ദേശീയതല സാങ്കേതികോത്സവം
ഇന്സ്റ്റിറ്റ്യൂട്ട് ഓഫ് എന്ജിനിയറിംഗ് ആന്ഡ് ടെക്നോളജിയില് ദേശീയ തലത്തിലുള്ള ടെക്ഫെസ്റ്റ് നടത്തുന്നു. 'ആവേഗ് 2018' എന്ന പേരിലുള്ള പരിപാടി 14 മുതല് 16 വരെയാണ് നടക്കുക. ഉദ്ഘാടനം 14ന് വൈസ് ചാന്സലര് ഡോ.കെ.മുഹമ്മദ് ബഷീര് നിര്വഹിക്കും. എന്ജിനിയറിംഗ് കോളജിലെ വിവിധ ഡിപ്പാര്ട്ടുമെന്റുകളിലെ വിദ്യാര്ഥികളുടെ പ്രോജക്ടുകള് അവതരിപ്പിക്കും. കൂടാതെ മണിപ്പാല് , പൂന സര്വകലാശാലയില് നിന്നുള്ള പ്രതിനിധികളും പ്രോജക്ടുകള് അവതരിപ്പിക്കുന്നുണ്ട്. രാവിലെ പത്തിനാണ്പരിപാടികള് തുടങ്ങുക. മൂന്ന് ദിവസവും വൈകുന്നേരം കലാസാംസ്കാരിക പരിപാടികളുമുണ്ട്. വിശദവിവരങ്ങള്ക്ക് പ്രോഗ്രാം കമ്മിറ്റി കണ്വീനറെ ബന്ധപ്പെടുക. ഫോണ്: 7012490181.
പിജി സ്പെഷല് പരീക്ഷ
അന്തര് സര്വകലാശാലാ മത്സരങ്ങളില് പങ്കെടുത്തത് മൂലം പരീക്ഷ എഴുതാന് സാധിക്കാത്ത മൂന്നാം സെമസ്റ്റര് പിജി (സിയുസിഎസ്എസ്) വിദ്യാര്ഥികള്ക്ക് സ്പെഷല് പരീക്ഷ 17ന് ഫിസിക്കല് എഡ്യുക്കേഷന് പഠനവകുപ്പില് ആരംഭിക്കും. ടൈംടേബിള് വെബ്സൈറ്റില് .
പരീക്ഷാ അപേക്ഷ
അഫിലിയേറ്റഡ് കോളജുകളിലെ രണ്ട്, നാല് സെമസ്റ്റര് എല്എല്എം (സെമസ്റ്റര് സ്കീം2013 മുതല് പ്രവേശനം) റഗുലര് /സപ്ലിമെന്ററി പരീക്ഷക്ക് പിഴകൂടാതെ 27 വരെയും 160 രൂപ പിഴയോടെ ഒക്ടോബര് ഒന്ന് വരെയും അപേക്ഷിക്കാം.