എംഎസ്സി മെഡിക്കൽ ബയോകെമിസ്ട്രി/ മൈക്രോബയോളജി പരീക്ഷകൾക്ക് അപേക്ഷിക്കാം
കണ്ണൂർ സർവകലാശാലാ സ്കൂൾ ഓഫ് ഹെൽത്ത് സയൻസിലെ പാർട്ട് ഒന്ന് ഒന്നാം സെമസ്റ്റർ മെഡിക്കൽ ബയോകെമിസ്ട്രി/ മൈക്രോബയോളജി (സപ്ലിമെന്ററി) നവംബർ 2018, പാർട്ട് രണ്ട് ഒന്നാം സെമസ്റ്റർ മെഡിക്കൽ മൈക്രോബയോളജി/മെഡിക്കൽ ബയോകെമിസ്ട്രി (റഗുലർ/സപ്ലിമെന്ററി) നവംബർ 2017, പാർട്ട് ഒന്ന് രണ്ടാം സെമസ്റ്റർ എംഎസ്സി മെഡിക്കൽ മൈക്രോബയോളജി/മെഡിക്കൽ ബയോകെമിസ്ട്രി മേയ് 2018 പരീക്ഷകൾക്ക് 26 വരെ പിഴകൂടാതെയും 160 രൂപ പിഴയോടുകൂടി 28 വരെയും അപേക്ഷിക്കാം. അപേക്ഷകൾ ചലാൻസഹിതം 30 ന് മുന്പായി സർവകലാശാലയിൽ എത്തിക്കണം.
എംടെക് പരീക്ഷാഫലം പ്രസിദ്ധീകരിച്ചു
ഒന്നാം സെമസ്റ്റർ എംടെക് സപ്ലിമെന്ററി പരീക്ഷ ഏപ്രിൽ 2017, രണ്ടാം സെമസ്റ്റർ എംടെക് സപ്ലിമെന്ററി പരീക്ഷ ജൂണ് 2017 എന്നിവയുടെ ഫലം പ്രസിദ്ധീകരിച്ചു. പരീക്ഷാഫലം വെബ്സൈറ്റിൽ ലഭ്യമാണ്. പുനഃപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി 29ന് വൈകുന്നേരം അഞ്ചിന്.
പരീക്ഷകൾ പുനഃക്രമീകരിച്ചു
ഇന്നലെ മാറ്റിവച്ച ഒന്നാം വർഷ ബിരുദ റഗുലർ/സപ്ലിമെന്ററി പരീക്ഷകൾ (2013 നും അതിനുമുന്പുള്ളതും ഉൾപ്പെടെ) 24 ലേക്ക് പുതുക്കി നിശ്ചയിച്ചു.
24 ന് നടത്താൻ നേരത്തെ നിശ്ചയിച്ച ഒന്നാം സെമസ്റ്റർ ബിരുദ റഗുലർ/സപ്ലിമെന്ററി പരീക്ഷകൾ (2013നും അതിനുമുന്പും ഉൾപ്പെടെ) 29ന് നടക്കും.