ബിരുദാനന്തര ബിരുദ പ്രവേശനം 12 വരെ ദീർഘിപ്പിച്ചു:പുതിയ കോഴ്സ് ഉൾപ്പെടുത്തി
കേരളസർവകലാശാലയോട് അഫിലിയേറ്റ് ചെയ്തിട്ടുള്ള ഗവ.,എയ്ഡഡ്,സ്വാശ്രയ ആർട്സ് ആൻഡ് സയൻസ് കോളജുകളിലും, യുഐടി, ഐഎച്ച്ആർഡി കേന്ദ്രങ്ങളിലും ബിരുദാനന്തര ബിരുദ പ്രോഗ്രാമുകളിലേയ്ക്കുള്ള ഓണ്ലൈൻ രജിസ്ട്രേഷൻ 12 വരെ നീട്ടി. https://admissions.keralauniversity.ac.in വെബ്സൈറ്റ് സന്ദർശിക്കുക.
സിഎച്ച്എംഎം ചാവർകോട് ആർട്സ് ആന്ഡ് സയൻസ് കോളജിൽ എംഎ ഇംഗ്ലീഷ് കോഴ്സ് പുതിയതായി ഉൾപ്പെടുത്തിയിട്ടുണ്ട്. നിലവിൽ ഓപ്ഷൻ സമർപ്പിച്ചവർക്ക് ഈ കോഴ്സുകൂടി ഉൾപ്പെടുത്താനും രജിസ്ട്രേഷൻ ചെയ്യാത്തവർക്ക് ഇതുകൂടി ഉൾപ്പെടുത്തി അപേക്ഷ സമർപ്പിക്കാനും അവസരമുണ്ട.
ഒന്നാം വർഷ ബിഎഡ് പ്രവേശനം ഓണ്ലൈൻ രജിസ്ട്രേഷൻ 16 വരെ നീട്ടി
കേരളസർവകലാശാലയോട് അഫിലിയേറ്റ് ചെയ്തിട്ടുള്ള ഗവ,എയ്ഡഡ്,കെയുസിടിഇ, സ്വാശ്രയ കോളജുകളിലും ഒന്നാം വർഷ ബിഎഡ് പ്രോഗ്രാമുകളിലേയ്ക്കുള്ള പ്രവേശനത്തിന് ഓണ്ലൈൻ രജിസ്ട്രേഷനുള്ള അവസാന തീയതി 16 വരെ നീട്ടി. വിശദ വിവരങ്ങൾ അഡ്മിഷൻ വെബ്സൈറ്റിൽ. (http://admissions.keralauniversity.ac.in)
ബിഎഡ് പ്രവേശനം : പ്രൊഫൈലിൽ തിരുത്തലുകൾക്ക് അവസരം
കേരളസർവകലാശാലയോട് അഫിലിയേറ്റ് ചെയ്തിട്ടുള്ള ഗവ,എയ്ഡഡ്,കെയുസിടിഇ, സ്വാശ്രയ കോളജുകളിൽ ഒന്നാം വർഷ ബിഎഡ് പ്രോഗ്രാമുകളിലേയ്ക്കുള്ള പ്രവേശനം പരാതിരഹിത ഓണ്ലൈൻ രജിസ്ട്രേഷൻ ലക്ഷ്യമിടുന്നതിനാൽ വിദ്യാർഥികൾ അതീവ ശ്രദ്ധയോടും കൃത്യതയോടും രജിസ്ട്രേഷൻ നടപടികൾ പൂർത്തിയാക്കണം.നിലവിൽ രജിസ്ട്രേഷൻ നടത്തിക്കഴിഞ്ഞ വിദ്യാർഥികൾക്ക് പേര്, ജനനത്തീയതി, അക്കാഡമിക് വിവരങ്ങൾ കോളജുകളുടേയും കോഴ്സുകളുടേയും ഓപ്ഷനുകൾ തുടങ്ങിയ തിരുത്തലുകൾക്കുളള ലിങ്ക് അവരവരുടെ പ്രൊഫൈലിൽ ലഭ്യമാക്കിയിട്ടുണ്ട് . വിശദ വിവരങ്ങൾ അഡ്മിഷൻ വെബ്സൈറ്റിൽ. (http://admissions.keralauniversity.ac.in)
കെഎൻഎം ബിഎഡ് കോളജ്, കാഞ്ഞിരംകുളം അഡ്മിഷൻ പോർട്ടലിൽ ഉൾപ്പെടുത്തി
ഒന്നാം വർഷ ബിഎഡ് അഡ്മിഷൻ രജിസ്ട്രേഷനുള്ള പോർട്ടലിലേക്ക് കെഎൻഎംബിഎഡ് കോളജിലെ കോഴ്സുകൾ കൂടി ഉൾപ്പെടുത്തിയിട്ടുണ്ട്. അപേക്ഷകർക്ക് അഡ്മിഷൻ പോർട്ടൽ മുഖേന (http://admissions.keralauniversity.ac.in) രജിസ്ട്രേഷൻ നടത്താം. വിശദവിവരങ്ങൾ അഡ്മിഷൻ വെബ്സൈറ്റിൽ.
പരീക്ഷാഫലം
മാർച്ചിൽ നടത്തിയ എംഫിൽ അറബിക് തിരുവനന്തപുരം യൂണിവേഴ്സിറ്റി കോളജ് വിദ്യാർഥികളുടെ (2020 21 ബാച്ച്) പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പുതുക്കിയ ടൈംടേബിൾ
ഒന്ന്, രണ്ട്, മൂന്ന് സെമസ്റ്റർ എംഎസ്സി കന്പ്യൂട്ടർസയൻസ് (എസ്ഡിഇ 2017 അഡ്മിഷന് മുൻപ്) 2003 സ്കീം സപ്ലിമെന്ററി പരീക്ഷയുടെ പുതുക്കിയ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
രണ്ടിന് നടത്താനിരുന്നതും മാറ്റിവച്ചതുമായ ചേർത്തല സെന്റ്.മൈക്കിൾസ് കോളജിലെയും ശാസ്താംകോട്ട കെഎസ്എംഡിബികോളജിലേയും മൂന്നാം സെമസ്റ്റർ ബിവോക് സോഫ്റ്റ് വെയർ ഡെവലപ്പ്മെന്റ് കോഴ്സിന്റെ പ്രാക്ടിക്കൽ പരീക്ഷകൾ 11 ന് അതത് പരീക്ഷാകേന്ദ്രങ്ങളിൽ നടത്തും.
പരീക്ഷാഫീസ്
സെപ്റ്റംബറിൽ ആരംഭിക്കുന്ന രണ്ടാം സെമസ്റ്റർ ബിഎഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആന്ഡ് ലിറ്ററേച്ചർ (റെഗുലർ 2021 അഡ്മിഷൻ, ഇംപ്രൂവ്മെന്റ്,സപ്ലിമെന്ററി 2020 അഡ്മിഷൻ, സപ്ലിമെന്ററി 2017 2019 അഡ്മിഷൻ, മേഴ്സിചാൻസ് 2013 2016 അഡ്മിഷൻ) ഡിഗ്രി പരീക്ഷയുടെ വിജ്ഞാപനം പ്രസിദ്ധീകരിച്ചു. പിഴകൂടാതെ 17 വരെയും 150 രൂപ പിഴയോടെ 22 വരെയും 400 രൂപ പിഴയോടെ 24 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.