എംജി, കണ്ണൂർ സർവകലാശാലകളുടെ സംയുക്ത ബിരുദാനന്തര ബിരുദ കോഴ്സുകൾ
എംജി യൂണിവേഴ്സിറ്റിയും കണ്ണൂർ യൂണിവേഴ്സിറ്റിയും സംയുക്തമായി പുതിയ ബിരുദാനന്തര ബിരുദ കോഴ്സുകൾ ആരംഭിക്കുന്നു. രണ്ട് സർവ്വകലാശാലകളുടെയും വൈദഗ്ധ്യവും പഠന സൗകര്യങ്ങളും വിദ്യാർഥികൾക്ക് പ്രയോജനപ്പെടും വിധം സിലബസ് ക്രമീകരിച്ചിട്ടുള്ളതാണ് ഈ കോഴ്സുകൾ. ആരംഭത്തിൽ എംഎസ്സി കെമിസ്ട്രി (നാനോ സയൻസ് ആൻഡ് നാനോടെക്നോളജി), എംഎസ്സി ഫിസ്ക്സ് (നാനോസയൻസ് ആൻ നാനോ ടെക്നോളജി) എന്നീ കോഴ്സുകളാണ് സംയുക്തമായി ആരംഭിക്കുന്നത്. ഇത് വിദ്യാർഥികൾക്ക് കൂടുതൽ ജോലി സാധ്യതയും ഗവേഷണ സാധ്യതകളുമുള്ള കോഴ്സുകളാണ്. പഠനത്തിന്റെ ഭാഗമായി, ഒരു വ്യവസായ സ്ഥാപനത്തിൽ നിന്നുമുള്ള ഇന്േറണ്ഷിപ്പിനും വിദേശത്തോ ഇന്ത്യയിൽ തന്നെയോയുള്ള പ്രശസ്ത ഗവേഷണ സ്ഥാപനത്തിൽ ആറു മാസം നീണ്ടുനിൽക്കുന്ന ഗവേഷണ പദ്ധതിയിൽ പങ്കാളിയാകുവാനും അവസരം ലഭിക്കുന്നതാണ്. എംജി യൂണിവേഴ്സിറ്റിയിലെ സ്കൂൾ ഓഫ് നാനോസയൻസ് ആൻഡ് നാനോടെക്നോളജിയും കണ്ണൂർ സർവകലാശാലയിലെ കെമിസ്ട്രി വിഭാഗവും ഫിസിക്സ് വിഭാഗവും സംയുക്തമായാണ് കോഴ്സുകൾ നടത്തുന്നത്. യഥാക്രമം കെമിസ്ട്രിയിലും ഫിസിക്സിലുമുള്ള ബിരുദമോ തത്തുല്യയോഗ്യതയോ ആണ് എംഎസ്സി കെമിസ്ട്രി, ഫിസിക്സ് കോഴ്സുകളിലേക്കുള്ള അടിസ്ഥാന യോഗ്യത. വിദ്യാർഥികൾക്ക് എംഎസ്സി ഫിസിക്സ് , എംഎസ്സി കെമിസ്ട്രി ബിരുദം ലഭിക്കുന്നതിനൊപ്പം അതിനൂതന സാങ്കേതിക വിദ്യയായ നാനോസയൻസ് ആൻഡ്് നാനോ ടെക്നോളജിയിൽ പരിചയം ആർജിക്കുവാനുള്ള അവസരവും ലഭിക്കുന്നതാണ്. വിശദവിവരങ്ങൾക്ക് സർവകലാശാല വെബ്സൈറ്റ് (ംംം.ാഴൗ.മര.ശി) സന്ദർശിക്കുക.
ബിഎഡ് ഏകജാലകം
ബിഎഡ് ഏകജാലകം ഒന്നാം അലോട്ട്മെന്റ് പ്രസിദ്ധീകരിച്ചു. സ്ഥിര പ്രവേശനമെടുക്കേണ്ട അപേക്ഷകരും ഒന്നാം ഒപ്ഷനിൽ അലോട്ട്മെന്റ് ലഭിച്ചവരും അലോട്ട്മെന്റ് മെമോ ഡൗണ്ലോഡ് ചെയ്തതിന് ശേഷം കോളജുമായി ബന്ധപ്പെട്ട് കോളജിൽ ഒടുക്കേണ്ട ഫീസ് സഹിതം 16ന് വൈകുന്നേരം നാലിനു മുന്പായി കോളജിൽ നേരിട്ട് ഹാജരായി പ്രവേശനം കണ്ഫേം ചെയ്യേണ്ടതാണ്. (ഉറപ്പാക്കേണ്ടതാണ്.) താത്കാലിക പ്രവേശനമെടുക്കാൻ ആഗ്രഹിക്കുന്നവർ നേരിട്ട് കോളജുകളിൽ റിപ്പോർട്ട് ചെയ്യേണ്ടതില്ല. ഇവർ കോളജുമായി ബന്ധപ്പെട്ട് 16നു വെകുന്നേരം നാിനു ് മുന്പായി ഓണ്ലൈനായി പ്രവേശനമെടുക്കാവുന്നതാണ്. വിശദവിവരങ്ങൾക്ക് രമു.ാഴൗ.മര.ശി എന്ന വെബ്സൈറ്റ് സന്ദർശിക്കുക.
പരീക്ഷാ ഫീസ്
24 ന് ആരംഭിക്കുന്ന നാലാം സെമസ്റ്റർ എംഎച്ച്ആർഎം (പുതിയ സ്കീം 2020 അഡ്മിഷൻ റഗുലർ, 2019 അഡ്മിഷൻ ഇംപ്രൂവ്മെന്റ്, സപ്ലിമെന്ററി , 2018, 2017 അഡ്മിഷൻ സപ്ലിമെന്ററി) പരീക്ഷകൾക്ക് പിഴയില്ലാതെ നാളെ വരെയും പിഴയോടു കൂടി 11 നും സൂപ്പർഫൈനോടു കൂടി 12 നും അപേക്ഷിക്കാം. വിശദമായ ടൈംടേബിൾ സർവകലാശാല വെബ്സൈറ്റിൽ.
സീറ്റൊഴിവ്
സ്കൂൾ ഓഫ് ബിഹേവിയറൽ സയൻസസിൽ എംഎസ്സി സൈക്കോളജി പ്രോഗ്രാമിൽ 202224 പ്രവേശന ബാച്ചിൽ എസ്ടി വിഭാഗത്തിൽ സീറ്റൊഴിവുണ്ട്. അർഹരായവർ 04812731034, 9496201466, 9495213248 എന്നീ നന്പറുകളിൽ ബന്ധപ്പെടുക.
പ്രാക്ടിക്കൽ പരീക്ഷ
ഒന്നാം സെമസ്റ്റർ ബിവോക്ക് അക്കൗണ്ടിംഗ് ആൻഡ് ടാക്സേഷൻ, ബാങ്കിംഗ് ആൻഡ്് ഫിനാൻഷ്യൽ സർവീസസ് (2021 അഡ്മിഷൻ റഗുലർ പുതിയ സ്കീം) ജൂണ് 2022 പരീക്ഷയുടെ പ്രായോഗിക പരീക്ഷകൾ (എഒസി) 10നു അതതു കേന്ദ്രങ്ങളിൽ നടക്കും. വിശദവിവരങ്ങൾ വെബ്സൈറ്റിൽ.
2022 ജൂണിൽ നടന്ന രണ്ടാം സെമസ്റ്റർ ബിവോക്. ബ്രോഡ്കാസ്റ്റിംഗ് ആൻഡ് ജേർണലിസം (പുതിയ സ്കീം 2020 അഡ്മിഷൻ റഗുലർ , 2019, 2018 അഡ്മിഷൻ റീഅപ്പിയറൻസ്, ഇംപ്രൂവ്മെന്റ്) പരീക്ഷയുടെ പ്രാക്്ടിക്കൽ പരീക്ഷകൾ 10 മുതൽ അതത് കോളജുകളിൽ നടക്കും. വിശദവിവരങ്ങൾ വെബ്സൈറ്റിൽ.
ഒന്നാം സെമസ്റ്റർ ബിവോക് ഫാഷൻ ഡിസൈൻ ആൻഡ് മാനേജ്മെന്റ്, ഫാഷൻ ടെക്നോളജി ആൻഡ് മർച്ചൻ ഡൈസിംഗ് (പുതിയ സ്കീം 2021 അഡ്മിഷൻ റഗുലർ) ജൂണ് 2022 ബിരുദ പരീക്ഷയുടെ പ്രാക്്ടിക്കൽ പരീക്ഷകൾ 10 മുതൽ 25 വരെ തീയതികളിൽ അതത് കോളജുകളിൽ നടക്കും. വിശദവിവരങ്ങൾ വെബ്സൈറ്റിൽ.
രണ്ടാം സെമസ്റ്റർ ബിവോക്ക് അക്കൗണ്ടിംഗ് ആൻഡ് ടാക്സേഷൻ, ബാങ്കിംഗ്് ആൻഡ്് ഫിനാൻഷ്യൽ സർവീസസ് (2020 അഡ്മിഷൻ റഗുലർ, 2019, 2018 അഡ്മിഷൻ റീഅപ്പിയറൻസ്, ഇംപ്രൂവ്മെന്റ് പുതിയ സ്കീം) ജൂലൈ 2022 പരീക്ഷയുടെ പ്രായോഗിക പരീക്ഷകൾ (ഇന്േറണ്ഷിപ്പ്) 12നു അതത് കേന്ദ്രങ്ങളിൽ നടക്കും. വിശദവിവരങ്ങൾ വെബ്സൈറ്റിൽ.
വൈവാ വോസി
രണ്ടാം സെമസ്റ്റർ എംബിഎ (2021 അഡ്മിഷൻ റഗുലർ , 2020, 2019 അഡ്മിഷൻ സപ്ലിമെന്ററി) ഓഗസ്റ്റ് 2022 ബിരുദ പരീക്ഷയുടെ വൈവാ വോസി പരീക്ഷകൾ 12 മുതൽ 17 വരെ അതതു കോളജുകളിൽ നടക്കും. വിശദവിവരങ്ങൾ വെബ്സൈറ്റിൽ.
പരീക്ഷാ ഫലം
2022 മാർച്ചിൽ നടന്ന ഒന്നാം വർഷ ബിഎസ്സി മെഡിക്കൽ മൈക്രോബയോളജി (20082014 അഡ്മിഷൻ മേഴ്സി ചാൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനക്കുമുള്ള അപേക്ഷകൾ നിശ്ചിത ഫീസ് സഹിതം 22 വരെ പരീക്ഷാ കണ്ട്രോളറുടെ കാര്യാലയത്തിൽ സ്വീകരിക്കും.
നാലാം വർഷ ബിഎസ്സി മെഡിക്കൽ ലബോറട്ടറി ടെക്നോളജി (പുതിയ സ്കീം 20082016 അഡ്മിഷൻ സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനക്കുമുള്ള അപേക്ഷകൾ നിശ്ചിത ഫീസ് സഹിതം 22 വരെ പരീക്ഷാ കണ്ട്രോളറുടെ കാര്യാലയത്തിൽ സ്വീകരിക്കും.