ഇന്റർ സോണ് കായിക മത്സരങ്ങളുടെ തിയതികളിൽ മാറ്റം
201819 വർഷത്തെ ഇന്റർ സോണ് കായിക മത്സരങ്ങളുടെ തിയതികളിൽ മാറ്റം.
ഒന്ന്, രണ്ട് തിയതികളിൽ ആർച്ചറി പുരുഷവനിതാ വിഭാഗം മത്സരങ്ങൾ പുൽപ്പള്ളി പഴശിരാജാ കോളജിലും, ബോൾ ബാഡ്മിന്റണ് പുരുഷ വിഭാഗം ചിറ്റൂർ ഗവണ്മെന്റ് കോളജിലും, കബഡി പുരുഷ വിഭാഗം പൊന്നാനി എംഇഎസ് കോളജിലും നടക്കും. ജൂഡോ വനിതാ വിഭാഗം മത്സരങ്ങൾ നാലിന് തൃശൂർ വി.കെ. മേനോൻ ഇൻഡോർ സ്റ്റേഡിയത്തിലും വടംവലി മത്സരം എട്ട്, ഒന്പത് തിയതികളിൽ തൃശൂർ നൈപുണ്യ കോളജിലും സോഫ്റ്റ് ടെന്നീസ് എട്ട്, ഒന്പത്, പത്ത് തിയതികളിൽ പിഎസ്എംഒ കോളജിലും നടക്കും. ബോക്സിംഗ് 10, 12 തിയതികളിൽ തൃശൂർ തോർപ്പ് ഇൻഡോർ സ്റ്റേഡിയത്തിലാണ് നടക്കുക. ക്രിക്കറ്റ് പുരുഷ വിഭാഗം മത്സരം 12 മുതൽ 18 വരെ തൃശൂർ ശ്രീ കേരളവർമ്മ കോളജിൽ നടക്കും. 15, 16 തിയതികളിൽ ബോൾ ബാഡ്മിന്റണ് വനിതാ വിഭാഗം പാലക്കാട് വിക്ടോറിയ കോളജിലും ഫെൻസിംഗ് കൽപ്പറ്റ ഗവണ്മെന്റ് കോളജിലും നടക്കും. വിവരങ്ങൾ വെബ്സൈറ്റിൽ.
കോണ്ടാക്ട് ക്ലാസ് കേന്ദ്രമാവാൻ അപേക്ഷിക്കാം
വിദൂരവിദ്യാഭ്യാസ വിഭാഗം കോണ്ടാക്ട് ക്ലാസ് നടത്തുന്നതിന് താത്കാലിക കേന്ദ്രങ്ങളായി പ്രവർത്തിക്കാൻ താത്പര്യമുള്ള അണ് എയ്ഡഡ്/ കോഓപ്പറേറ്റീവ്/ പാരലൽ കോളജുകളിൽ നിന്ന് നിശ്ചിത ഫോറത്തിൽ അപേക്ഷ ക്ഷണിച്ചു. ക്ലാസുകൾ നടത്തുന്നതിന് കുറഞ്ഞത് അഞ്ഞൂറ് പേർക്ക് ഇരിക്കാവുന്ന ഹാൾ ഓഡിയോ സൗകര്യത്തോടെ ലഭ്യമാക്കണം. നിശ്ചിത വാടക നൽകും. അപേക്ഷ ഏഴുവരെ സ്വീകരിക്കും. അപേക്ഷാ ഫോറത്തിനും വിവരങ്ങൾക്കും www.sdeuoc.ac.in വെബ്സൈറ്റ് സന്ദർശിക്കുക.
ഓപ്പണ് ബിരുദ പ്രവേശനത്തിന് അപേക്ഷിക്കണം
വിദൂരവിദ്യാഭ്യാസ വിഭാഗം അടിസ്ഥാന യോഗ്യതയില്ലാത്തവർക്കായി ബിരുദ പ്രവേശനത്തിന് നവംബർ നാലിന് നടത്തിയ പ്രവേശന പരീക്ഷയിൽ വിജയിച്ചവർക്ക് ഓപ്പണ് ബിരുദ പ്രോഗ്രാമുകളിൽ പ്രവേശനത്തിന് ഏഴു വരെ പിഴകൂടാതെയും 100 രൂപ പിഴയോടെ 12 വരെയും ഓണ്ലൈനായി അപേക്ഷിക്കാം. അപേക്ഷയുടെ പ്രിന്റൗട്ട്, അനുബന്ധ രേഖകൾ സഹിതം 15 വരെ വിദൂദരവിദ്യാഭ്യാസ വിഭാഗത്തിൽ സ്വീകരിക്കും. വിവരങ്ങൾ www.sdeuoc.ac.in വെബ്സൈറ്റിൽ. ഫോൺ: 0494 2407512, 2400288.
സർവകലാശാലാ കാന്പസ് അലുമ്നി യോഗം ഇന്ന്
കാന്പസ് അലുമ്നി അസോസിയേഷൻ ജനറൽ ബോഡി യോഗം ഇന്ന് ചേരും. സെമിനാർ കോംപ്ലക്സിന് സമീപം അലുമ്നി അസോസിയേഷൻ ഓഫീസിൽ വൈകുന്നേരം 5.30നാണ് യോഗം.
പരീക്ഷ
അഞ്ചാം സെമസ്റ്റർ ബിടെക്/ ബിആർക്/ പാർട്ട്ടൈം ബിടെക് (2കെ സ്കീം) സപ്ലിമെന്ററി പരീക്ഷ 14ന് ആരംഭിക്കും.
പരീക്ഷാഫലം
എംഎ ഫിലോസഫി രണ്ടാം സെമസ്റ്റർ (സിയുസിഎസ്എസ്) (ജൂണ് 2018), പ്രീവിയസ്/ ഒന്ന്, രണ്ട് സെമസ്റ്റർ റഗുലർ/സപ്ലിമെന്ററി/ഇംപ്രൂവ്മെന്റ് (മേയ് 2018) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 13 വരെ അപേക്ഷിക്കാം.
2018 ജൂണിൽ നടത്തിയ രണ്ട്, നാല് സെമസ്റ്റർ എംഎസ് സി ഹ്യൂമണ് ഫിസിയോളജി (സിസിഎസ്എസ്) പരീക്ഷാഫലം വെബ്സൈറ്റിൽ.
2018 ജൂണിൽ നടത്തിയ രണ്ടാം സെമസ്റ്റർ എംഎസ് സി ഹോം സയൻസ്ന്യൂട്രീഷ്യൻ ആൻഡ് ഡയറ്ററ്റിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 14 വരെ അപേക്ഷിക്കാം.