ഇഫ്ലുവിൽ വിദൂര പഠന കോഴ്സ്
ഹൈദരാബാദിലെ ഇംഗ്ലീഷ് ആൻഡ് ഫോറിൻ ലാംഗ്വേജസ് യൂണിവേഴ്സിറ്റി (ഇഫ്ളു) യിൽ എംഎ ഇംഗ്ലീഷ്, പോസ്റ്റ് ഗ്രാജ്വേറ്റ് ഡിപ്ലോമ ഇൻ ടീച്ചിംഗ് ഓഫ് ഇംഗ്ലീഷ് എന്നിവയിൽ വിദൂര പഠന രീതിയിൽ നടത്തുന്ന കോഴ്സുകളിലേക്ക് അപേക്ഷ ക്ഷണിച്ചു.
ഇംഗ്ലീഷ് (പിജിഡിടിഇ) ഒരു വിഷയമായി പഠിച്ച് ഏതെങ്കിലും വിഷയത്തിൽ ബിരുദം നേടിയവർക്ക് എംഎയ്ക്ക് അപേക്ഷിക്കാം. ഇഫ്ളു നടത്തുന്ന പോസ്റ്റ് ഗ്രാജ്വേറ്റ് സർട്ടിഫിക്കറ്റ് ഇൻ ടീച്ചിംഗ് ഓഫ് ഇംഗ്ലീഷ് പാസായവർക്കാണു പിജിഡിടിഇ കോഴ്സിന് അപേക്ഷിക്കാവുന്നത്. എംഎ ഇംഗ്ലീഷിനും പിജിഡിടിഇ കോഴ്സിനും ഒക്ടോബർ അഞ്ചിനകം അപേക്ഷിക്കണം. അപേക്ഷാ ഫോം ഡൗൺലോഡ് ചെയ്തെടുത്ത് അപേക്ഷാ ഫീസ്, ട്യൂഷൻ ഫീസ് എന്നിവയ്ക്ക് വ്യത്യസ്ത ഡിഡി സഹിതം വേണം അപേക്ഷിക്കാൻ.
രണ്ടു വർഷമാണ് എംഎ ഇംഗ്ലീഷ് കോഴ്സിന്റെ കാലാവധി. ട്യൂഷൻ ഫീസ് പാർട്ട് ഒന്നിനു 1100 രൂപയും പാർട്ട് രണ്ടിന് 550 രൂപയും. മറ്റു ചെലവുകൾ എല്ലാം കൂടി ചേർന്ന് ഇത് യാഥാക്രമം 5100 രൂപയും 3150 രൂപയും.
അപേക്ഷാ ഫീസ് 500 രൂപയും പട്ടിക ജാതിവർഗക്കാർക്ക് 250 രൂപയും. പാർട്ട് ഒന്നിലെ വിഷയങ്ങൾ (അക്കഡേ മിക് റീഡിംഗ് ആൻഡ് റൈറ്റിംഗ്, ഇൻട്രൊഡക്ഷൻ ടു ലിംഗ്വിസ്റ്റിക്സ് ആൻഡ് ഫൊണറ്റിക്സ്, ബ്രിട്ടീഷ് ലിറ്ററേച്ചർ 1,2) എല്ലാം നിർബന്ധമായും പഠിച്ചിരിക്കണം.
പാർട്ട് രണ്ടിലെ (സെക്കൻഡ് ലാംഗ്വേജ് ലേണിംഗ് ആൻഡ് ടീച്ചിംഗ്, ലിറ്റററി ക്രിട്ടിസിസം ആൻ തിയറി, അമേരിക്കൻ പൊയട്രി ആൻഡ് ഡ്രാമ, അമേരിക്കൻ ഫിക്ഷൻ, ഇന്ത്യൻ റൈറ്റിംഗ് ഇൻ ഇംഗ്ലീഷ്, പോസ്റ്റ് കൊളോണിയൽ ലിറ്ററേച്ചേഴ്സ് ഇൻ ഇംഗ്ലീഷ്) ആദ്യ രണ്ടെണ്ണം നിർബന്ധിതവും മറ്റുള്ളവ ഇലക്ടീവുമാണ്.
പോസ്റ്റ് ഗ്രാജ്വേറ്റ് ഡിപ്ലോമ ഇൻ ടീച്ചിംഗ് ഓഫ് ഇംഗ്ലീഷ് കോഴ്സിന്റെ കാലാവധി ഒരു വർഷമാണ്. ആകെ ഫീസ് 6200 രൂപ. അപേക്ഷാ ഫീസ് 500 രൂപ.
വിലാസം: ഡീൻ, സ്കൂൾ ഓഫ് ഡിസ്റ്റൻസ് എഡ്യൂക്കേഷൻ, ഇംഗ്ലീഷ് ആൻഡ് ഫോറിൻ ലാംഗ്വേജസ് യൂണിവേഴ്സിറ്റി, ഹൈദരാബാദ്500 605. ഫോണ്: 040 270 95025.www.efluniv ersity.ac.in.