കേരള ആരോഗ്യശാസ്ത്ര സർവകലാശാല 2018 നവംബർ 12 മുതൽ ആരംഭിക്കുന്ന എംഡി/എംഎസ് ആയുർവേദ പ്രിലിമിനറി റെഗുലർ (2016 സ്കീം) പരീക്ഷയ്ക്ക് 2018 ഒക്ടോബർ 15 മുതൽ 23 വരെയുള്ള തീയതികളിൽ ഓൺലൈൻ ആയി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി ഒക്ടോബർ 26 വരെയും 315 രൂപ സൂപ്പർഫൈനോടുകൂടി ഒക്ടോബർ 29 വരെയും ഓൺലൈൻ രജിസ്ട്രേഷൻ നടത്താം.
തീസിസ്: പുനഃക്രമീകരിച്ച തീയതി
2019 ഏപ്രിലിൽ നടത്താനുദ്ദേശിക്കുന്ന മെഡിക്കൽ പിജി ഡിഗ്രി (എംഡി/എംഎസ്) റെഗുലർ പരീക്ഷയുടെ ഫൈനൽ തിസീസ് 3,150 രൂപ ഫീസോടുകൂടി 2018 നവംബർ 21ന് അഞ്ചുവരെ സർവകലാശാലയിൽ സമർപ്പിക്കാം. 5,250 രൂപ ഫൈനോടുകൂടി നവംബർ 30ന് അഞ്ചുവരെയും തിസീസ് സമർപ്പിക്കാവുന്നതാണ്.
പ്രാക്ടിക്കൽ പരീക്ഷാതീയതി
2018 ഒക്ടോബർ 16 മുതൽ ആരംഭിക്കുന്ന ഫൈനൽ ബിഎച്ച്എംഎസ് ഡിഗ്രി സപ്ലിമെന്ററി (2010 സ്കീം) പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
2018 ഒക്ടോബർ 22 മുതൽ 25 വരെയുള്ള തീയതികളിലായി നടക്കുന്ന ഫസ്റ്റ് പ്രഫഷണൽ ബിഎസ്എംഎസ് ഡിഗ്രി റെഗുലർ/സപ്ലിമെന്ററി (2016 & 2013 സ്കീം) പ്രാക്ടിക്കൽ പരീക്ഷാ ടൈംടേബിൾ, ഒക്ടോബർ 22 മുതൽ 27 വരെയുള്ള തീയതികളിലായി നടക്കുന്ന സെക്കൻഡ് പ്രഫഷണൽ ബിഎസ്എം എസ് ഡിഗ്രി റെഗുലർ & സപ്ലിമെന്ററി (2013 സ്കീം) പ്രാക്ടിക്കൽ പരീക്ഷാ ടൈംടേബിൾ എന്നിവ പ്രസിദ്ധീകരിച്ചു.
2018 ഒക്ടോബർ 29 മുതൽ ആരംഭിക്കുന്ന ഒന്നാംവർഷ ബിഎസ്സി ഒപ്റ്റോമെട്രി ഡിഗ്രി റെഗുലർ/സപ്ലിമെന്ററി (2016 , 2014 & 2010 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.
ആരോഗ്യവാഴ്സിറ്റി സെനറ്റ് നവം. 17ന്
തൃശൂർ: കേരള ആരോഗ്യ ശാസ്ത്ര സർവകലാശാലയുടെ നാലാമത് സെനറ്റ് യോഗം നവംബർ 17നു രാവിലെ 10.30 നു സർവകലാശാലാ സെനറ്റ് ഹാളിൽ നടക്കും.