പിഎച്ച്ഡി പ്രവേശന പരീക്ഷാ ഹാള്ടിക്കറ്റ്
പത്തിന് നടത്തുന്ന കംപ്യൂട്ടര് സയന്സ്, അക്വാകള്ച്ചര് ആൻഡ് ഫിഷറി മൈക്രോബയോളജി, ഫിസിക്കല് എഡ്യുക്കേഷന് എന്നീ പിഎച്ച്ഡി പ്രവേശന പരീക്ഷകളുടെ സമയവിവരങ്ങളും ഹാള്ടിക്കറ്റും വെബ്സൈറ്റില് .
അഞ്ചാം സെമസ്റ്റര് യുജി മൂല്യനിര്ണയ ക്യാമ്പ്
അഞ്ചാം സെമസ്റ്റര് യുജി (സിയുസിബിസിഎസ്എസ്) നവംബര് 2018 പരീക്ഷയുടെ മൂല്യനിര്ണയ ക്യാമ്പ് 18ന് നടക്കും. അഫിലിയേറ്റഡ് ആര്ട്സ് ആൻഡ് സയന്സ് കോളജുകളില് ഈ ദിവസം റഗുലര് ക്ലാസുകള് ഉണ്ടായിരിക്കുന്നതല്ല. എല്ലാ അധ്യാപകരും ക്യാമ്പില് പങ്കെടുക്കണമെന്ന് പരീക്ഷാ കണ്ട്രോളര് അറിയിച്ചു. വിശദാംശങ്ങള് വെബ്സൈറ്റില് . നിയമന ഉത്തരവ് ലഭിക്കാത്തവര് രാവിലെ പത്തിന് മുമ്പ് ക്യാമ്പിലെത്തി ഉത്തരവ് കൈപ്പറ്റണം.
രജിസ്റ്റര് ചെയ്യണം
ബിഎ/ബികോം ഓപ്പണ് സ്ട്രീം വിദ്യാര്ഥികള്ക്ക് ഒന്നാം സെമസ്റ്റര് റഗുലര് പരീക്ഷയ്ക്ക് പിഴകൂടാതെ നാളെ വരെയും 160 രൂപ പിഴയോടെ എട്ട് വരെയും അപേക്ഷിക്കാം.
പരീക്ഷാഫലം
2018 ജൂണില് നടത്തിയ രണ്ടാം സെമസ്റ്റര് എംഎ ഇംഗ്ലീഷ് (സിയുസിഎസ്എസ്) പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് 18 വരെ അപേക്ഷിക്കാം.
യൂത്ത് പാര്ലമെന്റ്
സംസ്ഥാന എന്എസ്എസ് സംഘടിപ്പിക്കുന്ന ജില്ലാ/സംസ്ഥാന തല യൂത്ത് പാര്ലമെന്റ് 12 മുതല്. 18നും 25നും മധ്യേ പ്രായമുള്ളവര്ക്ക് പങ്കെടുക്കാം. ഡിജിറ്റല് സ്ക്രീനിംഗ്, മത്സര കേന്ദ്രങ്ങളില് നേരിട്ടുള്ള സ്ക്രീനിംഗ് എന്നിവ വഴിയാണ് തെരഞ്ഞെടുക്കുക. ജില്ലാതലത്തില് തെരഞ്ഞെടുക്കപ്പെടുന്ന മൂന്ന് പേര്ക്ക് സംസ്ഥാന തലത്തിലും സംസ്ഥാന തലത്തില് തെരഞ്ഞെടുക്കപ്പെടുന്ന രണ്ട് പേര്ക്ക് ദേശീയ യൂത്ത് പാര്ലമെന്റിലും പങ്കെടുക്കാം.
കാലിക്കട്ട് സര്കലാശാലയ്ക്ക് കീഴില് ജില്ലാതല സ്ക്രീനിംഗിന് 17മുതല് 19 വരെ നോഡല് സെന്ററുകളില് ഹാജരാകണം. കോഴിക്കോട്, വയനാട് ജില്ലക്കാര്ക്ക് (കോഴിക്കോട് ഗവ. ആര്ട്സ് ആന്ഡ് സയന്സ് കോളജ്ഡോ.സി.പി.ബേബി ഷീബ9495760561), മലപ്പുറം (മഞ്ചേരി എന്എസ്എസ് കോളജ്ഡോ.കെ.പുഷ്പലത8289947394), പാലക്കാട് (പാലക്കാട് ഗവ. വിക്ടോറിയ കോളജ്എ.പ്രമോദ്9846570563), തൃശൂര് (കുട്ടനെല്ലൂര് സി.അച്യുത മേനോന് ഗവ. കോളജ്ഡോ.പി.എസ്.മനോജ് കുമാര്9605486664).
ഡിജിറ്റല് സ്ക്രീനിംഗിന് 12 മുതല് 18 വരെ വെബ്സൈറ്റില് ലിങ്ക് ലഭ്യമാവും. ജില്ലാതല പാര്ലമെന്റ് 23 മുതല് നോഡല് സെന്ററുകളില് നടക്കും. സംസ്ഥാന, ദേശീയ മത്സരങ്ങളില് പങ്കെടുക്കുന്നവര്ക്ക് താമസം, ഭക്ഷണം, യാത്രാച്ചെലവ് എന്നിവ അനുവദിക്കും.
അധ്യാപക പരിശീലനം നടത്തി
തേഞ്ഞിപ്പലം:കാലിക്കട്ട് സര്വകലാശാലാ വിദ്യാഭ്യാസ വിഭാഗം അധ്യാപക പരിശീലന കേന്ദ്രത്തിലെ അധ്യാപകര്ക്കായി സംഘടിപ്പിച്ച സപ്തദിന ശില്പശാല വൈസ് ചാന്സലര് ഡോ.കെ.മുഹമ്മദ് ബഷീര് ഉദ്ഘാടനം ചെയ്തു. എഡ്യുക്കേഷന് പഠനവകുപ്പ് മേധാവി ഡോ.പി.കെ.അരുണ അധ്യക്ഷത വഹിച്ചു.