എൽഎൽബി പരീക്ഷകൾ 23ന് ആരംഭിക്കും
അഫിലിയേറ്റഡ് കോളജുകളിലെ മൂന്നാം സെമസ്റ്റർ ബിഎ (ക്രിമിനോളജി) എൽഎൽബി (ഓണേഴ്സ്)/ബികോം എൽഎൽബി (ഓണേഴ്സ്)/ബിബിഎ എൽഎൽബി (ഓണേഴ്സ്) പരീക്ഷകൾ 23ന് ആരംഭിക്കും. അപേക്ഷ ഏഴു വരെയും 500 രൂപ പിഴയോടെ എട്ടു വരെയും 1000 രൂപ സൂപ്പർഫൈനോടെ ഒന്പതു വരെയും സ്വീകരിക്കും. റഗുലർ വിദ്യാർഥികൾ 200 രൂപയും വീണ്ടുമെഴുതുന്നവർ പേപ്പറൊന്നിന് 30 രൂപ വീതവും (പരമാവധി 200 രൂപ) സിവി ക്യാന്പ് ഫീസായി പരീക്ഷാഫീസിന് പുറമേ അടയ്ക്കണം.
ഡോക്ടറൽ കമ്മിറ്റി
ഈ വർഷം ഗണിതശാസ്ത്രം, സസ്യശാസ്ത്രം എന്നീ വിഷയങ്ങളിൽ ഗവേഷണ രജിസ്ട്രേഷനുവേണ്ടി അപേക്ഷ സമർപ്പിച്ച വിദ്യാർഥികളുടെ ഡോക്ടറൽ കമ്മിറ്റി ഒന്പത്, 12 തീയതികളിൽ സർവകലാശാല കാന്പസിലെ സ്കൂൾ ഓഫ് കന്പ്യൂട്ടർ സയൻസസിലെയും സ്കൂൾ ഓഫ് ബയോസയൻസസിലെയും സെമിനാർ ഹാളിൽ നടക്കും.
പരീക്ഷാഫലം
2018 ജനുവരിയിൽ നടത്തിയ ഒന്നാം സെമസ്റ്റർ ബിഎഡ് സ്പെഷൽ എജ്യൂക്കേഷൻ (എൽഡി ആൻഡ് ഐഡി റഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 16 വരെ അപേക്ഷിക്കാം.
2018 ജൂണിൽ നടത്തിയ രണ്ടാം സെമസ്റ്റർ ബിഎഡ് സ്പെഷൽ എജ്യൂക്കേഷൻ (എൽഡി ആൻഡ് ഐഡി റഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 16 വരെ അപേക്ഷിക്കാം.
2018 മാർച്ചിൽ നടത്തിയ എട്ടാം സെമസ്റ്റർ ബിഎ എൽഎൽബി (പഞ്ചവത്സരം) ഇന്റഗ്രേറ്റഡ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 17 വരെ അപേക്ഷിക്കാം.
സെനറ്റ് യോഗം ഡിസംബർ 15 ന്
എംജി സർവകലാശാല സെനറ്റിന്റെ യോഗം ഡിസംബർ 15ന് രാവിലെ 10ന് സർവകലാശാല ഭരണവിഭാഗത്തിലെ സെനറ്റ് ഹാളിൽ നടക്കും. യോഗത്തിൽ പ്രമേയങ്ങൾ അവതരിപ്പിക്കുന്നതിനും ചോദ്യങ്ങൾ ചോദിക്കുന്നതിനും താല്പര്യമുള്ള അംഗങ്ങൾ അവ പ്രത്യേകം തയ്യാറാക്കണം. ചോദ്യങ്ങൾ 15നും പ്രമേയം 17നും മുന്പായി രജിസ്ട്രാറുടെ പക്കൽ എത്തിക്കണം.