ബിരുദ, ബിരുദാനന്തര ബിരുദ കോഴ്സുകൾക്കു പ്രൈവറ്റ് രജിസ്ട്രേഷൻ; അപേക്ഷ 19 വരെ
ബിരുദ, ബിരുദാനന്തര ബിരുദ കോഴ്സുകൾക്കു പ്രൈവറ്റ് രജിസ്ട്രേഷൻ നടത്താനുള്ള തീയതി നീട്ടി. 201819 അക്കാദമിക വർഷത്തെ ഫുൾ കോഴ്സുകൾക്ക് ഓണ്ലൈനായും ഫുൾ കോഴ്സ് ഇതര കോഴ്സുകൾക്ക് ഓഫ്ലനായും നാളെ മുതൽ 19 വരെ 3000 രൂപ സൂപ്പർഫൈനോടെ അപേക്ഷിക്കാം. വിശദവിവരം വെബ്സൈറ്റിൽ. 04812733365, 2733455, 2733427, 2731020.
പരീക്ഷഫലം
2018 ജൂലൈയിൽ സ്കൂൾ ഓഫ് പ്യുവർ ആൻഡ് അപ്ലൈഡ് ഫിസിക്സിൽ നടത്തിയ പിഎച്ച്ഡി കോഴ്സ് വർക്ക് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2018 സെപ്റ്റംബറിൽ സ്കൂൾ ഓഫ് പ്യുവർ ആൻഡ് അപ്ലൈഡ് ഫിസിക്സിൽ നടത്തിയ ഒന്നാം സെമസ്റ്റർ എംഫിൽ (ഫിസിക്സ് സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2018 സെപ്റ്റംബറിൽ സ്കൂൾ ഓഫ് ലെറ്റേഴ്സിൽ നടത്തിയ പിഎച്ച്ഡി കോഴ്സ് വർക്ക് (ലാംഗ്വേജ് ആൻഡ് ലിറ്ററേച്ചർ സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2018 സെപ്റ്റംബറിലെ ഒന്ന്, രണ്ട് സെമസ്റ്റർ സിബിസിഎസ്എസ് ബിപിഇ സ്പെഷൽ സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 28 വരെ അപേക്ഷിക്കാം.
സ്റ്റുഡന്റ് സർവീസസ് ഡയറക്ടർ; അപേക്ഷ ക്ഷണിച്ചു
യൂണിവേഴ്സിറ്റിയിലെ സ്റ്റുഡന്റ് സർവീസസ് ഡയറക്്ടർ (ഡിഎസ്എസ്) തസ്തികയിലേക്ക് അപേക്ഷ ക്ഷണിച്ചു. കരാർ നിയമനം. ഫസ്റ്റ് അല്ലെങ്കിൽ സെക്കന്റ് ക്ലാസ് ബിരുദാനന്തര ബിരുദം, സർവകലാശാലയിലോ കോളജിലോ അധ്യാപകരായി ഏഴുവർഷത്തെ പ്രവൃത്തി പരിചയം, അംഗീകരിക്കപ്പെട്ട സ്റ്റുഡന്റ് സർവീസസ് പരിപാടികൾ സംഘടിപ്പിച്ച പരിചയം എന്നിവയാണ് യോഗ്യത. അപേക്ഷാഫോം സർവകലാശാല വെബ്സൈറ്റിൽ. epay.mgu.ac.inശി എന്ന വെബ്സൈറ്റ് വഴി ഓണ്ലൈനായി ഫീസടച്ച് അപേക്ഷയും അഞ്ച് അതിന്റെ അഞ്ച് പകർപ്പുകളും വയസ്, യോഗ്യത, പ്രവൃത്തിപരിചയം എന്നിവ തെളിയിക്കുന്ന സ്വയം സാക്ഷ്യപ്പെടുത്തിയ സർട്ടിഫിക്കറ്റുകളും ഡെപ്യൂട്ടി രജിസ്ട്രാർ രണ്ട് (ഭരണവിഭാഗം), എംജി സർവകലാശാല, പ്രിയദർശിനി ഹിൽസ്, കോട്ടയം 686560 എന്ന വിലാസത്തിൽ ഫെബ്രുവരി നാലിന് മുന്പായി സമർപ്പിക്കണം. കവറിനു പുറത്ത് “ഡയറക്ടർ, സ്റ്റുഡന്റ് സർവീസസ് തസ്തികയ്ക്കുള്ള അപേക്ഷ’ എന്നു രേഖപ്പെടുത്തണം.
പിഎസ്സി പരിശീലനം
എംജി സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ അടുത്തയാഴ്ച തുടങ്ങുന്ന യൂണിവേഴ്സിറ്റി അസിസ്റ്റന്റ്, വിഇഒ പിഎസ്സി മത്സരപരീക്ഷ പരിശീലനത്തിന് ഏതാനും സീറ്റൊഴിവുണ്ട്. 04812731025.