ഒന്നാം വർഷ ബിരുദ പ്രവേശനം 2022 - 23, തിരുത്തലുകൾക്ക് അവസരം
കേരള സർവകലാശാലയോട് അഫിലിയേറ്റ് ചെയ്തിട്ടുള്ള ഗവ, എയ്ഡഡ്,സ്വാശ്രയ ആർട്സ് ആൻഡ് സയൻസ് കോളജുകളിലും, യുഐടി, ഐഎച്ച്ആർഡി കേന്ദ്രങ്ങളിലും ഒന്നാം വർഷ ബിരുദ പ്രോഗ്രാമുകളിലേയ്ക്കുള്ള പ്രവേശനത്തിനുള്ള ഓണ്ലൈൻ രജിസ്ട്രേഷൻ (https://admissions.keralauniversity.ac.in) 31 വരെ നടത്താം.
നിലവിൽ രജിസ്ട്രേഷൻ നടത്തിക്കഴിഞ്ഞ വിദ്യാർഥികൾക്ക് പേര്, ജനനത്തീയതി, അക്കാഡമിക് വിവരങ്ങൾ, കോളജുകളുടെയും കോഴ്സുകളുടെയും ഓപ്ഷനുകൾ തുടങ്ങിയ തിരുത്തലുകൾക്കുളള ലിങ്ക് അവരവരുടെ പ്രൊഫൈലിൽ ലഭ്യമാക്കിയിട്ടുണ്ട്.
കെയുസിടിഇ ബിഎഡ് മാനേജ്മെന്റ് ക്വാട്ട
കെയുസിടിഇ കളിലെ 2022 23 അധ്യായന വർഷത്തിലെ മാനേജ്മെന്റ് ക്വാട്ട സീറ്റുകളിലേക്ക് മാത്രമായുള്ള രജിസ്ട്രേഷൻ ആരംഭിച്ചിരിക്കുന്നു. ഇതിനായി https://admissions.keralauniversity.ac.in എന്ന വെബ്സൈറ്റിലെ ബിഎഡ് പേജ് എടുത്തശേഷം കെയുസിടിഇ മാനേജ്മെന്റ് ക്വാട്ട രജിസ്ട്രേഷൻ നടപടികൾ പൂർത്തിയാക്കാവുന്നതാണ്. രജിസ്ട്രേഷൻ ഫീസ് 2000/ രൂപ. വിശദവിവരങ്ങൾക്ക് വെബ്സൈറ്റിൽ (https://admissions.keralauniversity.ac.in/) നൽകിയിട്ടുള്ള നിർദ്ദേശങ്ങൾ കാണുക .
പിജി, എംടെക്. പ്രൊവിഷണൽ റാങ്ക്ലിസ്റ്റ്
വിവിധ പഠനവകുപ്പുകളിലേക്ക് 2022 23 വർഷത്തെ പിജി, എംടെക് പ്രവേശന പരീക്ഷയുടെ പ്രൊവിഷണൽ റാങ്ക്ലിസ്റ്റ് പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ admissions.keralauniversity.ac.in/css2022 ലഭ്യമാണ്.
പരീക്ഷാഫലം
2021 നവംബറിൽ നടത്തിയ രണ്ടാം സെമസ്റ്റർ എംഎ പൊളിറ്റിക്കൽ സയൻസ്, എംഎസ്സി സൈക്കോളജി, കൗണ്സിലിംഗ് സൈക്കോളജി പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് ഒാഗസ്റ്റ് നാലു വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
ഒാഗസ്റ്റ് 25 ന് ആരംഭിക്കുന്ന രണ്ടാം സെമസ്റ്റർ എംബിഎ റെഗുലർ (2020 സ്കീം 2021 അഡ്മിഷൻ) (ഫുൾടൈം (യുഐഎംഉൾപ്പെടെ)/ട്രാവൽ ആന്ഡ് ടൂറിസം), സപ്ലിമെന്ററി (2020 സ്കീം 2020 അഡ്മിഷൻ, 2018 സ്കീം 2018 & 2019 അഡ്മിഷൻ), മേഴ്സിചാൻസ് (2009 സ്കീം 2010, 2011, 2012, 2013 അഡ്മിഷൻ, 2014 സ്കീം 2014, 2015, 2016, 2017 അഡ്മിഷൻ) പരീക്ഷകളുടെ രജിസ്ട്രേഷൻ ആരംഭിച്ചു. റെഗുലർ ആൻഡ് സപ്ലിമെന്ററി പരീക്ഷകൾക്ക് പിഴകൂടാതെ ഒാഗസ്റ്റ് രണ്ടു വരെയും 150 രൂപ പിഴയോടെ അഞ്ചു വരെയും 400 രൂപ പിഴയോടെ ഒന്പതു വരെയും അപേക്ഷിക്കാം. മേഴ്സിചാൻസ് പരീക്ഷയ്ക്ക് പിഴകൂടാതെ 11 വരെയും 150 രൂപ പിഴയോടെ 16 വരെയും 400 രൂപ പിഴയോടെ 19 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
സൂക്ഷ്മപരിശോധന
നാലാം സെമസ്റ്റർ ബിടെക് (2008 ആൻഡ് 2013 സ്കീം) സപ്ലിമെന്ററി,സെഷണൽ ഇംപ്രൂവ്മെന്റ്, ഡിസംബർ 2021 ഡിഗ്രി പരീക്ഷയുടെ സൂക്ഷ്മപരിശോധനയ്ക്ക് അപേക്ഷ സമർപ്പിച്ചിട്ടുള്ള വിദ്യാർഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി റീവാല്യുവേഷൻ സെക്ഷനിൽ ഇജെ ഏഴ് ഒാഗസ്റ്റ് ഒന്നു മുതൽ മൂന്നുവരെയുള്ള പ്രവൃത്തി ദിനങ്ങളിൽ ഹാജരാകേണ്ടതാണ്.
ഓറിയന്റേഷൻ ക്ലാസ്
അഫിലിയേറ്റഡ് കോളജുകളിലെ തെരഞ്ഞെടുത്ത അധ്യാപകർക്കായി ഉത്തരക്കടലാസുകളുടെ മൂല്യനിർണയം സംബന്ധിച്ച് ഓറിയന്റേഷൻ ക്ലാസുകൾ 30, ഒാഗസ്റ്റ് 6, 20, 27 എന്നീ തീയതികളിലായി പാളയം സെനറ്റ് ഹൗസ് ക്യാന്പസിലെ സെനറ്റ് ചേന്പർ, ആലപ്പുഴ എസ്ഡികോളേജ്, പന്തളം എൻഎസ്എസ്. കോളജ്, നിലമേൽ എൻഎസ്എസ്കോളജ്, കൊല്ലം എസ്എൻകോളജ് എന്നിവിടങ്ങളിൽ വച്ച് നടത്തുന്നതാണ്.
ഡിപ്ലോമ ഇൻ കമ്യൂണിക്കേറ്റീവ് അറബിക്: അപേക്ഷ ക്ഷണിച്ചു
അറബി വിഭാഗം നടത്തിവരുന്ന ഡിപ്ലോമ ഇൻ കമ്യൂണിക്കേറ്റീവ് അറബിക് (ഓണ്ലൈൻ) അഞ്ചാം ബാച്ചിലേക്ക് അപേക്ഷ ക്ഷണിച്ചു. യോഗ്യത: സർട്ടിഫിക്കറ്റ് കോഴ്സ് ഇൻ കമ്യൂണിക്കേറ്റീവ് അറബിക്, പ്രിലിമിനറി അറബിക്, മുൻഷി അറബിക്, അറബിക് ടീച്ചേർസ് എക്സാമിനേഷൻ, ഏതെങ്കിലും ഡിഗ്രി (അറബിക് സെക്കന്ഡ് ഭാഷയായിരിക്കണം), ഓറിയന്റൽ ടൈറ്റിൽ (ആലിം/ഫാളിൽ), ഫീസ്: 6000 സീറ്റുകൾ: 15. അപേക്ഷ ഫോമുകളും വിശദ വിവരങ്ങളും കാര്യവട്ടത്തുള്ള അറബിക് പഠനവകുപ്പിലും അറബിക് വിഭാഗത്തിന്റെ വെബ്സൈറ്റിലും www.arabicku.in ലഭിക്കും. അപേക്ഷ സ്വീകരിക്കുന്ന അവസാന തീയതി ഒാഗസ്റ്റ് എട്ട്, ഫോണ്: 0471 2308846 ആൻഡ് 9562722485