പരീക്ഷകൾ മാറ്റിവച്ചു
പരീക്ഷാകേന്ദ്രങ്ങളിൽ ദുരിതാശ്വാസ ക്യാന്പ് പ്രവർത്തിക്കുന്നതിനാൽ 30, സെപ്റ്റംബർ ഒന്ന് തീയതികളിൽ നടത്താനിരുന്ന നാലാം സെമസ്റ്റർ ബിരുദാനന്തര ബിരുദ പരീക്ഷകൾ യഥാക്രമം സെപ്റ്റംബർ 14, 17 തീയതികളിലേക്ക് മാറ്റി. പരീക്ഷാകേന്ദ്രങ്ങൾക്കോ മറ്റ് പരീക്ഷകൾക്കോ മാറ്റമില്ല.
പരീക്ഷാഫലം
ഏപ്രിലിൽ നടത്തിയ ബാച്ചിലർ ഓഫ് ഫിസിക്കൽ എഡ്യൂക്കേഷൻ (ബിപിഎഡ്) എട്ടാം സെമസ്റ്റർ പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
തീയതി നീട്ടി
ടീച്ചർ എഡ്യൂക്കേഷൻ സെന്ററുകളിൽ കരാർ വ്യവസ്ഥയിൽ പ്രിൻസിപ്പൽ തസ്തികയിലേയ്ക്ക് അപേക്ഷ അയയ്ക്കേണ്ട അവസാന തീയതി സെപ്റ്റംബർ 22 വരെ നീട്ടി.
സിബിസിഎസ്എസ്/കരിയർ റിലേറ്റഡ് ബിരുദ കോഴ്സുകളുടെ മൂന്നാം സെമസ്റ്റർ പരീക്ഷയുടെ പുനർമൂല്യനിർണയത്തിന് അപേക്ഷിക്കാനുളള അവസാന തീയതി സെപ്റ്റംബർ ഏഴ് വരെ നീട്ടി.
എംഎസ്ഡബ്യൂ പ്രവേശനം തിരുത്തലിന് അവസരം
യുഐടി സെന്ററുകളിലെ എംഎസ്ഡബ്യൂ കോഴ്സ് 201819 നുളള പ്രവേശന പരീക്ഷ, ഗ്രൂപ്പ് ഡിസ്കഷൻ, അഭിമുഖം എന്നിവയിൽ പങ്കെടുത്ത അപേക്ഷകർ യോഗ്യതാ പരീക്ഷയുടെ (ഡിഗ്രി) മാർക്കുഷീറ്റുകൾ അസൽ പകർപ്പ് സഹിതം അതാത് സെന്ററുകളിലെ പ്രിൻസിപ്പൽമാർക്ക് 31 ന് മുൻപ് ഹാജരാക്കേണ്ട താണ്. റാങ്ക് ലിസ്റ്റ് തയാറാക്കുന്നതിനായി യോഗ്യതാ പരീക്ഷയുടെ മാർക്ക് ലിസ്റ്റ് ഹാജരാക്കണം.
അഡ്മിഷൻ ടെസ്റ്റ് എഴുതി ഓണ്ലൈൻ അപേക്ഷയുടേയും അനുബന്ധരേഖകളുടേയും പകർപ്പുകൾ സമർപ്പിക്കാത്തവർ സെപ്റ്റംബർ മൂന്നിനകം അവ സമർപ്പിക്കണം.
പി.ജി ഓണ്ലൈൻ രജിസ്ട്രേഷൻ അവസാന തീയതി സെപ്റ്റംബർ ഏഴ്
സർക്കാർ, എയ്ഡഡ്, സ്വാശ്രയ കോളജുകൾ/സെന്ററുകൾ എന്നിവിടങ്ങളിലെ ഒന്നാം വർഷ ബിരുദ ബിരുദാനന്തര പ്രവേശനത്തിനുളള (201819) ഓണ്ലൈൻ രജിസ്ട്രേഷൻ സെപ്റ്റംബർ ഏഴു വരെ ദീർഘിപ്പിച്ചു.