശാലയുടെ അഫിലിയേറ്റഡ് കോളജുകളിലെ (ഗവ./എയ്ഡഡ്/സ്വാശ്രയ) യുജി കോഴ്സുകളിലേക്ക് 202223 അധ്യയനവർഷത്തെ ഏകജാലക സംവിധാനം വഴിയുള്ള പ്രവേശനത്തിന് അപേക്ഷ ക്ഷണിച്ചു. കണ്ണൂർ സർവകലാശാലയുടെ കീഴിൽ പ്രവേശനം ആഗ്രഹിക്കുന്ന എല്ലാ വിദ്യാര്ഥികളും (ജനറൽ/സംവരണം/കമ്മ്യൂണിറ്റി/ മാനേജ്മെന്റ്/സ്പോർട്സ് ക്വോട്ട ഉൾപ്പെടെയുള്ള) ഏകജാലക സംവിധാനം വഴി അപേക്ഷ സമര്പ്പിക്കേണ്ടതാണ്.
ഓണ്ലൈൻ രജിസ്ട്രേഷൻ ഇന്നലെ ആരംഭിച്ചു. ജൂലൈ 15ന് വൈകുന്നേരം അഞ്ചിന് അവസാനിക്കും. രജിസ്ട്രേഷ൯ സംബന്ധമായ വിവരങ്ങൾ www.admission.kannuruniversity.ac.in എന്ന വെബ്സൈറ്റിൽ ലഭ്യമാണ്.
കമ്മ്യൂണിറ്റി, മാനേജ്മെന്റ്, സ്പോര്ട്സ് എന്നീ ക്വാട്ടകളില് പ്രവേശനം ആഗ്രഹിക്കുന്നവര് ഓണ്ലൈൻ അപേക്ഷയുടെ പ്രിന്റൗട്ടും ആവശ്യമായ രേഖകളും സഹിതം പ്രവേശനം ആഗ്രഹിക്കുന്ന കോളജുകളില് പ്രത്യേകം അപേക്ഷ സമര്പ്പിക്കേണ്ടതാണ്. സെല്ഫ് ഫിനാന്സിംഗ് കോളജുകളുടെ ഫീസ് നിരക്ക് സര്ക്കാർ/എയ്ഡഡ് കോളജുകളെ അപേക്ഷിച്ച് കൂടുതലാണ്.
വെയ്റ്റേജ്/സംവരണാനുകൂല്യം ആവശ്യമുള്ള വിദ്യാർഥികൾ വിവരങ്ങൾ ഓണ്ലൈൻ രജിസ്ട്രേഷനുള്ള അപേക്ഷയിൽ വ്യക്തമായി രേഖപ്പെടുത്തേണ്ടതാണ്. അല്ലാത്തപക്ഷം അഡ്മിഷൻ സമയത്ത് പ്രസ്തുത രേഖകൾ ഹാജരാക്കിയാലും മേൽപ്പറഞ്ഞ ആനുകൂല്യങ്ങൾ ലഭിക്കുന്നതല്ല. വിദ്യാർഥികള്ക്ക് 20 ഓപ്ഷൻ വരെ സെലക്ട് ചെയ്യാം. കോളജുകളെ സംബന്ധിക്കുന്ന വിവരങ്ങൾ (ദൂരം, ഹോസ്റ്റല് സൗകര്യം മുതലായവ) അതത് കോളജുകളുടെ വെബ്സൈറ്റിൽ ലഭ്യമാണ്. അത് പരിശോധിച്ചതിനുശേഷം മാത്രം കോളജുകള് തെരഞ്ഞെടുക്കേണ്ടതാണ്.
ഓപ്ഷന് കൊടുത്ത കോളജുകളിലേക്ക് അലോട്ട്മെന്റ് ലഭിക്കുകയാണെങ്കിൽ നിര്ബന്ധമായും പ്രവേശനം നേടേണ്ടതാണ്. അല്ലാത്തപക്ഷം തുടര്ന്നുവരുന്ന അലോട്ട്മെന്റിൽ പരിഗണിക്കുന്നതല്ല. പ്രവേശനം ആഗ്രഹിക്കുന്ന കോളജുകളും കോഴ്സുകളും മാത്രം തെരഞ്ഞെടുക്കാന് പ്രത്യേകം ശ്രദ്ധിക്കേണ്ടതാണ്. ഓണ്ലൈൻ രജിസ്ട്രേഷ൯ ചെയ്തതിനുശേഷം അപേക്ഷയുടെ പ്രിന്റൗട്ട് കോളജുകളിലേക്കോ സര്വകലാശാലയിലേക്കോ അയക്കേണ്ടതില്ല. അപേക്ഷയുടെ പ്രിന്റൗട്ടും ഫീസടച്ചതിന്റെ രസീതും പ്രവേശനസമയത്ത് അതത് കോളജുകളിൽ ഹാജരാക്കേണ്ടതാണ്.
ഓണ്ലൈൻ രജിസ്ട്രേഷൻ ഫീസ് 450 രൂപയാണ്.( SC/ST /PWBD വിഭാഗത്തിന് 270 ). ഏകജാലക സംവിധാനത്തിലുള്ള എല്ലാ ഫീസുകളും SBIEpay മുഖാന്തിരം അടയ്ക്കേണ്ടതാണ്. ഇതുസംബന്ധിച്ചുള്ള വിവരങ്ങള് www.admission.kannuruniversity.ac.in എന്ന വെബ്സൈറ്റില് ലഭ്യമാണ്. ഡിഡി, ചെക്ക്, മറ്റു ചലാനുകള് തുടങ്ങിയവ സ്വീകരിക്കുന്നതല്ല. ഫീസടച്ച രസീത് നിർബന്ധമായും സൂക്ഷിക്കേണ്ടതാണ്. അലോട്ട്മെന്റ് തീയതി, കോളജുകളിൽ അഡ്മിഷൻ എടുക്കേണ്ട തീയതി തുടങ്ങിയവ അതത് സമയങ്ങളിൽ വെബ്സൈറ്റിലൂടെയും പത്രക്കുറിപ്പിലൂടെയും അറിയിക്കും.
അന്വേഷണങ്ങൾ ഫോൺ മുഖാന്തിരം മാത്രം. ഹെല്പ്പ് ലൈ൯ നമ്പർ : 0497 2715284 ,04972715261, 7356948230 . Website : www.admission.kannuruniversity.ac.in. Email id :
[email protected] പ്രവൃത്തി ദിവസങ്ങളില് ഓഫീസ് സമയത്ത് മാത്രം ബന്ധപ്പെടുക.
പരീക്ഷ പുനഃക്രമീകരിച്ചു നാളെ നടത്താൻ നിശ്ചയിച്ചിരുന്ന ഒന്നാം സെമസ്റ്റർ എംഎസ്സി സ്റ്റാറ്റിസ്റ്റിക്സ് പ്രോഗ്രാമിന്റെ STA1C03: Mathematical Methods for Statistics II (റഗുലർ/സപ്ലിമെന്ററി/ഇംപ്രൂവ്മെന്റ്), നവംബർ 2021 പരീക്ഷ ജൂലൈ നാലിന് നടക്കുന്ന രീതിയിൽ പുനഃക്രമീകരിച്ചു. പരീക്ഷാസമയം ഉച്ചയ്ക്ക് 1.30 മുതൽ വൈകുന്നേരം 4.30 വരെയാണ്.
പരീക്ഷാഫലം സർവകലാശാല പഠനവകുപ്പുകളിലെ ഒന്നാം സെമസ്റ്റർ എംഎസ്സി എൻവയൺമെന്റൽ സയൻസ്/ ക്ലിനിക്കൽ കൗൺസലിംഗ് സൈക്കോളജി (റഗുലർ/സപ്ലിമെന്ററി), നവംബർ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും ജൂലൈ ഒന്നിന് വൈകുന്നേരം അഞ്ചുവരെ അപേക്ഷിക്കാം.
പ്രായോഗിക പരീക്ഷ മൂന്നാംവർഷ വിദൂരവിദ്യാഭ്യാസ ബികോം/ബിബിഎ (റഗുലർ/സപ്ലിമെന്ററി/ഇംപ്രൂവ്മെന്റ്), മാർച്ച് 2022 പ്രായോഗിക പരീക്ഷകൾ ഈമാസം അവസാനവാരം കോവിഡ് മാനദണ്ഡപ്രകാരം വിവിധ കേന്ദ്രങ്ങളിൽ ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ രണ്ടു ദിവസത്തിനകം ലഭ്യമാക്കും.
തീയതി നീട്ടി അഞ്ചാം സെമസ്റ്റർ ബിഎ എൽഎൽബി (റഗുലർ/സപ്ലിമെന്ററി), നവംബർ 2021 പരീക്ഷകൾക്ക് അപേക്ഷിക്കുന്നതിനുള്ള അവസാന തീയതി 29വരെ നീട്ടി.