സിണ്ടിക്കേറ്റ് മീറ്റിംഗ്
കാലിക്കട്ട് സര്വകലാശാലാ സിണ്ടിക്കേറ്റ് മീറ്റിംഗ് 15ന് രാവിലെ പത്തിന് സിണ്ടിക്കേറ്റ് കോണ്ഫറന്സ് റൂമില് നടക്കും.
സിഎച്ച്എംകെ ലൈബ്രറി പ്രവര്ത്തിക്കില്ല
അറ്റകുറ്റപ്പണികള് നടക്കുന്നതിനാല് സിഎച്ച്എംകെ ലൈബ്രറി ജൂലൈ പത്ത് വരെ പ്രവര്ത്തിക്കുന്നതല്ല എന്ന് യൂണിവേഴ്സിറ്റി ലൈബ്രേറിയന് അറിയിച്ചു.
വെറ്ററിനറി സര്ജന് വാക് ഇന് ഇന്റര്വ്യൂ
കാലിക്കട്ട് സര്വകലാശാലാ ലൈഫ് സയന്സ് പഠനവിഭാഗത്തില് വെറ്ററിനറി സര്ജന് തസ്തികയില് കരാര് നിയമനം നടത്തുന്നതിനായി വാക് ഇന് ഇന്റര്വ്യൂ നടത്തുന്നു. ഏഴിന് രാവിലെ 10.30 ന് ഭരണകാര്യാലയത്തിലാണ് ഇന്റര്വ്യൂ. 45 വയസ് കവിയാത്ത തല്പരരായ ഉദ്യോഗാര്ത്ഥികള് യോഗ്യത തെളിയിക്കുന്ന അസല് രേഖകളുമായി അഭിമുഖത്തിന് ഹാജരാകണം. യോഗ്യതയും മറ്റു വിശദവിവരങ്ങളും വെബ്സൈറ്റില്.
റാങ്ക് ലിസ്റ്റ് പ്രസിദ്ധീകരിച്ചു
കാലിക്കട്ട് സര്വകലാശാലാ പൊളിറ്റിക്കല് സയന്സ് പഠനവകുപ്പില് മണിക്കൂര് വേതനാടിസ്ഥാനത്തില് അസി. പ്രൊഫസര്മാരെ നിയമിക്കുന്നതിനായി നടത്തിയ അഭിമുഖത്തിന്റെ റാങ്ക്ലിസ്റ്റ് പഠനവിഭാഗം വെബ്സൈറ്റില് പ്രസിദ്ധീകരിച്ചു. നിലവിലുള്ള ഒഴിവുകളിലേക്ക് റാങ്ക്ലിസ്റ്റില് നിന്ന് ക്രമമനുസരിച്ച് നിയമനഉത്തരവ് അയക്കുന്നതാണ്.
പരീക്ഷാ അപേക്ഷ
രണ്ടാം സെമസ്റ്റര് അഞ്ച് വര്ഷ ഇന്റഗ്രേറ്റഡ് ഡബിള് ഡിഗ്രി ബികോംഎല്എല്ബി (ഓണേഴ്സ്) മാര്ച്ച് 2021, 2022 റഗുലര് പരീക്ഷകള്ക്ക് പിഴ കൂടാതെ 18 വരെയും 170 രൂപ പിഴയോടെ 20 വരെയും ഓണ്ലൈനായി രജിസ്റ്റര് ചെയ്യാം.
രണ്ടാം സെമസ്റ്റര് എംഎസ്സി. ബയോളജി, മാത്തമറ്റിക്സ് വിത് ഡാറ്റ സയന്സ്, ഫോറന്സിക് സയന്സ് ഏപ്രില് 2021 റഗുലര് പരീക്ഷകള്ക്ക് പിഴ കൂടാതെ 12 വരെയും 170 രൂപ പിഴയോടെ 14 വരെയും ഓണ്ലൈനായി അപേക്ഷിക്കാം.
പരീക്ഷ
ഒന്നാം സെമസ്റ്റര് എംടെക് നാനോസയന്സ് ആൻഡ് ടെക്നോളജി നവംബര് 2021 റഗുലര്, സപ്ലിമെന്ററി പരീക്ഷകള് 25ന് തുടങ്ങും.
രണ്ടാം സെമസ്റ്റര് എല്എല്എം (ഒരു വര്ഷം) ഏപ്രില് 2021 സപ്ലിമെന്ററി പരീക്ഷകള് 25ന് തുടങ്ങും.
പരീക്ഷ മാറ്റി
ജൂലൈ 11ന് നടത്താന് നിശ്ചയിച്ച നാലാം സെമസ്റ്റര് പിജി പരീക്ഷകള് ആഗസ്ത് ഒന്നിലേക്ക് മാറ്റി. മറ്റു പരീക്ഷകളില് മാറ്റമില്ല.
പുനര്മൂല്യനിര്ണയ ഫലം
മൂന്നാം സെമസ്റ്റര് ബിഎ, ബിഎ അഫ്സലുല് ഉലമ, ബിഎസ്ഡബ്ല്യു, ബിവിസി നവംബര് 2020 റഗുലര് പരീക്ഷയുടെ പുനര്മൂല്യനിര്ണയ ഫലം പ്രസിദ്ധീകരിച്ചു.
എംഎ മലയാളം ഒന്നാം സെമസ്റ്റര് നവംബര് 2020 പരീക്ഷയുടെയും എസ്ഡിഇ പ്രീവിയസ്, ഒന്ന്, രണ്ട് സെമസ്റ്റര് മെയ് 2020 പരീക്ഷയുടെയും പുനര്മൂല്യനിര്ണയ ഫലം പ്രസിദ്ധീകരിച്ചു.
മൂന്നാം സെമസ്റ്റര് ബികോം, ബിബിഎ നവംബര് 2020 സപ്ലിമെന്ററി, ഇംപ്രൂവ്മെന്റ് പരീക്ഷകളുടെ പുനര്മൂല്യനിര്ണയ ഫലം പ്രസിദ്ധീകരിച്ചു.