മൂന്നാം സെമസ്റ്റർ എംഎസ്സി അപ്ലൈഡ് ഇലക്ട്രോണിക്സ്, ടെക്സ്റ്റൈൽസ് (2016 അഡ്മിഷൻ സപ്ലിമെന്ററി ) പരീക്ഷകൾക്ക് ഫീസടയ്ക്കാനുള്ള തീയതി നീട്ടി
മൂന്നാം സെമസ്റ്റർ എംഎസ്സി അപ്ലൈഡ് ഇലക്ട്രോണിക്സ്, ടെക്സ്റ്റൈൽസ് ആൻഡ് ഫാഷൻ (2016 അഡ്മിഷൻ സപ്ലിമെന്ററി വിദ്യാർഥികൾക്ക് മാത്രം) പരീക്ഷകൾക്ക് ഓണ്ലൈനായി ഫീസടയ്ക്കാനുള്ള തീയതി നീട്ടി. 21 വരെയും 500 രൂപ പിഴയോടെ 22 വരെയും 1000 രൂപ സൂപ്പർഫൈനോടെ 23 വരെയും ഫീസടയ്ക്കാം. പരീക്ഷ തീയതി പിന്നീട് അറിയിക്കും.
പ്രാക്്ടിക്കൽ
മൂന്നാം സെമസ്റ്റർ ബിഎഡ് സ്പെഷൽ എജ്യൂക്കേഷൻ (ഇന്റലക്ച്വൽ ഡിസെബിലിറ്റി ആൻഡ്് ലേണിംഗ് ഡിസെബിലിറ്റി 2017 അഡ്മിഷൻ റെഗുലർ, സപ്ലിമെന്ററി) പരീക്ഷയുടെ പ്രാക്്ടിക്കൽ 16 വരെ വിവിധ കേന്ദ്രങ്ങളിൽ നടക്കും. വിശദമായ ടൈംടേബിൾ വെബ്സൈറ്റിൽ ലഭിക്കും.
സിബിസിഎസ്എസ് യുജി കേന്ദ്രീകൃത മൂല്യനിർണയം
2018 നവംബറിൽ നടന്ന അഞ്ചാം സെമസ്റ്റർ സിബിസിഎസ്എസ് യുജി പരീക്ഷയുടെ വിവിധ ഓപ്പണ് കോഴ്സ് വിഷയങ്ങളുടെ കേന്ദ്രീകൃത മൂല്യനിർണയം 17ന് സർവകലാശാലയുടെ എട്ട് സോണൽ ക്യാന്പുകളിൽ നടക്കും. എല്ലാ കോളജുകളിലെയും ഓപ്പണ് കോഴ്സ് പഠിപ്പിക്കുന്ന അധ്യാപകർ ബന്ധപ്പെട്ട മൂല്യനിർണയ ക്യാന്പുകളിൽ ഹാജരാകണം.
ബികോം സൂക്ഷ്മപരിശോധന
2018 മാർച്ചിൽ നടത്തിയ നാലാം സെമസ്റ്റർ ബികോം സിബിസിഎസ്എസ് പരീക്ഷയുടെ ഉത്തരക്കടലാസ് സൂക്ഷ്മപരിശോധന 21, 22, 23 തീയതികളിൽ നടക്കും. അപേക്ഷകർ ഹാൾടിക്കറ്റ്, തിരിച്ചറിയൽ കാർഡ് സഹിതം സിൽവർ ജൂബിലി പരീക്ഷാഭവനിലെ റൂം നന്പർ 226ൽ എത്തണം.
രക്തഗ്രൂപ്പ് ബിഎംഐ നിർണയ ക്യാന്പ്
രക്തഗ്രൂപ്പ് പട്ടിക തയാറാക്കുന്നതിന്റെ ഭാഗമായി ഡിപ്പാർട്ട്മെന്റ് സ്റ്റുഡന്റ്സ് യൂണിയന്റെയും ബയോഫോറത്തിന്റെയും ആഭിമുഖ്യത്തിൽ നടത്തുന്ന രക്തഗ്രൂപ്പ്, ബിഎംഐ നിർണയക്യാന്പ് ഇന്നു രാവിലെ 10 മുതൽ നാലു വരെ സർവകലാശാല കാന്പസിലെ അഷ്ടദളത്തിൽ നടക്കും. 7510633930, 8086791279.
രാജ്യാന്തര സെമിനാർ 22 മുതൽ
ഇൻസ്റ്റിറ്റ്യൂട്ട് ഓഫ് റിസർച്ച് ഇൻ ലേണിംഗ് ഡിസെബിലിറ്റിയും സ്കൂൾ ഓഫ് ബിഹേവിയറൽ സയൻസസും സംയുക്തമായി ’പഠന വൈകല്യം: തിരിച്ചറിയലും പരിഹാര ബോധനവും’ എന്ന വിഷയത്തിൽ സംഘടിപ്പിക്കുന്ന ത്രിദിന രാജ്യാന്തര സെമിനാർ 22ന് ആരംഭിക്കും.
രാവിലെ 10.30ന് സ്കൂൾ ഓഫ് ബിഹേവിയറൽ സയൻസസിൽ വൈസ് ചാൻസലർ പ്രഫ. സാബു തോമസ് സെമിനാർ ഉദ്ഘാടനം ചെയ്യും. രജിസ്ട്രേഷനും വിവരങ്ങൾക്കും 9946226638.
ഏകദിന പരിശീലനം
ഹ്യൂമൻ റിസോഴ്സസ് ഡെവലപ്മെന്റ് സെന്ററിന്റെ ആഭിമുഖ്യത്തിൽ ധനകാര്യ ഭരണ വിഭാഗങ്ങളിലെയും പഠനവകുപ്പുകളിലെയും ഉദ്യോഗസ്ഥർക്കായി നടത്തുന്ന ഏകദിന പരിശീലന പരിപാടി 22ന് നടക്കും. രാവിലെ 10 മുതൽ വൈകുന്നേരം 4.45 വരെ സ്കൂൾ ഓഫ് പുവർ ആൻഡ് അപ്ലൈഡ് ഫിസിക്സ് സെമിനാർ ഹാളിലാണ് പരിശീലനം. പരിശീലനത്തിൽ പങ്കെടുക്കുന്നതിന് തെരഞ്ഞെടുക്കപ്പെട്ട ഉദ്യോഗസ്ഥർ രാവിലെ 9.30ന് സെമിനാർ ഹാളിൽ ഹാജരാകണം. വിശദവിവരം സർവകലാശാല വെബ്സൈറ്റിൽ ലഭിക്കും.