സ്പെഷൽ സപ്ലിമെന്‍ററി പരീക്ഷ
ഒന്നാം സെമസ്റ്റർ എം.എ ഇക്കണോമിക്സ്/ഒന്നാം സെമസ്റ്റർ എംഎസ് സി/എംകോം (സിയുസിഎസ്എസ്) സ്പെഷൽ സപ്ലിമെന്‍ററി പരീക്ഷ 28ന് ആരംഭിക്കും. പരീക്ഷാ കേന്ദ്രം: സർവകലാശാലാ കാന്പസ്.
പരീക്ഷ
ബിഐഡി ഒന്നാം സെമസ്റ്റർ സപ്ലിമെന്‍ററി/ ഇംപ്രൂവ്മെന്‍റ് പരീക്ഷ ഡിസംബർ മൂന്നിന് ആരംഭിക്കും.
പരീക്ഷാഫലം
2018 ജൂണിൽ നടത്തിയ രണ്ടാം സെമസ്റ്റർ എംഎ ഇസ്ലാമിക് ഫിനാൻസ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 28 വരെ അപേക്ഷിക്കാം.
മെഡിക്കൽ ഫിസിക്സ് ത്രിദിന ദേശീയ സെമിനാർ
കാലിക്കട്ട് സർവകലാശാലാ ഫിസിക്സ് പഠനവകുപ്പിന്‍റെ ആഭിമുഖ്യത്തിൽ മെഡിക്കൽ ഫിസിക്സ് ദേശീയ ദിനത്തോടനുബന്ധിച്ച് ത്രിദിന ദേശീയ സെമിനാർ 16ന് ആരംഭിക്കും. രാജ്യത്തിന്‍റെ വിവിധ ഭാഗങ്ങളിൽ നിന്നുള്ള മെഡിക്കൽ ഫിസിസിസ്റ്റുകൾ പങ്കെടുക്കും. റേഡിയേഷൻ ചികിത്സയിലെ അടുത്ത ഘട്ടം എന്നതാണ് വിഷയം. സയൻസ് ബ്ലോക്കിലെ ആര്യഭട്ടഹാളിലാണ് സെമിനാർ.
യുഎസ്എസ് സ്കോളർഷിപ്പ് നേടിയവർക്ക് ത്രിദിന റസിഡൻഷൽ ക്യാന്പ്
ഫിസിക്സ് പഠനവകുപ്പിന്‍റെയും സംസ്ഥാന ഇൻസ്റ്റിറ്റ്യൂട്ട് ഓഫ് എഡ്യുക്കേഷണൽ ട്രെയിനിംഗിന്‍റെയും ആഭിമുഖ്യത്തിൽ ത്രിദിന റസിഡൻഷൽ ക്യാന്പ് 26ന് ആരംഭിക്കും. യുഎസ്എസ് സ്കോളർഷിപ്പ് പരീക്ഷയിൽ ഡിസ്റ്റിംഗ്ഷൻ ലഭിച്ച ഇപ്പോൾ ഒന്പതാം ക്ലാസിൽ പഠിക്കുന്ന വിദ്യാർഥികൾക്ക് പങ്കെടുക്കാം. രാജ്യത്തിന്‍റെ വിവിധ ഭാഗങ്ങളിൽ നിന്നുള്ള ശാസ്ത്രജ്ഞർ പങ്കെടുക്കും. ഫോണ് : 0494 2407416.
ഹ്യൂമാനിറ്റീസ് ഗവേഷണരീതിയെക്കുറിച്ച് ദ്വിദിന ശിൽപശാല: വിദ്യാർഥികൾക്ക് രജിസ്റ്റർ ചെയ്യാം
സി.എച്ച്. മുഹമ്മദ്കോയ ചെയർ സ്കൂൾ ഓഫ് കമ്യൂണിറ്റി ഡവലപ്മെന്‍റുമായി സഹകരിച്ച് ഹ്യൂമാനിറ്റീസ് ഗവേഷണരീതിയെക്കുറിച്ച് ദ്വിദിന ശിൽപശാല സംഘടിപ്പിക്കുന്നു. ഡിസംബർ 26, 27 തീയതികളിൽ സർവകലാശാല സെമിനാർ ഹാളിൽ നടക്കുന്ന ശിൽപശാലയ്ക്ക് ചെന്നൈ ന്യൂ കോളജ് അസോസിയേറ്റ് പ്രഫസർ ഡോ.വി.പി. അൻവർ സാദത്ത് നേതൃത്വം നൽകും. പങ്കെടുക്കുന്നതിന് ഗവേഷണതാൽപര്യമുളള വിദ്യാർത്ഥികൾ ഡിസംബർ പത്തിനകം രജിസ്റ്റർ ചെയ്യണം. ഫോണ് : 9633902944.
സന്പർക്ക ക്ലാസുകൾ കൈകാര്യം ചെയ്യുന്നതിന് അപേക്ഷ ക്ഷണിച്ചു
വിദൂരവിദ്യാഭ്യാസ വിഭാഗത്തിന്‍റെ യുജിസി അംഗീകരിച്ച 26 പ്രോഗ്രാമുകൾക്ക് അംഗീകൃത കേന്ദ്രങ്ങളിൽ സന്പർക്ക ക്ലാസുകൾ കൈകാര്യം ചെയ്യുന്നതിന് യുജിസി മാനദണ്ഡപ്രകാരം യോഗ്യതയുള്ളവരുടെ പട്ടിക തയ്യാറാക്കുന്നതിന് അപേക്ഷ ക്ഷണിച്ചു. സർവീസിൽ നിന്ന് വിരമിച്ച 65 വയസിൽ താഴെ പ്രായമുള്ള ഗവണ്‍മെന്‍റ്/ എയ്ഡഡ് കോളജ് അധ്യാപകരെയും പരിഗണിക്കും. ഒരു അപേക്ഷകന് മൂന്ന് സെന്‍ററുകൾ തെരഞ്ഞെടുക്കാം. അപേക്ഷയോടൊപ്പം വയസ്, യോഗ്യത എന്നിവ തെളിയിക്കുന്ന സ്വയം സാക്ഷ്യപ്പെടുത്തിയ സർട്ടിഫിക്കറ്റുകളുടെ പകർപ്പുകൾ സഹിതം 19 മുതൽ 30 വരെ അപേക്ഷിക്കാം. വിലാസം: ഡയറക്ടർ, വിദൂരവിദ്യാഭ്യാസ വിഭാഗം, യൂണിവേഴ്സിറ്റി ഓഫ് കാലിക്കറ്റ്, കാലിക്കട്ട് യൂണിവേഴ്സിറ്റി പിഒ, 673635. അപേക്ഷാ ഫോമിനും വിവരങ്ങൾക്കും വെബ്സൈറ്റ് സന്ദർശിക്കുക.
കേസ് കോഓർഡിനേറ്റർ നിയമനം: അപേക്ഷ ക്ഷണിച്ചു
സൈക്കോളജി പഠനവകുപ്പിലെ സിഡിഎംആർപിയിൽ കേസ് കോഓർഡിനേറ്റർ കം ലെയിസണ്‍ ഓഫീസർ തസ്തികയിൽ കരാർ നിയമനത്തിന് അപേക്ഷ ക്ഷണിച്ചു. പ്രതിമാസ മൊത്ത ശന്പളം: 27500 രൂപ. ബയോഡാറ്റ, മാർക്ക് ഷീറ്റ്, സർട്ടിഫിക്കറ്റ് എന്നിവ സഹിതം ഡയരക്ടർ, സിഡിഎംആർപി, ഡിപ്പാർട്ടുമെന്‍റ് ഓഫ് സൈക്കോളജി, കാലിക്കട്ട് യൂണിവേഴ്സിറ്റി പിഒ, 673635 എന്ന വിലാസത്തിൽ 27നകം ലഭിക്കണം. യോഗ്യത സംബന്ധിച്ചും മറ്റ് വിവരങ്ങൾക്കും വെബ്സൈറ്റ് സന്ദർശിക്കുക.
ഉദ്ഘാടനം ചെയ്തു
സി.എച്ച് മുഹമ്മദ് കോയ ചെയറിനായി ഇ. അഹമ്മദ് എംപിയുടെ ആസ്ഥി വികസന ഫണ്ടിൽ നിന്ന് 20 ലക്ഷം രൂപ വിനിയോഗിച്ച് നിർമിച്ച കെട്ടിടത്തിന്‍റെ ഉദ്ഘാടനം വൈസ് ചാൻസലർ ഡോ. കെ. മുഹമ്മദ് ബഷീർ നിർവഹിച്ചു.
ചെയറിന് വേണ്ടി പി.കെ. കുഞ്ഞാലിക്കുട്ടി, പി.വി. അബ്ദുൾ വഹാബ് എന്നിവരുടെ ആസ്തി വികസന ഫണ്ടിൽ നിന്നുള്ള 45 ലക്ഷം രൂപയുടെ രണ്ടാംഘട്ട പ്രവർത്തനങ്ങൾ ഉടൻ ആരംഭിക്കും. ഈ ജോലികൾ പൂർത്തിയാകുന്നതോടെ ചെയർ കെട്ടിടം പൂർണ തോതിൽ പ്രവർത്തന സജ്ജമാകും