സർവകലാശാലയിൽ അഡ്വർടൈസിംഗിൽ സർട്ടിഫിക്കറ്റ് കോഴ്സ്
ലൈഫ്ലോംഗ് ലേണിംഗ് ആന്ഡ് എക്സ്റ്റൻഷൻ വകുപ്പിന്റെയും ജേർണലിസം ആൻഡ് മാസ് കമ്യൂണിക്കേഷൻ പഠനവകുപ്പിന്റെയും ആഭിമുഖ്യത്തിൽ അഡ്വർടൈസിംഗിൽ സർട്ടിഫിക്കറ്റ് കോഴ്സ് ആരംഭിക്കുന്നു. യോഗ്യത: കാലിക്കട്ട് സർവകലാശാലാ ഡിഗ്രി/തത്തുല്യം. 20 പേർക്കായിരിക്കും പ്രവേശനം. കോഴ്സ് ഫീ: 10,000 രൂപ. മെറിറ്റും അഭിരുചി പരിശോധിക്കുന്ന അഭിമുഖത്തിന്റെയും അടിസ്ഥാനത്തിലായിരിക്കും പ്രവേശനം. 70 മണിക്കൂർ ദൈർഘ്യമുള്ള തിയറി, പ്രാക്ടിക്കൽ ക്ലാസുകൾക്ക് പുറമെ രണ്ട് ദിവസത്തെ വർക്ക്ഷോപ്പും ഉണ്ടാകും. വെബ്സൈറ്റിൽ നിന്ന് ഡൗണ്ലോഡ് ചെയ്ത അപേക്ഷ, ബയോഡാറ്റ, ഡിഗ്രി മാർക്ക് ലിസ്റ്റിന്റെ സാക്ഷ്യപ്പെടുത്തിയ പകർപ്പ് (ഗ്രേഡ് അടിസ്ഥാനമാക്കിയ മാർക്ക് ലിസ്റ്റ് ഉള്ളവർ തത്തുല്യമായ മാർക്കിന്റെ ശതമാനം കാണിക്കുന്ന രേഖ ഹാജരാക്കണം), നൂറ് രൂപ അപേക്ഷാ ഫീസ് സർവകലാശാലാ ഫണ്ടിൽ അടച്ചതിന്റെ രശീത് എന്നിവ സഹിതം 25ന് അഞ്ച് മണിക്കകം ഡയറക്ടർ, ഡിപ്പാർട്ടുമെന്റ് ഓഫ് ലൈഫ്ലോംഗ് ലേണിംഗ് ആൻഡ് എക്സ്റ്റൻഷൻ, കാലിക്കട്ട് യൂണിവേഴ്സിറ്റി, 673635 എന്ന വിലാസത്തിൽ ലഭിക്കണം. ക്ലാസുകൾ ശനിയാഴ്ചകളിലും തെരഞ്ഞെടുത്ത ചില അവധി ദിവസങ്ങളിലുമാണ് നടത്തുക.
കൊടകര സഹൃദയ കോളജ് ബികോം പരീക്ഷാ അപേക്ഷ
കൊടകര സഹൃദയ കോളജ് ഓഫ് അഡ്വാൻസ്ഡ് സ്റ്റഡീസിലെ ബികോം പ്രഫഷണൽ റഗുലർ/സപ്ലിമെന്ററി/ഇംപ്രൂവ്മെന്റ് മൂന്നാം സെമസ്റ്റർ പരീക്ഷക്ക് പിഴകൂടാതെ ജനുവരി 11 വരെയും 160 രൂപ പിഴയോടെ ജനുവരി 14 വരെയും ഫീസടച്ച് ജനുവരി 16 വരെ രജിസ്റ്റർ ചെയ്യാം. ഒന്നാം സെമസ്റ്റർ പരീക്ഷ 17ന് ആരംഭിക്കും. മൂന്നാം സെമസ്റ്റർ പരീക്ഷയുടെ തിയതി പിന്നീട് അറിയിക്കും.
ജനുവരി മൂന്നിലെ പരീക്ഷകളുടെ പുതുക്കിയ തിയതി
ജനുവരി മൂന്നിന് നടത്തേണ്ടിയിരുന്ന വിവിധ പരീക്ഷകളുടെ പുതുക്കിയ തിയതികൾ വെബ്സൈറ്റിൽ. വിദ്യാർത്ഥികൾ വെബ്സൈറ്റിലെ വിജ്ഞാപനം പരിശോധിച്ച് പരീക്ഷയ്ക്ക് ഹാജരാകണം.
ബികോം/ ബിബിഎ ഹാൾടിക്കറ്റ്
15ന് ആരംഭിക്കുന്ന വിദൂരവിദ്യാഭ്യാസം (വിദേശ/കേരളത്തിന് പുറത്തെ കേന്ദ്രങ്ങൾ ഉൾപ്പെടെ) ഒന്നാം സെമസ്റ്റർ (സിസിഎസ്എസ്) ബികോം/ ബിബിഎ സപ്ലിമെന്ററി/ ഇംപ്രൂവ്മെന്റ് പരീക്ഷയുടെ ഹാൾടിക്കറ്റ് വെബ്സൈറ്റിൽ.
പരീക്ഷാഫലം
എട്ടാം സെമസ്റ്റർ ബിആർക് (04 സ്കീം2004 മുതൽ 2011 വരെ പ്രവേശനം) ഇന്റേണൽ ഇംപ്രൂവ്മെന്റ് ഒക്ടോബർ 2017 പരീക്ഷാഫലം വെബ്സൈറ്റിൽ.
2018 ജൂണിൽ നടത്തിയ രണ്ടാം സെമസ്റ്റർ എം.എ ഇസ്ലാമിക് ഹിസ്റ്ററി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 21 വരെ അപേക്ഷിക്കാം.