മൂന്നാം സെമസ്റ്റർ എംബിഎ പരീക്ഷാഫലം
കണ്ണൂർ സർവകലാശാലയുടെ മൂന്നാം സെമസ്റ്റർ എംബിഎ (റഗുലർ 2016 അഡ്മിഷൻ/സപ്ലിമെന്ററി ജനുവരി 2018) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം/സൂക്ഷ്മ പരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ ഒക്ടോബർ എട്ടുവരെ സർവകലാശാലയിൽ സ്വീകരിക്കും.
രണ്ടാം സെമസ്റ്റർ എംഫിൽ ആന്ത്രപ്പോളജി പരീക്ഷ
രണ്ടാം സെമസ്റ്റർ എംഫിൽ ആന്ത്രപ്പോളജി (റഗുലർ/സപ്ലിമെന്ററി ജൂണ് 2017) ഡിഗ്രിയുടെ പ്രോജക്ട് ഇവാല്വേഷൻ/വൈവ വോസി പരീക്ഷകൾക്കുള്ള അപേക്ഷകൾ പിഴകൂടാതെ 29 വരെയും 160 രൂപ പിഴയോടെ ഒക്ടോബർ ഒന്നു വരെയും സമർപ്പിക്കാം. ഡിസർട്ടേഷൻ ഒക്ടോബർ ഒന്നിനകം സമർപ്പിക്കണം. അപേക്ഷയോടൊപ്പം എപിസി, ചലാൻ എന്നിവ ഒക്ടോബർ മൂന്നിനകം സർവകലാശാലയിൽ എത്തിക്കണം. പരീക്ഷാതീയതി പിന്നീട് പ്രഖ്യാപിക്കും. വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
മൂന്നാം സെമസ്റ്റർ പിജി ടൈംടേബിൾ
ഒക്ടോബർ എട്ടിന് ആരംഭിക്കുന്ന മൂന്നാം സെമസ്റ്റർ പിജി (2014 അഡ്മിഷൻ മുതൽ) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷയുടെ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്. 2013 നും അതിനു മുന്പുമുള്ള സിലബസ് പ്രകാരമുള്ള വിദ്യാർഥികളുടെ പരീക്ഷാ ടൈംടേബിൾ പിന്നീട് പ്രസിദ്ധീകരിക്കും.
നാലാം സെമസ്റ്റർ ബിടെക് ടൈംടേബിൾ
നാലാം സെമസ്റ്റർ ബിടെക് (2007 അഡ്മിഷൻ മുതൽ) സപ്ലിമെന്ററി പരീക്ഷകൾ ഒക്ടോബർ 10 മുതൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.