റേഡിയോളജിക്കൽ ഫിസിക്സിൽ ഡിപ്ലോമ
റേഡിയോളജിക്കൽ ഫിസിക്സിൽ ഉസ്മാനിയാ യൂണിവേഴ്സിറ്റി നടത്തുന്ന രണ്ടു വർഷത്തെ പോസ്റ്റ് എംഎസ്സി ഡിപ്ലോമ കോഴ്സിന് 26നകം അപേക്ഷിക്കണം. പ്രമുഖ ആശുപത്രികളിൽ പരിശീലനം ഉൾപ്പടെ രണ്ടു വർഷമാണു കോഴ്സിന്റെ ദൈർഘ്യം. ആകെ 20 സീറ്റ്. പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.സിലബസ് വെബ്സൈറ്റിലുണ്ട്. കോഴ്സ് ഫീസ് 40000 രൂപ.
www.ouadmissions.com.
ഡിപ്ലോമ പ്രോഗ്രാം ഇൻ പഞ്ചായത്ത് രാജ്
പഞ്ചായത്ത് രാജ് സംവിധാനങ്ങൾ ശക്തിപ്പെടുത്തി ഗ്രാമ വികസനം വലിയ മാറ്റങ്ങൾ വരുത്താൻ ഉദ്ദേശിച്ചു കേന്ദ്ര ഗവണ്മെന്റ് ഹൈദരാബാദ് ആസ്ഥാനമായി ആരംഭിച്ചതാണ് നാഷണൽ ഇൻസ്റ്റിറ്റ്യൂട്ട് ഓഫ്് റൂറൽ ഡവലപ്മെന്റ് ആൻഡ് പഞ്ചായത്ത് രാജ്. ഈ മേഖലയിൽ സേവനമനുഷ്ഠിക്കാൻ സന്നദ്ധതയുള്ള പ്രഫഷണലുകൾക്കു പരിശീലനം നൽകാൻ ഇൻസ്റ്റിറ്റ്യൂട്ട് ആരംഭിച്ചതാണ് ഡിപ്ലോമ പ്രോഗ്രാം ഇൻ പഞ്ചായത്ത് രാജ് ഗവേണൻസ് ആൻഡ് റൂറൽ ഡവലപ്മെന്റ്.
ഒരു വർഷം ദൈർഘ്യമുള്ളതാണ് വിദൂര പഠന രീതിയിൽ നടത്തുന്ന കോഴ്സ്. മൂന്നു വർഷത്തിനകം കോഴ്സ് പൂർത്തീകരിച്ചാൽ മതി. പതിനായിരം രൂപയാണു കോഴ്സ് ഫീസ്. 500 രൂപ ഫീസ് സഹിതം ഡിസംബർ 10നകം അപേക്ഷിക്കണം.www.nird.org.in/pgdsrd. aspx.