വിദൂര വിദ്യാഭ്യാസകേന്ദ്രം നടത്തുന്ന എംഎ/എംഎസ്സി/എംകോം പ്രീവിയസ് ആൻഡ് ഫൈനൽ സപ്ലിമെന്ററി പരീക്ഷകൾ യഥാക്രമം 22, 2019 ജനുവരി മൂന്ന് തീയതികളിൽ ആരംഭിക്കും. ടൈംടേബിൾ വെബ്സൈറ്റിൽ. പരീക്ഷാകേന്ദ്രങ്ങൾ പിന്നീട് അറിയിക്കും.
2018 നവംബർ/ഡിസംബറിൽ നടത്തുന്ന ബാച്ചിലർ ഓഫ് ഫിസിക്കൽ എഡ്യൂക്കേഷൻ ഒന്ന്, മൂന്ന്, അഞ്ച് സെമസ്റ്റർ (സപ്ലിമെന്ററി), ഏഴാം സെമസ്റ്റർ (റഗുലർ ആൻഡ് സപ്ലിമെന്ററി), പരീക്ഷകൾക്ക് ഓണ്ലൈനായി പിഴ കൂടാതെ 12 വരെയും 50 രൂപ പിഴയോടെ 14 വരെയും 125 രൂപ പിഴയോടെ 16 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2018 ജൂലൈയിൽ നടത്തിയ നാലാം സെമസ്റ്റർ ബിഎസ്സി ബയോടെക്നോളജി (മൾട്ടിമേജർ) കെമിസ്ട്രി പരീക്ഷയുടെ പ്രാക്ടിക്കൽ പരീക്ഷ 14, 16 തീയതികളിൽ നടത്തും. ടൈംടേബിൾ വെബ്സൈറ്റിൽ.
2018 ഓഗസ്റ്റിൽ നടത്തിയ രണ്ടാം സെമസ്റ്റർ ബിഎസ്സി ബയോകെമിസ്ട്രി ആൻഡ് ഇൻഡസ്ട്രിയൽ മൈക്രോബയോളജി (കോർബയോകെമിസ്ട്രി) പരീക്ഷയുടെ പ്രാക്ടിക്കൽ പരീക്ഷ എട്ട്, ഒന്പത് തീയതികളിൽ നടത്തും. ടൈംടേബിൾ വെബ്സൈറ്റിൽ.
2018 ഓഗസ്റ്റിൽ നടന്ന ആറാം സെമസ്റ്റർ ബിടെക്. സിവിൽ എൻജിനിയറിംഗ് ബ്രാഞ്ച് (2008 സ്കീം) സപ്ലിമെന്ററി പ്രാക്ടിക്കൽ പരീക്ഷ 12, 15 തീയതികളിൽ തിരുവനന്തപുരം കോളജ് ഓഫ് എൻജിനിയറിംഗിൽ നടത്തും. വിശദവിവരങ്ങൾക്ക് അതാത് കോളജുകളുമായി ബന്ധപ്പെടുക.
2018 ജൂലൈയിൽ നടത്തിയ നാലാം സെമസ്റ്റർ ബിഎസ്സി ബോട്ടണി ആൻഡ് ബയോടെക്നോളജിയുടെ കോംപ്ലിമെന്ററി ബയോകെമിസ്ട്രി പ്രാക്ടിക്കൽ പരീക്ഷ 13, 16, 17 തീയതികളിൽ നടത്തും. ടൈംടേബിൾ വെബ്സൈറ്റിൽ.
കരിയർ റിലേറ്റഡ് ഫസ്റ്റ് ഡിഗ്രി പ്രോഗ്രാം സിബിസിഎസ്എസ് ഒന്നാം സെമസ്റ്റർ ബിഎ/ബിഎസ്സി/ബികോം നവംബർ 2018 ഡിഗ്രി പരീക്ഷകൾ (റെഗുലർ 2018 അഡ്മിഷൻ, ഇംപ്രൂവ്മെന്റ് 2017 അഡ്മിഷൻ, സപ്ലിമെന്ററി 2013, 2014, 2015 & 2016 അഡ്മിഷൻ) 23ന് ആരംഭിക്കും.
പരീക്ഷാഫലം
2018 ജനുവരിയിൽ നടത്തിയ ബിഎസ്സി ബയോകെമിസ്ട്രി ആൻഡ് ഇൻഡസ്ട്രിയൽ മൈക്രോബയോളജി (2017 അഡ്മിഷൻ റഗുലർ, 2016 അഡ്മിഷൻ ഇംപ്രൂവ്മെന്റ്/സപ്ലിമെന്ററി, 2013, 2014, 2015 അഡ്മിഷൻ സപ്ലിമെന്ററി) പരീക്ഷകളുടെ ഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 21വരെ ഓണ്ലൈനായി അപേക്ഷിക്കാം.
2018 ജനുവരിയിൽ നടത്തിയ ഒന്നാം സെമസ്റ്റർ ബിപിഎ (വോക്കൽ/വീണ/വയലിൻ/മൃദംഗം/ഡാൻസ്) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 21 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ മാറ്റി
എട്ട്, ഒന്പത് തീയതികളിൽ എംഎസ്എം കോളജ് കായംകുളം, കെഎസ്എംഡിബി കോളജ് ശാസ്താംകോട്ട എന്നീ കോളജുകളിൽ നടത്താനിരുന്ന നാലാം സെമസ്റ്റർ സിബിസിഎസ്എസ് സ്റ്റാറ്റിസ്റ്റിക്സ് കോർ പ്രാക്ടിക്കൽ പരീക്ഷ മാറ്റിവച്ചു. പുതുക്കിയ തീയതികൾ പിന്നീട് അറിയിക്കും.
പിടിഎ മീറ്റിംഗ്
യൂണിവേഴ്സിറ്റി കോളജ് ഓഫ് എൻജിനിയറിംഗിലെ മൂന്നാം സെമസ്റ്റർ ബിടെക് (2017 അഡ്മിഷൻ എല്ലാ ബ്രാഞ്ചുകളും) പിടിഎ മീറ്റിംഗ് 13ന് രാവിലെ 10ന് കോളജ് സെമിനാർ ഹാളിൽ നടത്തും. എല്ലാ രക്ഷാകർത്താക്കളും പങ്കെടുക്കണം.
പരീക്ഷാകേന്ദ്രം
ഏഴിന് ആരംഭിക്കുന്ന ബികോം ആന്വൽ സ്കീം പാർട്ട് മൂന്ന് സപ്ലിമെന്ററി പരീക്ഷയ്ക്ക് ചെന്പഴന്തി എസ്. എൻ കോളജ്, തിരുവനന്തപുരം മാർ ഈവാനിയോസ് കോളജ്, കൊല്ലം ഫാത്തിമാ മാതാ കോളജ് എന്നിവിടങ്ങളിൽ പരീക്ഷാ കേന്ദ്രമായി അപേക്ഷിച്ചവർ യഥാക്രമം തിരുവനന്തപുരം എംജി കോളജ്, ഗവ. ആർട്സ് കോളജ്, കൊല്ലം ടികെഎം ആർട്സ് ആൻഡ് സയൻസ് കോളജ് എന്നിവിടങ്ങളിൽ പരീക്ഷ എഴുതണം. കാസർഗോഡ്, കണ്ണൂർ, പാലക്കാട്, മലപ്പുറം, തൃശൂർ ജില്ലകളിലെ ലേണർ സപ്പോർട്ട് സെന്ററുകളിലെ വിദ്യാർഥികൾ ചേർത്തല സെന്റ് മൈക്കിൾസ് കോളജിൽ പരീക്ഷ എഴുതണം.
2018 ആഗസ്റ്റിൽ നടന്ന നാലാം സെമസ്റ്റർ ബിടെക് ഡിഗ്രി (2008, 2013 സ്കീം) പരീക്ഷയുടെ ലാബ് പരീക്ഷകൾ ഏഴിന് ആരംഭിക്കും. പരീക്ഷാകേന്ദ്രങ്ങളിൽ മാറ്റം ഉളളതിനാൽ വിദ്യാർഥികൾ മുൻകൂട്ടി കോളജുമായി ബന്ധപ്പെട്ട് പുതിയ കേന്ദ്രങ്ങൾ മനസിലാക്കേണ്ടതാണ്. വിശദവിവരങ്ങൾ വെബ്സൈറ്റിൽ.
ക്വിസ് മത്സരങ്ങൾ
ദേശീയ ലൈബ്രറി വാരാഘോഷത്തോടനുബന്ധിച്ച് സർവകലാശാലാ ലൈബ്രറിയിൽ 15ന് രാവിലെ 11ന് ലൈബ്രറി അംഗങ്ങൾക്കായി വായനസാഹിത്യംസംസ്കാരംആനുകാലികം എന്നീ വിഷയങ്ങളെ അടിസ്ഥാനമാക്കി ക്വിസ് മത്സരം നടത്തുന്നു. പങ്കെടുക്കാൻ ആഗ്രഹിക്കുന്നവർ രണ്ട് പേരുളള ടീമായി 14ന് ഒന്നിനുമുൻപായി പേര് രജിസ്റ്റർ ചെയ്യണം.
അന്താരാഷ്ട്ര അറബിദിനത്തോടനുബന്ധിച്ച് അറബിക് വിഭാഗം ഡിസംബർ 20 ന് കാര്യവട്ടം കാന്പസിൽ ദേശീയതല ക്വിസ് മത്സരം നടത്തുന്നു. അറബി ഭാഷ, സാഹിത്യം, ഇന്ത്യയിലെ അറബിയുടെ വികാസം, ഇന്ത്യൻ ഭാഷകൾക്കും നാഗരികതയ്ക്കും സംസ്കാരത്തിനും വാണിജ്യത്തിനും അറബിയുടെ സംഭാവന, ഇൻഡോ അറബ് ലിറ്ററേച്ചർ എന്നിവയുമായി ബന്ധപ്പെട്ട വിഷയങ്ങളിൽ ആണ് മത്സരം. പങ്കെടുക്കാൻ ആഗ്രഹിക്കുന്നവർ 9747318105 എന്ന നന്പറിൽ ബന്ധപ്പെടുക.