വിദൂരവിദ്യാഭ്യാസം എംകോം വൈവ
നവംബര്‍ മൂന്നിന് നടത്താനിരുന്ന വിദൂരവിദ്യാഭ്യാസം എംകോം നാലാം സെമസ്റ്റര്‍ വൈവാ വോസി/പ്രോജക്ട് മൂല്യനിര്‍ണയം നവംബര്‍ പത്തിലേക്ക് മാറ്റി. സമയത്തിലോ പരീക്ഷാ കേന്ദ്രത്തിലോ മാറ്റമില്ല.
വിദൂരവിദ്യാഭ്യാസം എംഎ മലയാളം പ്രീവിയസ് വൈവാ വോസിയും ഡെസര്‍ട്ടേഷന്‍ മൂല്യനിര്‍ണയവും നവംബര്‍ 12 മുതല്‍ വിദൂരവിദ്യാഭ്യാസ വിഭാഗത്തിലും (നോര്‍ത്ത് സോണ്‍ ), തൃശൂര്‍ ശ്രീ കേരളവര്‍മ്മ കോളജിലും (സൗത്ത് സോണ്‍ ) നടക്കും. ഷെഡ്യൂള്‍ വെബ്‌സൈറ്റില്‍ .
പരീക്ഷാ അപേക്ഷ
ഒന്നാം സെമസ്റ്റര്‍ എംഎഡ് (2016 മുതല്‍ പ്രവേശനം) റഗുലര്‍ /സപ്ലിമെന്‍ററി പരീക്ഷയ്ക്ക് പിഴകൂടാതെ നവംബര്‍ ഏഴ് വരെയും 160 രൂപ പിഴയോടെ നവംബര്‍ ഒമ്പത് വരെയും ഫീസടച്ച് നവംബര്‍ 13 വരെ രജിസ്റ്റര്‍ ചെയ്യാം.
പരീക്ഷാഫലം
2018 ജൂണില്‍ നടത്തിയ നാലാം സെമസ്റ്റര്‍ എംഎസ്‌സി ബയോകെമിസ്ട്രി (സിസിഎസ്എസ്) പരീക്ഷാഫലം വെബ്‌സൈറ്റില്‍ .
2018 ജൂണില്‍ നടത്തിയ നാലാം സെമസ്റ്റര്‍ എം.ടെക് തെര്‍മല്‍ എൻജിനിയറിംഗ് (മെക്കാനിക്കല്‍ ) സിയുസിഎസ്എസ് പരീക്ഷാഫലം വെബ്‌സൈറ്റില്‍ .
എക്‌സാമിനേഴ്‌സ് മീറ്റ്
രണ്ടാം സെമസ്റ്റര്‍ ബിഎസ്‌സി കംപ്യൂട്ടര്‍ സയന്‍സ്/ബിസിഎ (കോര്‍ /കോംപ്ലിമെന്‍ററി)/മൈക്രോബയോളജികംപ്യൂട്ടര് അപ്ലിക്കേഷന്‍ (കോംപ്ലിമെന്‍ററി) പ്രാക്ടിക്കല്‍ പരീക്ഷയുടെ എക്‌സാമിനേഴ്‌സ് മീറ്റിംഗിന് വയനാട് ജില്ലയിലെ കോളജുകളിലെ കംപ്യൂട്ടര്‍ സയന്‍സ്/ബിസിഎ അധ്യാപകര്‍ നവംബര്‍ രണ്ടിന് 10.30ന് മുട്ടില്‍ ഡബ്ല്യൂഎംഒ കോളജില്‍ ഹാജരാകണം.
സിഡിഎംആര്‍പിയില്‍ കരാര്‍ നിയമനം: അപേക്ഷ ക്ഷണിച്ചു
സൈക്കോളജി പഠനവകുപ്പിലെ സിഡിഎംആര്‍പിയില്‍ ഡിസെബിലിറ്റി മാനേജ്‌മെന്‍റ് ഓഫീസര്‍ (ക്ലിനിക്കല്‍ സൈക്കോളജിസ്റ്റ്) (രണ്ട്), സ്പീച്ച്ലാംഗ്വേജ് പാത്തോളജിസ്റ്റ് കം ഓഡിയോളജിസ്റ്റ് (ഒന്ന്), ഫിസിയോതെറാപിസ്റ്റ് (ഒന്ന്) എന്നീ തസ്തികകളില്‍ കരാര്‍ നിയമനത്തിന് അപേക്ഷ ക്ഷണിച്ചു. ബയോഡാറ്റ, യോഗ്യത, പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അറ്റസ്റ്റ് ചെയ്ത പകര്‍പ്പുകള്‍ സഹിതം ഡയരക്ടര്‍, സിഡിഎംആര്‍പി, ഡിപ്പാര്‍ട്ടുമെന്‍റ് ഓഫ് സൈക്കോളജി, കാലിക്കട്ട് യൂണിവേഴ്‌സിറ്റി പി.ഒ, 673635 എന്ന വിലാസത്തില്‍ നവംബര്‍ പത്തിന് നാല് മണിക്കകം ലഭിക്കണം. വിവരങ്ങള്‍ വെബ്‌സൈറ്റില്‍ .
സംസ്‌കൃത ദേശീയ ശില്‍പശാല
സംസ്‌കൃത പഠനവിഭാഗത്തിന്‍റെ ആഭിമുഖ്യത്തില്‍ "നൈഷധീയ കാവ്യപാഠം' എന്ന വിഷയത്തില്‍ ത്രിദിന ദേശീയ ശില്‍പശാല സംഘടിപ്പിക്കുന്നു. 31 മുതല്‍ നവംബര്‍ രണ്ട് വരെയാണ് പരിപാടി. വിഖ്യാതനായ ശ്രീഹര്‍ഷന്‍റെ നൈഷധം എന്ന കാവ്യം സാമ്പ്രദായിക രീതിയില്‍ പഠിപ്പിക്കുകയാണ് ശില്‍പശാലയുടെ ലക്ഷ്യം. 31ന് രാവിലെ പത്തിന് സംസ്‌കൃത വിഭാഗം ഹാളില്‍ പ്രഫ.ടി.ആര്യാദേവി ഉദ്ഘാടനം ചെയ്യും. പ്രഫ.വി.ആര്‍.രാമകൃഷ്ണന്‍, പ്രഫ.കെ.വി.വാസുദേവന്‍, പ്രഫ.ഒ.ആര്‍.വിജയരാഘവന്‍, പ്രൊഫ.പി.വി.നാരായണന്‍, പ്രൊഫ.ഇ.ശ്രീധരന്‍, പ്രൊഫ.ഇ.എന്‍.നാരായണന്‍, പ്രൊഫ.കെ.യമുന, ഡോ.ജി.ജ്യോത്സ്ന, ഡോ.കെ.ജയനിഷ, ഡോ.കെ.പി.പാര്‍വ്വതി എന്നിവര്‍ വിവിധ സെഷനുകളില്‍ പങ്കെടുക്കും. സമാപന സമ്മേളനത്തില്‍ പ്രഫ.പി.നാരായണന്‍ നമ്പൂതിരി, പ്രഫ.കെ.പി.കേശവന്‍, പ്രഫ.വി.ആര്‍.മുരളീധരന്‍ എന്നിവര്‍ പങ്കെടുക്കും.
സി.എച്ച് ചെയര്‍ പരിശീലനം നല്‍കി
സി.എച്ച് മുഹമ്മദ് കോയ ചെയര്‍ , നാഷണല്‍ സ്‌കില്‍ ഡവലപ്‌മെന്‍റ് കോര്‍പറേഷന് കീഴിലെ ഇന്ത്യന്‍ പ്ലംബേഴ്‌സ് സ്‌കില്‍ കൗണ്‍സില്‍ ലേബര്‍ നെറ്റുമായി സഹകരിച്ച് ഏകദിന പരിശീലനം സംഘടിപ്പിച്ചു. സര്‍വകലാശാലാ ഇന്‍സ്ട്രുമെന്‍റേഷന്‍ എൻജിനിയര്‍ ടി.മുഹമ്മദ് സാജിദ് ഉദ്ഘാടനം ചെയ്തു. അമ്പതോളം പേര്‍ പങ്കെടുത്തു. പങ്കെടുത്തവരുടെ മൂല്യനിര്‍ണയം സ്‌കില്‍ കൗണ്‍സില്‍ അസസര്‍ ജോജോ മാത്യു നിര്‍വഹിച്ചു.
മാനേജ്‌മെന്‍റ് ഫെസ്റ്റ് "അസെന്‍ഡ് 2കെ18' 30, 31 തിയതികളില്‍ സര്‍വകലാശാലയില്‍
കോമേഴ്‌സ് ആൻഡ് മാനേജ്‌മെന്‍റ് സ്റ്റഡീസ് വകുപ്പിന്‍റെ ആഭിമുഖ്യത്തില്‍ സംഘടിപ്പിക്കുന്ന മാനേജ്‌മെന്‍റ് ഫെസ്റ്റ് "അസെന്‍ഡ് 2കെ18' 30, 31 തിയതികളില്‍ സര്‍വകലാശാലാ കാമ്പസില്‍ നടക്കും. മംഗലാപുരം, ബംഗളൂരു, കേരള, എംജി, കൊച്ചിന്‍, കണ്ണൂര്‍ സര്‍വകലാശാലകളില്‍ നിന്നായി എഴുനൂറ് വിദ്യാർഥികള്‍ പങ്കെടുക്കും. വിദ്യാർഥികളില്‍ പ്രഫഷണല്‍ വൈദഗ്ധ്യം വളര്‍ത്തുന്നതിന് സഹായിക്കുന്നതിനാണ് അസെന്‍ഡ് 2കെ18 സംഘടിപ്പിക്കുന്നത്. മാനേജ്‌മെന്‍റ് മേഖലയുമായി ബന്ധപ്പെട്ട വിവിധ മത്സരങ്ങള്‍ ഉണ്ടാവും.
സിന്‍ഡിക്കറ്റ് യോഗം
സിന്‍ഡിക്കറ്റ് യോഗം നവംബര്‍ അഞ്ചിന് ചേരും.