12നു നടക്കുന്ന പിജി പ്രവേശനത്തിന്റെ സപ്ലിമെന്ററി അലോട്ടുമെന്റിനു പരിഗണിക്കപ്പെടുന്നതിനായി അപേക്ഷകർക്ക് തങ്ങൾ നേരത്തെ നൽകിയ ഓപ്ഷനുകൾ പുനഃക്രമികരിക്കുവാൻ 10ന് വൈകുന്നേരം അഞ്ചു വരെ സൗകര്യമുണ്ടാകും. അപേക്ഷകർക്ക് തങ്ങളുടെ അപേക്ഷാ നന്പർ, പാസ്വേഡ് ഇവ ഉപയോഗിച്ച് ലോഗിൻ ചെയ്ത് ഓപ്ഷനുകളിൽ ആവശ്യമായ പുനഃക്രമീകരണം നടത്താൻ സാധിക്കും. എന്നാൽ പുതുതായി കോളജുകളോ, പ്രോഗ്രാമുകളോ കൂടുതലായി കൂട്ടിച്ചേർക്കുവാൻ ഈ ഘട്ടത്തിൽ സാധിക്കുകയില്ല. ഒന്നാം സപ്ലിമെന്ററി അലോട്ട്മെന്റിൽ താത്കാലിക പ്രവേശം ലഭിച്ച വിദ്യാർഥികൾ തങ്ങൾക്ക് നിലവിൽ ലഭിച്ച അലോട്ട്മെന്റിൽ തൃപ്തരാണെങ്കിൽ നിലനിൽക്കുന്ന ഹയർ ഓപ്ഷനുകൾ ’ഡിലീറ്റ്’ ചെയ്യേണ്ടതാണ്. അലോട്ട്മെന്റ് ലഭിച്ച വിദ്യാർഥികൾ ഹയർ ഓപ്ഷൻ ഡിലീറ്റ് ചെയ്യാതിരിക്കുകയും ത·ൂലം രണ്ടാം സ്പെഷ്യൽ അലോട്ട്മെന്റിൽ പുതുതായി ഹയർ ഓപ്ഷനിലെ മറ്റൊരു പ്രോഗ്രാമിലേക്ക്, കോളജിലേക്ക് അലോട്ട്മെന്റ് ലഭിക്കുകയും ചെയ്യുന്ന പക്ഷം പുതുതായി അലോട്ട്മെന്റ് ലഭിച്ച പ്രോഗ്രാമിലേക്ക് ,കോളജിലേക്ക് നിർബന്ധമായും പ്രവേശനം നേടേണ്ടതായി വരും. കൂടാതെ അവർക്ക് ലഭിച്ച ആദ്യ അലോട്ട്മെന്റ് റദ്ദാക്കപ്പെടുകയും ചെയ്യും. എന്നാൽ, സ്ഥിരപ്രവേശനം എടുത്ത വിദ്യാർഥികൾ ഹയർ ഓപ്ഷനുകൾ ’ഡിലീറ്റ്’ ചെയ്യേണ്ടതില്ല.
ഡിഗ്രി ഏകജാലകം:
ഫൈനൽ അലോട്ടുമെന്റിന്റെ ഒന്നാം അലോട്ടുമെന്റിൽ പ്രവേശനത്തിന് അർഹത നേടിയവർ 11ന് ഉച്ചകഴിഞ്ഞ് മൂന്നിന് മുന്പായി ബന്ധപ്പെട്ട കോളേജുകളിൽ പ്രവേശനം നേടേണ്ടതാണ്
ഫൈനൽ അലോട്ടുമെന്റിന്റെ ഒന്നാം അലോട്ടുമെന്റ് ലഭിച്ച അപേക്ഷകർ ഓണ്ലൈനായി സർവകലാശാലാ അക്കൗണ്ടിൽ വരേണ്ട ഫീസടച്ച് അലോട്ടുമെന്റ് മെമ്മോയുടെ പ്രിന്റൗട്ട് എടുത്ത് യോഗ്യത തെളിയിക്കുന്ന അസൽ സാക്ഷ്യപത്രങ്ങൾ 11ന് ഉച്ചകഴിഞ്ഞ് മൂന്നിനു മുന്പായി അലോട്ട്മെന്റ് ലഭിച്ച കോളജിൽ ഹാജരായി പ്രവേശനം നേടണം. 10ന് വൈകുന്നേരം 4.30ന് മുന്പായി ഫീസ് ഒടുക്കാത്തവരുടെയും ഫീസൊടുക്കിയശേഷം കോളജിൽ പ്രവേശനം നേടാത്തവരുടെയും അലോട്ടുമെന്റ് റദ്ദാക്കുന്നതാണ്. ഫൈനൽ അലോട്ട്മെന്റ് ലഭിക്കുന്ന എല്ലാവരും തന്നെ സ്ഥിരപ്രവേശം നേടേണ്ടതാണ്. ഫൈനൽ അലോട്ട്മെന്റിൽ ഹയർ ഓപ്ഷനുള്ള സൗകര്യം ലഭ്യമല്ലാത്തതിനാൽ സ്ഥിരപ്രവേശം എടുക്കാത്തവരുടെ അലോട്ട്മെന്റ് റദ്ദാക്കപ്പെടുന്നതാണ്.
പുതുക്കിയ പരീക്ഷാ തീയതി
മൂന്ന്, അഞ്ച്, ഏഴ്, 11, 13 തീയതികളിൽ നടത്തുവാൻ നിശ്ചയിച്ചിരുന്ന നാലാം സെമസ്റ്റർ എംഎജഐംസി. (2016 അഡ്മിഷൻ റഗുലർ, 2016ന് മുന്പുള്ള അഡ്മിഷൻ സപ്ലിമെന്ററി) പരീക്ഷകൾ യഥാക്രമം 18, 24, 26, 28, ഒക്ടോബർ ഒന്ന് ഓഗസ്റ്റ് 10ന് നടത്താനിരുന്നതും സെപ്റ്റംബർ ഏഴിലേക്ക് മാറ്റിവച്ചതുമായ രണ്ടാം സെമസ്റ്റർ (2017 അഡ്മിഷൻ റഗുലർ, 2015 ആൻഡ് 2016 അഡ്മിഷൻ സപ്ലിമെന്ററി) ബിടെക് പരീക്ഷകൾ (സീപാസ്) 18നും ഓഗസ്റ്റ് 13ന് നടത്താനിരുന്നതും ഓഗസ്റ്റ് 29ലേക്ക് മാറ്റിവയ്ക്കപ്പെട്ടതുമായ പരീക്ഷകൾ 25നും ഓഗസ്റ്റ് ഏഴിന് നടത്താനിരുന്നതും സെപ്റ്റംബർ അഞ്ചിലേക്ക് മാറ്റിവയ്ക്കപ്പെട്ടതുമായ നാലാം സെമസ്റ്റർ (2016 അഡ്മിഷൻ റഗുലർ, 2015 അഡ്മിഷൻ സപ്ലിമെന്ററി) ബിടെക് പരീക്ഷകൾ (സീപാസ്) 24നും ഓഗസ്റ്റ് 14ന് നടത്താനിരുന്നതും ഓഗസ്റ്റ് 30ലേക്ക് മാറ്റിവച്ചതുമായ പരീക്ഷകൾ 26നും ഓഗസ്റ്റ് 16ന് നടത്താനിരുന്നതും സെപ്റ്റംബർ മൂന്നിലേക്ക് മാറ്റിവച്ചതുമായ പരീക്ഷകൾ 28നും ഓഗസ്റ്റ് 20ന് നടത്താനിരുന്ന പരീക്ഷ ഒക്ടോബർ ഒന്നിനും ഓഗസ്റ്റ് 10ന് നടത്താനിരുന്നതും സെപ്റ്റംബർ ഏഴിലേക്ക് മാറ്റിവച്ചതുമായ ഒന്നാം സെമസ്റ്റർ എൽഎൽബി (അഫിലിയേറ്റഡ് കോളജുകൾ) പരീക്ഷകൾ 18നും ഓഗസ്റ്റ് 29, 31, സെപ്റ്റംബർ മൂന്ന്, അഞ്ച് തീയതികളിലെ പരീക്ഷകൾ യഥാക്രമം 24, 26, 28, ഒക്ടോബർ ഒന്നിനും ഓഗസ്റ്റ് 10ന് നടത്താനിരുന്നതും സെപ്റ്റംബർ മൂന്നിലേക്ക് മാറ്റിവച്ചതുമായ ഒന്നും രണ്ടും സെമസ്റ്റർ എംഎ, എംഎസ്സി, എംകോം (പ്രൈവറ്റ് രജിസ്ട്രേഷൻ 2017 അഡ്മിഷൻ റഗുലർ) പരീക്ഷകൾ സെപ്റ്റംബർ 18നും ഓഗസ്റ്റ് 13ന് നടത്താനിരുന്നതും 30ലേക്ക് മാറ്റിവച്ചതുമായ പരീക്ഷകൾ 24നും ഓഗസ്റ്റ് 31, സെപ്റ്റംബർ മൂന്ന്, അഞ്ച് തീയതികളിൽ നടത്താനിരുന്ന മൂന്നാം വർഷ ബിഎസ്സി എംആർടി (2016ന് മുന്പുള്ള അഡ്മിഷൻ) സപ്ലിമെന്ററി പരീക്ഷകൾ യഥാക്രമം 18, 24, 26 തീയതികളിലും ഓഗസ്റ്റ് 31, സെപ്റ്റമബർ മൂന്ന്, അഞ്ച്, ഏഴ് തീയതികളിൽ നടത്താനിരുന്ന മൂന്നാം വർഷ ബിപിടി (2008 മുതൽ അഡ്മിഷൻ സപ്ലിമെന്ററി) പരീക്ഷകൾ യഥാക്രമം 18, 24, 26, 28 തീയതികളിലും ഓഗസ്റ്റ് 30ന് നടത്താനിരുന്ന മേഴ്സി ചാൻസ് പരീക്ഷ മൂന്നാം വർഷ മോഡൽ ഒന്ന് ബിഎസ്സി മാത്തമാറ്റിക്സ്, പാർട്ട് മൂന്ന് മെയിൻ (ആനുവൽ സ്കീം) പേപ്പർ ആറ് ’’കോംപ്ലക്സ് അനാലിസിസ്’’ സ്പെഷൽ പരീക്ഷ 24നും സെപ്റ്റംബർ മൂന്ന്, അ്ഞ്ച്, ഏഴ്, 10, 13 തീയതികളിലെ നാലാം സെമസ്റ്റർ എംസിജെ (2015 അഡ്മിഷൻ) സ്പെഷൽ പരീക്ഷകൾ യഥാക്രമം 18, 24, 26, 28, ഒക്ടോബർ ഒന്ന് തീയതികളിൽ നടത്തുന്നതിനായി പുതുക്കി നിശ്ചയിച്ചു. പരീക്ഷാകേന്ദ്രത്തിനും സമയത്തിനും മാറ്റമില്ല.
ഓഗസ്റ്റ് 30, സെപ്റ്റംബർ മൂന്ന്, അ്ഞ്ച്, ഏഴ്, 13 തീയതികളിൽ നടത്താനിരുന്ന ആറാം സെമസ്റ്റർ സിബിസിഎസ്എസ് (റീഅപ്പിയറൻസ് 2013ന് മുന്പുള്ള അഡ്മിഷൻ) പരീക്ഷകൾ യഥാക്രമം ഒക്ടോബർ ഒന്ന്, മൂന്ന്, അഞ്ച്, എ്ട്ട്, 10 തീയതികളിലും ഓഗസ്റ്റ് 31, സെപ്റ്റംബർ നാല്, ആറ്, 10, 14 തീയതികളിലെ നാലാം സെമസ്റ്റർ സിബിസിഎസ്എസ് (റീഅപ്പിയറൻസ് 2013ന് മുന്പുള്ള അഡ്മിഷൻ, മേഴ്സി ചാൻസ്) പരീക്ഷകൾ യഥാക്രമം ഒക്ടോബർ നാല്, ഒന്പത്, 11, 15, 17 തീയതികളിലും നടത്തുന്നതിനായി പുതുക്കി നിശ്ചയിച്ചു. പരീക്ഷാകേന്ദ്രത്തിനും സമയത്തിനും മാറ്റമില്ല. മറ്റ് പരിക്ഷകളുടെ തീയതികൾക്ക് മാറ്റമില്ല.
സംവരണ സീറ്റൊഴിവ്
സ്കൂൾ ഓഫ് സോഷ്യൽ സയൻസിൽ ഒന്നാം എംഎ ആന്ത്രപ്പോളജിക്ക് എസ്സി വിഭാഗത്തിൽ ഒരു സീറ്റൊഴിവുണ്ട്. അർഹരായ വിദ്യാർഥികൾ അസ്സൽ രേഖകൾ സഹിതം 10ന് വൈകുന്നേരം അഞ്ചിനു മുന്പായി വകുപ്പുമേധാവിയുടെ മുന്പാകെ ഹാജരാകണം.
പരീക്ഷാഫലം
2018 ജനുവരിയിൽ നടത്തിയ സിബിസിഎസ്എസ് ഒന്നാം സെമസ്റ്റർ ബിഎ മോഡൽ ഒന്ന്,രണ്ട്, മൂന്ന് സപ്ലിമെന്ററി (2013, 2014, 2015, 2016 അഡ്മിഷൻ) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 22 വരെ അപേക്ഷിക്കാം.
2018 ഫെബ്രുവരിയിൽ സ്കൂൾ ഓഫ് കെമിക്കൽ സയൻസസിൽ നടത്തിയ ഒന്നാം സെമസ്റ്റർ എംടെക് പോളിമർ സയൻസ് ആൻഡ് ടെക്നോളജി (സിഎസ്എസ്) പരീക്ഷയുടെ ഫലം പ്രസിദ്ധപ്പെടുത്തി.
2017 ജൂലൈ മാസത്തിൽ നടത്തിയ രണ്ടാം സെമസ്റ്റർ ബിബിഎ, ബിസിഎ, ബിഎസ്ഡബ്ല്യു (ന്യൂ ജനറേഷൻ 2013ന് മുന്പുള്ള അഡ്മിഷൻ) സപ്ലിമെന്ററി പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 22 വരെ അപേക്ഷിക്കാം.
2018 മേയ് മാസത്തിൽ നടത്തിയ നാലാം സെമസ്റ്റർ എംഎസ്സി അനലിറ്റിക്കൽ കെമിസ്ട്രി, പോളിമർ കെമിസ്ട്രി (സിഎസ്എസ് റഗുലർ ആൻഡ് സപ്ലിമെന്ററി) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 22 വരെ അപേക്ഷിക്കാം.
അവാർഡ്
മാസ്റ്റർ ബിരുദത്തിന് ഒന്നും രണ്ടും സ്ഥാനം നേടിയ വിഷ്വലി ചലഞ്ചഡ് വിദ്യാർഥികൾക്ക് ഓൾ ഇന്ത്യ കോണ്ഫെഡറേഷൻ ഓഫ് ദ ബ്ലൈൻഡ് ഏർപ്പെടുത്തിയിട്ടുള്ള കൃഷ്ണകുമാരി വർമ്മ മെമ്മോറിയൽ അവാർഡ് 2018നുള്ള അപേക്ഷാഫോറത്തിനും വിശദവിവരങ്ങൾക്കും www.mgu.ac.in എന്ന വെബ്സൈറ്റിൽ Announcement എന്ന ലിങ്ക് സന്ദർശിക്കുക.