അഞ്ചാം സെമസ്റ്റർ യുജി: 13-ലെ പരീക്ഷകളിൽ മാത്രം മാറ്റം
അഫിലിയേറ്റഡ് കോളജ്/വിദൂരവിദ്യാഭ്യാസം/പ്രൈവറ്റ് രജിസ്ട്രേഷൻ/വിദേശ/കേരളത്തിന് പുറത്തെ കേന്ദ്രങ്ങൾ എന്നിവിടങ്ങളിൽ 13ന് നടത്താനിരുന്ന അഞ്ചാം സെമസ്റ്റർ (സിയുസിബിസിഎസ്എസ്) ബിഎ/ ബിഎസ് സി/ബിഎസ് സി ഇൻ ആൾട്ടർനേറ്റ് പാറ്റേണ്/ബിഎംഎംസി/ ബിസിഎ/ ബിഎസ്ഡബ്ല്യൂ/ ബിവിസി/ ബിടിഎഫ്പി/ ബിവോക്/ ബിഎ അഫ്സൽഉൽഉലമ റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ 28ലേക്ക് മാറ്റി. 14 മുതൽ നടത്തുന്ന പരീക്ഷകൾക്ക് മാറ്റമില്ല. പരീക്ഷാ സമയത്തിലോ കേന്ദ്രത്തിലോ മാറ്റമില്ല. മറ്റ് പരീക്ഷകൾക്കും മാറ്റമില്ല.
എംസിഎ സ്പെഷൽ സപ്ലിമെന്ററി പരീക്ഷാ അപേക്ഷ
എല്ലാ അവസരങ്ങളും കഴിഞ്ഞ 2010, 2011 പ്രവേശനം എംസിഎ രണ്ട്, നാല് സെമസ്റ്റർ സ്പെഷൽ സപ്ലിമെന്ററി പരീക്ഷയ്ക്ക് 17 വരെ അപേക്ഷിക്കാം. പരീക്ഷാ ഫീസ് പേപ്പർ ഒന്നിന് 2,625 രൂപ. അപേക്ഷയുടെ പ്രിന്റൗട്ട്, ചലാൻ സഹിതം കണ്ട്രോളർ ഓഫ് എക്സാമിനേഷൻസ്, സ്പെഷൽ സപ്ലിമെന്ററി എക്സാം യൂണിറ്റ്, കാലിക്കട്ട് യൂണിവേഴ്സിറ്റി, 673 635 എന്ന വിലാസത്തിൽ നവംബർ 19നകം ലഭിക്കണം. പരീക്ഷാ കേന്ദ്രം: സർവകലാശാലാ കാന്പസ്.
ബിഎസ് സി/ ബിസിഎ പുനർമൂല്യനിർണയ ഫലം
അഞ്ചാം സെമസ്റ്റർ ബിഎസ് സി/ ബിസിഎ (സിയുസിബിസിഎസ്എസ്) നവംബർ 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
പരീക്ഷ
ഒന്നാം സെമസ്റ്റർ ബിഎഡ് (ദ്വിവത്സരം) 2017 സിലബസ്2017, 2018 പ്രവേശനം റഗുലർ/സപ്ലിമെന്ററി, 2015 സിലബസ് സപ്ലിമെന്ററി പരീക്ഷ ഡിസംബർ 17ന് ആരംഭിക്കും.
പരീക്ഷാഫലം
2018 ഏപ്രിലിൽ നടത്തിയ അഞ്ചാം സെമസ്റ്റർ എംസിഎ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 23 വരെ അപേക്ഷിക്കാം.
ബിവോക് വൈവ
ആറാം സെമസ്റ്റർ ബി.വോക് ടൂറിസം ആന്റ് ഹോസ്പിറ്റാലിറ്റി മാനേജ്മെന്റ് ഇന്റല്വേഷൻ, വൈവാ വോസി 13ന് നടക്കും.
ബിഎ സോഷ്യോളജി (എസ്ഡിഇ) പരീക്ഷാർത്ഥികളുടെ ശ്രദ്ധക്ക്
14ന് ആരംഭിക്കുന്ന വിദൂരവിദ്യാഭ്യാസം അഞ്ചാം സെമസ്റ്റർ ബിഎ (സിയുസിബിസിഎസ്എസ്) പരീക്ഷക്ക് കാലിക്കട്ട് യൂണിവേഴ്സിറ്റി ഇൻസ്റ്റിറ്റ്യൂട്ട് ഓഫ് എൻജിനിയറിംഗ് ആൻഡ് ടെക്നോളജി (സിയുഐഇടി) കോഹിനൂർ കേന്ദ്രമായി ഹാൾടിക്കറ്റ് ലഭിച്ച തിരൂരങ്ങാടി പിഎസ്എംഒ കോളജ് മെയിൻ കേന്ദ്രമായിട്ടുള്ള സോഷ്യോളജി പരീക്ഷാർഥികൾ അതേ ഹാൾടിക്കറ്റുമായി തിരൂർ പരന്നക്കാട് ജെഎം കോളജ് ഓഫ് ആർട്സ് ആൻഡ് സയൻസിലാണ് പരീക്ഷയ്ക്ക് ഹാജരാകേണ്ടത്.