കേരള ആരോഗ്യ ശാസ്ത്ര സർവകലാശാല ഈമാസം 24 മുതലാരംഭിക്കുന്ന നാലാംവർഷ ബിഎസ്സി എംഎൽടി ഡിഗ്രി റെഗുലർ/സപ്ലിമെന്ററി പരീക്ഷയ്ക്ക് സെപ്റ്റംബർ ഏഴുവരെ ഓൺലൈൻ ആയി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി പത്തു വരേയും, 315 രൂപ സൂപ്പർ ഫൈനോടുകൂടി പതിനൊന്നു വരേയും ഓൺലൈൻ രജിസ്ട്രേഷൻ നടത്താം.
ഒക്ടോബർ മൂന്ന് മുതലാരംഭിക്കുന്ന രണ്ടാംവർഷ ബിഎസ്സി ഒപ്റ്റോമെട്രി ഡിഗ്രി റെഗുലർ/സപ്ലിമെന്ററി (2016 , 2014 & 2010 സ്കീം) പരീക്ഷയ്ക്ക് ഈമാസം 15 വരെയുള്ള തീയതികളിൽ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി 18 വരേയും, 315 രൂപ സൂപ്പർ ഫൈനോടുകൂടി 22 വരെയും ഓൺലൈൻ രജിസ്ട്രേഷൻ നടത്താം.
ഒക്ടോബർ 22 മുതലാരംഭിക്കുന്ന ഒന്നാം വർഷ മാസ്റ്റർ ഓഫ് ഒപ്റ്റോമെട്രി ഡിഗ്രി റെഗുലർ/സപ്ലിമെന്ററി പരീക്ഷയ്ക്ക് സെപ്റ്റംബർ 11 മുതൽ 25 വരെയുള്ള തീയതികളിൽ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി 28 വരേയും, 315 രൂപ സൂപ്പർ ഫൈനോടുകൂടി ഒക്ടോബർ മൂന്നു വരേയും ഓൺലൈൻ രജിസ്ട്രേഷൻ നടത്താം.
ഒക്ടോബർ 12 മുതലാരംഭിക്കുന്ന രണ്ടാംവർഷ ബിഎസ്സി മെഡിക്കൽ മൈക്രോബയോളജി ഡിഗ്രി റെഗുലർ/സപ്ലിമെന്ററി (2016 & 2014 സ്കീം) പരീക്ഷയ്ക്ക് ഈമാസം 24 വരെ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി 26 വരെയും, 315 രൂപ സൂപ്പർഫൈനോടുകൂടി 27 വരേയും ഓൺലൈൻ രജിസ്ട്രേഷൻ നടത്താം.
ഒക്ടോബർ 12 മുതലാരംഭിക്കുന്ന രണ്ടാം വർഷ ബിഎസ്സി മെഡിക്കൽ ബയോകെമിസ്ട്രി ഡിഗ്രി റെഗുലർ/സപ്ലിമെന്ററി (2016 & 2014 സ്കീം) പരീക്ഷയ്ക്ക് ഈമാസം 24 വരെയുള്ള തീയതികളിൽ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി 26 വരേയും, 315 രൂപ സൂപ്പർഫൈനോടുകൂടി 27 വരേയും ഓൺലൈൻ രജിസ്ട്രേഷൻ നടത്താം.
മാർക്ക് ലിസ്റ്റ് വിതരണം
2018 ഏപ്രിലിൽ നടത്തിയ മൂന്നാംവർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷ, മേയിൽ നടത്തിയ രണ്ടാം വർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷ എന്നിവയുടെ മാർക്ക് ലിസ്റ്റുകൾ വിതരണത്തിനായി നഴ്സിംഗ് കോളജുകളിലേക്ക് അയച്ചിട്ടുണ്ട്. വിദ്യാർത്ഥികൾ അതാതു നഴ്സിംഗ് കോളജുകളിൽനിന്നും കൈപ്പറ്റേണ്ടതാണ്.
പരീക്ഷാ റീടോട്ടലിംഗ് ഫലം
2018 മേയിൽ പരീക്ഷ നടത്തി ഫലപ്രഖ്യാപനം നടത്തിയ മൂന്നാംവർഷ ബിഎസ്സി എംഎൽ ടി ഡിഗ്രി റെഗുലർ/സപ്ലിമെന്ററി (2013 & 2014 പ്രവേശനം) പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
പ്രാക്ടിക്കൽ പരീക്ഷാ തിയതി
ഈമാസം 17 മുതലാരംഭിക്കുന്ന രണ്ടാം വർഷ എംഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
പരീക്ഷാ തിയതി
ഒക്ടോബർ ഒന്ന് മുതലാരംഭിക്കുന്ന രണ്ടാംവർഷ എംഎഎസ്എൽ പി ഡിഗ്രി റെഗുലർ/സപ്ലിമെന്ററി (2016 & 2010 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.
ഒക്ടോബർ നാല് മുതലാരംഭിക്കുന്ന രണ്ടാംവർഷ ബിഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി (2016 & 2010 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.