യുജി മൂല്യനിർണയ ക്യാന്പ്: ഇന്ന് ക്ലാസുകൾക്ക് അവധി
നാലാം സെമസ്റ്റർ യുജി (സിയുസിബിസിഎസ്എസ്) ഏപ്രിൽ 2018 പരീക്ഷയുടെ മൂല്യനിർണയ ക്യാന്പ് ഇന്ന് നടക്കും. അഫിലിയേറ്റഡ് ആർട്സ് ആൻഡ് സയൻസ് കോളജുകളിൽ ഇന്ന് റഗുലർ ക്ലാസുകൾ ഉണ്ടായിരിക്കുന്നതല്ല.
ക്യാന്പിന്റെ വിശദാംശങ്ങൾ അറിയാൻ ചെയർമാൻമാരുമായി ബന്ധപ്പെടുകയോ വെബ്സൈറ്റ് സന്ദർശിക്കുകയോ ചെയ്യുക. മൂല്യനിർണയ നിയമന ഉത്തരവ് ലഭിക്കാത്ത അധ്യാപകർ ചെയർമാൻമാരുമായി ബന്ധപ്പെട്ട് പത്തിന് ക്യാന്പിൽ എത്തണം. എല്ലാ അധ്യാപകരും ക്യാന്പിൽ പങ്കെടുക്കണമെന്ന് പരിക്ഷാകണ്ട്രോളർ അറിയിച്ചു.
ഉന്നത വിദ്യാഭ്യാസ രംഗത്തെ സാങ്കേതിവിദ്യ: 24ന് ശിൽപശാല
ഇന്ത്യൻ കോളജസ് ഫോറം കേരള ചാപ്റ്ററിന്റെയും കാലിക്കട്ട് സർവകലാശാലാ ഇന്റേണൽ ക്വാളിറ്റി അഷ്വറൻസ് സെല്ലിന്റെയും ആഭിമുഖ്യത്തിൽ നവംബർ 24ന് ശിൽപശാല സംഘടിപ്പിക്കുന്നു. ഉന്നത വിദ്യാഭ്യാസ രംഗത്തെ സാങ്കേതിവിദ്യ: കോളജുകൾ നേരിടുന്ന വെല്ലുവിളികളും സാധ്യതകളും എന്നതാണ് വിഷയം. ശിൽപശാല രാവിലെ 9.30ന് സെനറ്റ് ഹൗസിൽ വൈസ് ചാൻസലർ ഡോ.കെ.മുഹമ്മദ് ബഷീർ ഉദ്ഘാടനം ചെയ്യും. ഇന്ത്യൻ കോളജസ് ഫോറം പ്രസിഡന്റ് ഡോ.ജി.ഡി. ശർമ്മ മുഖ്യപ്രഭാഷണം നടത്തും.
എൻജിനിയറിംഗ് കോളജിൽ പ്രഫസർ/അസോസിയേറ്റ് പ്രഫസർ നിയമനം
എൻജിനിയറിംഗ് കോളജിലെ (ഐഇടി കോഹിനൂർ) വിവിധ ഡിപ്പാർട്ടുമെന്റുകളിൽ പ്രഫസർ, അസോസിയേറ്റ് പ്രഫസർ തസ്തികകളിൽ കരാർ നിയമനത്തിന് ഓണ്ലൈൻ അപേക്ഷ ക്ഷണിച്ചു. അവസാന തിയതി ഡിസംബർ പത്ത്. പ്രഫസർ തസ്തികയിൽ ഇസിഇ, ഇഇഇ, ഐടി, എംഇ, പിടി ഡിപ്പാർട്ടുമെന്റുകളിലും, അസോസിയേറ്റ് പ്രഫസർ ഇഇഇ, ഐടി, പിടി, എംഇ ഡിപ്പാർട്ടുമെന്റുകളിലും ഒഴിവുണ്ട്. പ്രതിമാസ മൊത്ത വേതനം: പ്രഫസർ 47,400 രൂപ, അസോസിയേറ്റ് പ്രഫസർ 46,400 രൂപ. വിരമിച്ച 65 വയസിൽ താഴെയുള്ള കോളജ് അധ്യാപകർക്ക് അപേക്ഷിക്കാം. ഒന്നിലധികം തസ്തികകളിലേക്ക് വെവ്വേറെ അപേക്ഷ സമർപ്പിക്കണം.
ഫോട്ടോഗ്രാഫി സർട്ടിഫിക്കറ്റ് കോഴ്സ്: 26 വരെ അപേക്ഷിക്കാം
ലൈഫ്ലോംഗ് ലേണിംഗ് ആന്റ് എക്സ്റ്റൻഷൻ വകുപ്പിന്റെയും ജേർണലിസം ആന്റ് മാസ് കമ്മ്യൂണിക്കേഷൻ പഠനവകുപ്പിന്റെയും ആഭിമുഖ്യത്തിൽ നടത്തുന്ന ഫോട്ടോഗ്രാഫി സർട്ടിഫിക്കറ്റ് കോഴ്സിന് 26 വരെ അപേക്ഷിക്കാം. യോഗ്യത: കാലിക്കട്ട് സർവകലാശാലാ ഡിഗ്രി/തത്തുല്യം. കോഴ്സ് ഫീ: 10,000 രൂപ. സർവകലാശാലാ വെബ്സൈറ്റിൽ നിന്ന് ഡൗണ്ലോഡ് ചെയ്ത അപേക്ഷ, ബയോഡാറ്റ, ഡിഗ്രി മാർക്ക് ലിസ്റ്റിന്റെ സാക്ഷ്യപ്പെടുത്തിയ പകർപ്പ്, നൂറ് രൂപ അപേക്ഷാ ഫീസ് സർവകലാശാലാ ഫണ്ടിൽ അടച്ചതിന്റെ രശീത് എന്നിവ സഹിതം 26ന് അഞ്ചിനകം ലൈഫ്ലോംഗ് ലേണിംഗ് വിഭാഗത്തിൽ ലഭിക്കണം. ക്ലാസുകൾ ശനിയാഴ്ചകളിലും തെരഞ്ഞെടുത്ത ചില അവധിദിവസങ്ങളിലുമാണ് നടത്തുക. വിവരങ്ങൾ വെബ്സൈറ്റിൽ. ഫോണ്: 0494 2407360. പി
ബികോം/ ബിബിഎ ഹാൾടിക്കറ്റ്
29ന് ആരംഭിക്കുന്ന വിദൂരവിദ്യാഭ്യാസം മൂന്നാം സെമസ്റ്റർ (സിയുസിബിസിഎസ്എസ്) ബികോം/ ബിബിഎ റഗുലർ/ സപ്ലിമെന്ററി/ ഇംപ്രൂവ്മെന്റ് (വിദേശ/ കേരളത്തിന് പുറത്തെ കേന്ദ്രങ്ങൾ ഉൾപ്പെടെ) പരീക്ഷയുടെ ഹാൾടിക്കറ്റും ടൈംടേബിളും വെബ്സൈറ്റിൽ.
ബിഫാം സപ്ലിമെന്ററി വൈവ
നാലാം വർഷ ബിഫാം സപ്ലിമെന്ററി പരീക്ഷയുടെ വൈവാ വോസി 24 മുതൽ കോഴിക്കോട് മെഡിക്കൽ കോളജിലെ കോളജ് ഓഫ് ഫാർമസ്യൂട്ടിക്കൽ സയൻസിൽ നടക്കും.
പരീക്ഷാഫലം
ബിഎ/ ബിഎസ്ഡബ്ല്യൂ/ ബിവിസി/ ബിടിടിഎം/ ബിഎ അഫ്സൽഉൽഉലമ (സിസിഎസ്എസ്) രണ്ടാം സെമസ്റ്റർ മെയ് 2017, അഞ്ചാം സെമസ്റ്റർ 2017, ആറാം സെമസ്റ്റർ മാർച്ച് 2018 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഡിസംബർ പത്ത് വരെ അപേക്ഷിക്കാം. പ്രിന്റൗട്ട്, ചലാൻ സഹിതം ഡിസംബർ 12നകം ലഭിക്കണം.
ഇസ്ലാമിക് സൈക്കോളജി കോഴ്സ്
ഇസ്ലാമിക് ചെയർ നടത്തുന്ന ഇസ്ലാമിക് സൈക്കോളജി കോഴ്സ് പ്രവേശനമാഗ്രഹിക്കുന്നവർ ഡിസംബർ എട്ടിന് രാവിലെ പത്തിന് ചെയർ ഓഫീസിൽ ഹാജരാവണം. വിവരങ്ങൾക്ക്: 9746904678, 9847325244.
ക്വട്ടേഷൻ
കാന്പസിലെ വിവിധ ഇനം മരങ്ങൾ വിൽക്കുന്നതിന് 30ന് മൂന്ന് മണിക്ക് എൻജിനിയറിംഗ് വിഭാഗത്തിൽ വെച്ച് പരസ്യ ലേലം നടക്കും. മുദ്രവെച്ച ക്വട്ടേഷൻ അന്ന് ഉച്ചയ്ക്ക് രണ്ട് മണി വരെ സ്വീകരിക്കും. വിവരങ്ങൾക്ക് സിവിൽ വിഭാഗം അസിസ്റ്റന്റ് എക്സിക്യുട്ടീവ് എൻജിനിയറുമായി ബന്ധപ്പെടുക.