എംജി ഏകജാലകം സീറ്റൊഴിവ്
എംജി സർവകലാശാലയോട് അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളജുകളിലെ വിവിധ യുജി പ്രോഗ്രാമിലേക്ക് 17 ന് ശേഷം ഒഴിവു വരുന്ന സീറ്റുകളിലേക്ക് പ്രവേശനം ആഗ്രഹിക്കുന്നവർക്ക്, ബന്ധപ്പെട്ട കോളജുകളിൽ 22 വരെ നേരിട്ട് അപേക്ഷ സമർപ്പിക്കാം. വിശദാംശങ്ങൾ യൂണിവേഴ്സിറ്റി വെബ്സൈറ്റിൽ.
പിജി ഏകജാലകം ഒന്നാം ഫൈനൽ അലോട്ട്മെന്റ് പ്രസിദ്ധീകരിച്ചു. പ്രവേശനത്തിന് അർഹത നേടിയവർ 19ന് വൈകുന്നേരം 4.30 ന് മുന്പായി ബന്ധപ്പെട്ട കോളജുകളിൽ പ്രവേശനം നേടണം. അതിനു ശേഷം ഫീസ് അടയ്ക്കാത്തവരുടെയും പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. ഓണ്ലൈനായി സർവകലാശാലാ അക്കൗണ്ടിൽ വരേണ്ട ഫീസ് അടച്ച് അലോട്ട്മെന്റ് മെമോയുടെ പ്രിന്റൗട്ടെടുത്ത് യോഗ്യത തെളിയിക്കുന്ന അസൽ സാക്ഷ്യപത്രങ്ങൾ ഹാജരാക്കണം.
സീറ്റൊഴിവ്
സ്കൂൾ ഓഫ് ബയോസയൻസസ് ഡിപ്പാർട്ട്മെന്റിൽ 201819 അക്കാദമിക് വർഷത്തെ പിജി പ്രോഗ്രാമുകളായ ബയോകെമിസ്ട്രി, മൈക്രോ ബയോളജി എന്നീ പ്രോഗ്രാമുകളിൽ പട്ടിക വർഗ (എസ്ടി) വിഭാഗത്തിൽ ഓരോ ഒഴിവ് വീതമുണ്ട്. യോഗ്യരായ വിദ്യാർഥികൾ യോഗ്യത തെളിയിക്കുന്ന അസൽ സർട്ടിഫിക്കറ്റുകളുമായി 19ന് രാവിലെ 10നു സ്കൂൾ ഓഫ് ബയോസയൻസസിൽ ഹാജരാകണം. 0481 2731035
പരീക്ഷാ ഫലം
2018 മേയിൽ നടന്ന നാലാം സെമസ്റ്റർ എംഎസ്സി സുവോളജി (റെഗുലർ, സപ്ലിമെന്റി), നാലാം സെമസ്റ്റർ എംഎ പൊളിറ്റിക്കൽ സയൻസ് സിഎസ്എസ് (റെഗുലർ, ഇംപ്രൂവ്മെന്റ്, സപ്ലിമെന്റി), നാലാം സെമസ്റ്റർ എംഎസ്സി ഫിസിക്സ് പിജി സിഎസ്എസ്, നാലാം സെമസ്റ്റർ എംഎസ്സി ബോട്ടണി സിഎസ്എസ് (റെഗുലർ, സപ്ലിമെന്റി), നാലാം സെമസ്റ്റർ പിജി സിഎസ്എസ് എംഎസ്സി ഹോം സയൻസ് ബ്രാഞ്ച് അഞ്ച് എ ചൈൽഡ് ഡവലപ്മെന്റ് ആൻഡ് ബിഹേവിയറൽ സയൻസ്, നാലാം സെമസ്റ്റർ എംഎ മ്യൂസിക് വീണ, വയലിൻ (റെഗുലർ, സപ്ലിമെന്റി) പരീക്ഷാ ഫലം പ്രഖ്യാപിച്ചു. പുനർമൂല്യ നിർണയത്തിനും സൂക്ഷ്മ പരിശോധനക്കുമുള്ള അപേക്ഷകൾ ഒക്ടോബർ മൂന്നു വരെ സമർപ്പിക്കാം.