നിയമ പഠന വകുപ്പിൽ 201819 വർഷത്തേക്കുളള എംഫിൽ ഹ്യൂമൻ റൈറ്റ്സ് (സിഎസ്എസ്) അഡ്മിഷനു വേണ്ടി 12 ന് നടത്താനിരുന്ന ഇന്റർവ്യൂ 14 ലേക്ക് മാറ്റി.
പി.ജി. പ്രവേശനം: ഒന്നാം അലോട്ട്മെന്റ് പ്രസിദ്ധീകരിച്ചു
സർവകലാശാലയോട് അഫിലിയേറ്റ് ചെയ്തിട്ടുള്ള ഗവ./എയ്ഡഡ്/സ്വാശ്രയ കോളജുകളിലെയും യുഐടികളിലേയും 201819 അധ്യയന വർഷത്തെ ബിരുദാനന്തര ബിരുദ (പി.ജി.) കോഴ്സുകളിലേക്കുള്ള പ്രവേശനത്തിനുള്ള ഒന്നാം അലോട്ട്മെന്റ് പ്രസിദ്ധീകരിച്ചു. ആപ്ലിക്കേഷൻ നന്പർ, പാസ്വേർഡ് എന്നിവ ഉപയോഗിച്ച് ലോഗിൻ ചെയ്ത് വിദ്യാർഥികൾക്ക് തങ്ങളുടെ അലോട്ട്മെന്റ് () പരിശോധിക്കാം. അലോട്ട്മെന്റ് ലഭിച്ച അപേക്ഷകർ 12നകം ഓണ്ലൈനായോ അല്ലാത്ത പക്ഷം അഡ്മിഷൻ ഫീസ് ഒടുക്കുന്നതിനുള്ള ചെലാൻ ഡൗണ്ലോഡ് ചെയ്ത് എസ്ബിഐയുടെ ഏതെങ്കിലും ശാഖയിൽ ഫീസ് ഒടുക്കുകയോ ചെയ്ത ശേഷം ജേർണൽ നന്പർ വെബ്സൈറ്റിൽ
http://admissions.keralauniversity.ac.in/>) നൽകി തങ്ങളുടെ സീറ്റ് ഉറപ്പാക്കേണ്ടതാണ്. ഫീസ് അടച്ച വിവരം (ജേർണൽ നന്പർ, തുക, ഫീസൊടുക്കിയ തീയതി, ശാഖ മുതലായവ) വെബ്സൈറ്റിൽ രേഖപ്പെടുത്താത്ത അപേക്ഷകരുടെ അലോട്ട്മെന്റ് നഷ്ടപ്പെടുകയും തുടർന്നുള്ള അലോട്ട്മെന്റുകളിൽ യാതൊരു കാരണവശാലും പരിഗണിക്കുന്നതുമല്ല. ഹയർ ഓപ്ഷനുകൾ ആവശ്യമില്ലാത്തവർ 12നകം അവ നീക്കം ചെയ്യണം. രണ്ടാം ഘട്ട അലോട്ട്മെന്റിനു ശേഷം മാത്രം കോളജുകളിൽ പ്രവേശനം നേടിയാൽ മതിയാകും. പ്രവേശനം സംബന്ധിച്ച വിശദമായ അറിയിപ്പ് അഡ്മിഷൻ വെബ്സൈറ്റിൽ പ്രസിദ്ധപ്പെടുത്തിയിട്ടുണ്ട്.