പ്രൈവറ്റ് രജിസ്ട്രേഷൻ -പിജി അസൈൻമെന്റ്
കണ്ണൂർ സർവകലാശാല പ്രൈവറ്റ് രജിസ്ട്രേഷൻ രണ്ടാം സെമസ്റ്റർ ബിരുദാനന്തര ബിരുദം ഏപ്രിൽ 2021 സെഷൻ അസൈൻമെന്റ് 2022 ജൂലൈ നാലിന് വൈകുന്നേരം അഞ്ചുവരെ വിദൂരവിദ്യാഭ്യാസ ഡയറക്ടർക്ക് സമർപ്പിക്കാം. അവസാന തീയതിക്കുശേഷം ലഭിക്കുന്ന അസൈൻമെന്റ് സ്വീകരിക്കുന്നതല്ല.
പിജി പ്രവേശന പരീക്ഷ: സമയം പുനഃക്രമീകരിച്ചു
2022 23 അധ്യയനവർഷത്തിലെ പഠനവകുപ്പുകളിലെ പിജി പ്രോഗ്രാമുകളുടെ പ്രവേശനത്തിനാ
യുള്ള പ്രവേശനപരീക്ഷയുടെ സമയം പുനഃക്രമീകരിച്ചു. ഈമാസം 26, ജൂലൈ രണ്ട്, മൂന്ന് തീയതികളിൽ നടത്താനിരുന്ന പരീക്ഷകളാണ് പുനഃക്രമീകരിച്ചിട്ടുള്ളത്. പുതുക്കിയ ടൈം ടേബിൾ സർവകലാശാല വെബ്സൈറ്റിൽ ലഭ്യമാണ്. വിശദ വിവരങ്ങൾക്ക് www.admission.kannuruniv.ac.in സന്ദർശിക്കുക.
പരീക്ഷാഫലം
സർവകലാശാല പഠനവകുപ്പിലെ മൂന്നാം സെമസ്റ്റർ എംഎ മ്യൂസിക് റഗുലർ, നവംബർ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും ജൂലൈ രണ്ടിന് വൈകുന്നേരം അഞ്ചുവരെ അപേക്ഷിക്കാം.
പ്രവേശനത്തിന് നിയന്ത്രണം
ഒന്നാം സെമസ്റ്റർ ബിരുദ പരീക്ഷയുടെ ഹാൾടിക്കറ്റും മൂന്നാം സെമസ്റ്റർ ബിരുദ പരീക്ഷയുടെ ഫലപ്രഖ്യാപനവുമായി ബന്ധപ്പെട്ടുള്ള ജോലിത്തിരക്കുകാരണം 25, 27 തീയതികളിൽ കണ്ണൂർ സർവകലാശാലയുടെ ബിരുദ വിഭാഗത്തിലേക്കുള്ള (റൂം നന്പർ.302) വിദ്യാർഥികളുടെ പ്രവേശനം പരിമിതപ്പെടുത്തി.
ടൈംടേബിൾ
ജൂലൈ 12, 13 തീയതികകളിൽ ആരംഭിക്കുന്ന ഒന്നും ഏഴും സെമസ്റ്റർ ബിഎ എൽഎൽബി (റഗുലർ/ സപ്ലിമെന്ററി), നവംബർ 2021 പരീക്ഷാ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.