ബിഫാം (ലാറ്ററൽ എൻട്രി): ഓണ്ലൈൻ ഓപ്ഷനുകൾ ക്ഷണിച്ചു
തിരുവനന്തപുരം : നാല് സർക്കാർ ഫാർമസി കോളജുകളിലേയും 39 സ്വകാര്യ സ്വാശ്രയ ഫാർമസി കോളജുകളിലേയും ബിഫാം (ലാറ്ററൽ എൻട്രി) കോഴ്സിലേക്ക് പ്രവേശനത്തിനുള്ള കേന്ദ്രീകൃത അലോട്ട്മെന്റ് നടപടിക്രമങ്ങൾ ആരംഭിച്ചു.
23ന് വൈകുന്നേരം അഞ്ചുവരെ ഓണ്ലൈനായി ഓപ്ഷനുകൾ രജിസ്റ്റർ ചെയ്യാം. 24നു ഒന്നാംഘട്ട കേന്ദ്രീകൃത അലോട്ട്മെന്റ് പ്രസിദ്ധീകരിക്കും. അലോട്ട്മെന്റ് ലഭിക്കുന്ന വിദ്യാർഥികൾ 25 മുതൽ 27 വരെയുള്ള തീയതികളിൽ കോളജുകളിൽ ഹാജരായി പ്രവേശനം നേടണം. അലോട്ട്മെന്റുമായി ബന്ധപ്പെട്ട വിശദമായ വിജ്ഞാപനം www.cee.kerala.gov.in, www.ceekerala.org വെബ്സൈറ്റുകളിൽ ലഭ്യമാണ്. ഫോണ് : 04712339101, 102, 103, 104, 2332123.