കണ്ണൂർ സർവകലാശാലയുടെ തലശേരി ഡോ. ജാനകിയമ്മാൾ കാമ്പസിലെ ബയോടെക്നോളജി/ മൈക്രോബയോളജി വിഭാഗത്തിൽ സംസ്ഥാനസർക്കാരിന്‍റെ ധനസഹായത്തോടെ നടപ്പിലാക്കുന്ന ഗവേഷണ പദ്ധതിയിൽ ഹ്രസ്വകാലത്തേക്ക് റിസർച്ച് ഇന്‍റേണായി ചേരാൻ താത്പര്യമുള്ളവരിൽനിന്ന് അപേക്ഷ ക്ഷണിച്ചു.
ബയോടെക്നോളജി/മൈക്രോബയോളജി/മോളിക്യുലർ ബയോളജി വിഷയങ്ങളിൽ ഒന്നാം ക്ലാസ് ബിരുദാനന്തര ബിരുദം നേടിയവർക്ക് അപേക്ഷിക്കാം. പ്രസ്തുത വിഷയങ്ങൾ പഠിക്കുന്ന അവസാന സെമസ്റ്റർ ബിരുദാനന്തര ബിരുദ വിദ്യാർത്‌ഥികൾക്കും അപേക്ഷിക്കാം. തെരഞ്ഞെടുക്കപ്പെടുന്നവർക്ക് പ്രതിമാസം 10,000 രൂപ സ്റ്റൈപ്പൻഡായി ലഭിക്കും. താത്പര്യമുള്ളവർ
[email protected] എന്ന ഇമെയിൽ വിലാസത്തിൽ ബയോഡാറ്റ സഹിതം അപേക്ഷിക്കണം. അപേക്ഷ അയയ്‌ക്കേണ്ട അവസാന തീയതി ജൂലൈ എട്ട്.
പരീക്ഷാഫലം സർവകലാശാല പഠനവകുപ്പുകളിലെ മൂന്നാം സെമസ്റ്റർ എംഎ ആന്ത്രപ്പോളജി റഗുലർ, നവംബർ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും ജൂലൈ 11 ന് വൈകുന്നേരം അഞ്ചുവരെ അപേക്ഷിക്കാം.
സർവകലാശാല പഠനവകുപ്പിലെ ഒന്നാം സെമസ്റ്റർ എംഎസ്‌സി കംപ്യൂട്ടേഷണൽ ബയോളജി/ബയോടെക്നോളജി/മോളിക്യൂലാർ ബയോളജി റഗുലർ, നവംബർ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും ജൂലൈ 12 ന് വൈകുന്നേരം അഞ്ചുവരെ അപേക്ഷിക്കാം.
ഹാൾടിക്കറ്റ് ജൂലൈ അഞ്ചിന് ആരംഭിക്കുന്ന രണ്ടാം സെമസ്റ്റർ പിജി ഡിഎൽഡി (റഗുലർ/സപ്ലിമെന്‍ററി), മേയ് 2021 പരീക്ഷയുടെ ഹാൾടിക്കറ്റ് വെബ്സൈറ്റിൽ ലഭ്യമാണ്. ഓഫ്‌ലൈനായി പരീക്ഷയ്ക്ക് രജിസ്റ്റർ ചെയ്തവർക്ക് പരീക്ഷാകേന്ദ്രങ്ങളിൽനിന്ന് നേരിട്ട് ഹാൾടിക്കറ്റ് കൈപ്പറ്റാം.
ഇന്‍റേണൽ മാർക്ക് സമർപ്പണം ഒന്നാം സെമസ്റ്റർ ബിരുദ (നവംബർ 2021) പരീക്ഷയുടെ ഇന്‍റേണൽ അസസ്മെന്‍റ് മാർക്ക് ഇന്നുമുതൽ ജൂലൈ ഏഴുവരെ സമർപ്പിക്കാം.