പിജി പ്രവേശനം ഓണ്ലൈൻ അപേക്ഷയിൽ തിരുത്തലിന് അവസരം
ആർട്സ് & സയൻസ് കോളജുകളിലും (ഗവ./എയ്ഡഡ്/സ്വാശ്രയ/ഐ.എച്ച്.ആർ.ഡി.) യുഐടികളിലും ബിരുദാനന്തരബിരുദ പ്രവേശനത്തിന് അപേക്ഷിച്ചിട്ടുള്ള വിദ്യാർത്ഥികൾക്ക് ഓണ്ലൈൻ അപേക്ഷയിൽ മാറ്റം വരുത്തുവാൻ അവസരം നൽകുന്നു. 25 നു രാവിലെ 10 വരെ സ്വന്തം ഓണ്ലൈൻ അപേക്ഷയിൽ മാറ്റങ്ങൾ വരുത്താം. ഓണ്ലൈൻ അപേക്ഷയിൽ നിലവിൽ നൽകിയിട്ടുള്ള ഓപ്ഷനുകൾ അടക്കം തിരുത്തലുകൾ വരുത്തുന്നതിന് ഈ അവസരം പ്രയോജനപ്പെടുത്താം. ഇത്തരത്തിൽ വരുത്തിയ മാറ്റങ്ങൾ പരിഗണിച്ച് 26 വൈകുന്നേരം ഒന്നാം സപ്ലിമെന്ററി അലോട്ട്മെന്റ് പ്രസിദ്ധപ്പെടുത്തും. നിലവിൽ പ്രവേശനം ലഭിച്ചവർക്ക് സ്വന്തം നിലയ്ക്ക് തിരുത്തലിന് അവസരം ഇല്ല. തിരുത്തലുകൾ ആവശ്യമുള്ള അഡ്മിഷൻ ലഭിച്ച വിദ്യാർഥികൾ സർവകലാശാലയുമായി ബന്ധപ്പെടണം. പ്രവേശനം നേടിക്കഴിഞ്ഞ വിദ്യാർഥികൾ തങ്ങൾക്ക് ലഭിച്ച കോളജ്, കോഴ്സ് എന്നിവയിൽ തൃപ്തരാണെങ്കിൽ ഹയർ ഓപ്ഷനുകൾ റദ്ദാക്കണം. അല്ലാത്ത പക്ഷം തുടർന്നുള്ള അലോട്ട്മെന്റിൽ ഹയർ ഓപ്ഷനിൽ ലഭിച്ച കോളജും കോഴ്സും നിർബന്ധമായും സ്വീകരിക്കണം. തിരുത്തലുകൾ വരുത്തിക്കഴിഞ്ഞവർ ഓണ്ലൈൻ അപേക്ഷയുടെ പുതിയ പ്രിന്റൗട്ട് തുടർ ആവശ്യങ്ങൾക്കായി സൂക്ഷിക്കേണ്ടതാണ്.
ടൈംടേബിൾ
ജൂലൈയിൽ നടത്തിയ നാലാം സെമസ്റ്റർ ബിപിഎ ഡാൻസ് പരീക്ഷയുടെ പ്രാക്ടിക്കൽ പരീക്ഷകൾ 26 മുതൽ 28 വരെയും, നാലാം സെമസ്റ്റർ ബിപിഎ മൃദംഗം പരീക്ഷയുടെ പ്രാക്ടിക്കൽ പരീക്ഷകൾ 25 മുതൽ 27 വരെയും, നാലാം സെമസ്റ്റർ ബിപിഎ വയലിൻ പരീക്ഷയുടെ പ്രാക്ടിക്കൽ പരീക്ഷകൾ ഒക്ടോബർ ഒമ്പതു മുതൽ 17 വരെയും, നാലാം സെമസ്റ്റർ ബിപിഎ വോക്കൽ പരീക്ഷയുടെ പ്രാക്ടിക്കൽ പരീക്ഷകൾ 24 മുതലും ശ്രീ സ്വാതി തിരുനാൾ സംഗീത കോളജിൽ നടത്തും. വിശദമായ ടൈംടേബിൾ വെബ്സൈറ്റിൽ.
പരീക്ഷാഫലം
മേയിൽ നടത്തിയ അഞ്ചാം സെമസ്റ്റർ എംസിഎ (2015 സ്കീം) റെഗുലർ, മൂന്നാം സെമസ്റ്റർ എംസിഎ (2011 സ്കീം) സപ്ലിമെന്ററി, ഒന്നാം സെമസ്റ്റർ എംസിഎ (2011 സ്കീം) സപ്ലിമെന്ററി പരീക്ഷകളുടെ ഫലം വെബ്സൈറ്റിൽ.
2018 ജൂണിൽ നടത്തിയ ഒന്നാം വർഷ പ്രൈവറ്റ് രജിസ്ട്രേഷൻ എംഎ ഇക്കണോമിക്സ്, എംഎ പൊളിറ്റിക്കൽ സയൻസ്, എംഎ അറബിക്, എംഎ ഫിലോസഫി എന്നിവയുടെ പരീക്ഷാഫലങ്ങൾ വെബ്സൈറ്റിൽ.
പുതുക്കിയ തീയതി
ഓഗസ്റ്റ്/ സെപ്റ്റംബറിൽ മാറ്റിവച്ച നാലാം സെമസ്റ്റർ ബിടെക് 2013 സ്കീം പരീക്ഷകളുടെ പുതുക്കിയ തീയതി വെബ്സൈറ്റിൽ
പരീക്ഷാകേന്ദ്രം
24, 26 തീയതികളിൽ നടക്കുന്ന ഒന്നും രണ്ട ും വർഷ ബികോം (ആന്വൽ സ്കീം) ഇംഗീഷ് പരീക്ഷയ്ക്ക് ഓണ്ലൈനായി അപേക്ഷിച്ചിട്ടുളളവർ (റെഗുലർ/സപ്ലിമെന്ററി) പരീക്ഷയ്ക്ക് വേണ്ടി ഹാൾടിക്കറ്റ് പ്രത്യേകമായി ഓണ്ലൈൻ വഴി എടുത്ത് അതിൽ രേഖപ്പെടുത്തിയിരിക്കുന്ന കേന്ദ്രങ്ങളിൽ പരീക്ഷ എഴുതണം.
ഓഫ്ലൈനായി അപേക്ഷിച്ചവർ മാർ ഈവാനിയോസ്, തിരുവനന്തപുരം പരീക്ഷാ കേന്ദ്രമായി അപേക്ഷിച്ചവർ വിടിഎംഎൻഎസ്എസ് ധനുവച്ചപുരത്തും, എഫ്എംഎൻ കൊല്ലം പരീക്ഷാ കേന്ദ്രമായി അപേക്ഷിച്ചവർ എസ്എൻ കോളജ് ചാത്തന്നൂരും പരീക്ഷ എഴുതണം. തിരുവനന്തപുരം ഗവ.സംസ്കൃത കോളജ് പരീക്ഷാ കേന്ദ്രമായി അപേക്ഷിച്ച രജിസ്റ്റർ നന്പർ 21001 മുതൽ 21030 വരെയുളള വിദ്യാർഥികൾ തിരുവനന്തപുരം യൂണിവേഴ്സിറ്റി കോളജിലും, രജിസ്റ്റർ നന്പർ 21031 മുതൽ 21073 വരെയുള്ളവർ ഗവ.കോളജ് കാഞ്ഞിരംകുളത്തും പരീക്ഷ എഴുതണം.
പരീക്ഷാഫീസ്
ഒക്ടോബറിൽ ആരംഭിക്കുന്ന ബികോം (ആന്വൽ സ്കീം) (എസ്ഡി.ഇ & പ്രൈവറ്റ്) പാർട്ട് മൂന്ന് പരീക്ഷകൾക്ക് പിഴ കൂടാതെ 29 വരെയും 50 രൂപ പിഴയോടെ ഒക്ടോബർ മൂന്നു വരെയും 125 രൂപ പിഴയോടെ ഒക്ടോബർ അഞ്ചു വരെയും ഓണ്ലൈനായും മറ്റുളളവർ നേരിട്ടും അപേക്ഷ നൽകണം. വിശദവിവരങ്ങൾ വെബ്സൈറ്റിൽ.