രണ്ടാം സെമസ്റ്റർ യുജി സ്പെഷൽ സപ്ലിമെന്ററി പരീക്ഷാ അപേക്ഷ
എല്ലാ അവസരങ്ങളും കഴിഞ്ഞ വിദൂരവിദ്യാഭ്യാസം/വിദേശ/കേരളത്തിന് പുറത്തെ കേന്ദ്രങ്ങൾ (സിസിഎസ്എസ്2011 മുതൽ പ്രവേശനം) രണ്ടാം സെമസ്റ്റർ ബിഎ/ബിഎസ് സി മാത്തമാറ്റിക്സ്/ബി എസ് സി കൗണ്സലിംഗ് സൈക്കോളജി/ബികോം/ബിബിഎ/ബിഎംഎംസി/ബിഎ അഫ്സൽഉൽഉലമ സ്പെഷൽ സപ്ലിമെന്ററി പരീക്ഷയ്ക്ക് 28 മുതൽ ഫെബ്രുവരി 16 വരെ ഓണ്ലൈനായി അപേക്ഷിക്കാം. പരീക്ഷാ ഫീസ്: പേപ്പർ ഒന്നിന് 2,625 രൂപ. അപേക്ഷയുടെ പ്രിന്റൗട്ട്, ചലാൻ സഹിതം കണ്ട്രോളർ ഓഫ് എക്സാമിനേഷൻസ്, സ്പെഷൽ സപ്ലിമെന്ററി എക്സാം യൂണിറ്റ്, പരീക്ഷാഭവൻ, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തിൽ ഫെബ്രുവരി 18നകം ലഭിക്കണം.
അന്തർ സർവകലാശാലാ മത്സരങ്ങളിൽ പങ്കെടുത്തവർക്ക് സ്പെഷൽ പരീക്ഷ
അന്തർ സർവകലാശാലാ കായിക മത്സരങ്ങളിൽ പങ്കെടുത്തത് മൂലം പരീക്ഷ എഴുതാൻ സാധിക്കാത്ത ഒന്നാം സെമസ്റ്റർ ബികോം/ബിഎ/ബിഎസ് സി (സിയുസിബിസിഎസ്എസ്) റഗുലർ വിദ്യാർഥികൾക്ക് ഫെബ്രുവരി ഒന്ന് മുതൽ സ്പെഷൽ പരീക്ഷ നടത്തും. പരീക്ഷാ കേന്ദ്രം: സർവകലാശാലാ ഫിസിക്കൽ എഡ്യുക്കേഷൻ പഠനവിഭാഗം.
പരീക്ഷാ അപേക്ഷ
അഫ്സൽഉൽഉലമ പ്രിലിമിനറി ഒന്നാം വർഷം (2018 പ്രവേശനം, റഗുലർ/പ്രൈവറ്റ്) റഗുലർ, രണ്ടാം വർഷം (2015, 2016, 2017 പ്രവേശനം) റഗുലർ/സപ്ലിമെന്ററി പരീക്ഷയ്ക്ക് പിഴകൂടാതെ ഫെബ്രുവരി അഞ്ച് വരെയും 160 രൂപ പിഴയോടെ ഫെബ്രുവരി ഏഴ് വരെയും ഫീസടച്ച് ഫെബ്രുവരി 11 വരെ രജിസ്റ്റർ ചെയ്യാം.
എംഎസ് സി ഫുഡ് സയൻസ് ആന്റ് ടെക്നോളജി (2015 മുതൽ പ്രവേശനം) റഗുലർ/സപ്ലിമെന്ററി/ഇംപ്രൂവ്മെന്റ് ഒന്ന്, മൂന്ന് സെമസ്റ്റർ പരീക്ഷയ്ക്ക് പിഴകൂടാതെ 31 വരെയും 160 രൂപ പിഴയോടെ ഫെബ്രുവരി നാല് വരെയും ഫീസടച്ച് ഫെബ്രുവരി ആറ് വരെ രജിസ്റ്റർ ചെയ്യാം.
ഹിന്ദി പിജി ഡിപ്ലോമ ഇൻ ട്രാൻസ്ലേഷൻ ആൻഡ് സെക്രട്ടേറിയൽ പ്രാക്ടീസ് (2017 പ്രവേശനം) പരീക്ഷയ്ക്ക് പിഴകൂടാതെ 29 വരെയും 160 രൂപ പിഴയോടെ 31 വരെയും ഫീസടക്കാം. അപേക്ഷയുടെ പ്രിന്റൗട്ട് ഫെബ്രുവരി രണ്ടിനകം ലഭിക്കണം.
ഗുരുവായൂരപ്പൻ കോളജിലെ ഡബിൾ മെയിൻ പുനഃപരീക്ഷ
കോഴിക്കോട് ഗുരുവായൂരപ്പൻ കോളജിലെ ഒന്നാം സെമസ്റ്റർ ബിഎ മലയാളംസോഷ്യോളജി ഡബിൾ മെയിൻ (സിയുസിബിസിഎസ്എസ്) കോർ കോഴ്സ് എസ്.ഒ.എം1.ബി01മെത്തഡോളജി ആൻഡ് പേഴ്സ്പെക്ടീവ്സ് ഓഫ് സോഷ്യൽ സയൻസസ് പുനഃപരീക്ഷ ഫെബ്രുവരി 14ന് ഉച്ചയ്ക്ക് 1.30ന് കോളജിൽ നടക്കും.
സ്വിമ്മിംഗ് ട്രെയിനർ അഭിമുഖം
ഫിസിക്കൽ എഡ്യുക്കേഷൻ പഠനവകുപ്പിലെ സ്വിമ്മിംഗ് ട്രെയിനർ തസ്തികയിലേക്ക് അപേക്ഷിച്ചവരിൽ യോഗ്യരായവർക്ക് ഫെബ്രുവരി 21ന് രാവിലെ പത്തിന് ഭരണവിഭാഗത്തിൽ അഭിമുഖം നടക്കും. വിവരങ്ങൾ വെബ്സൈറ്റിൽ.
നഴ്സ് അഭിമുഖം
ഹെൽത്ത് സെന്ററിൽ നഴ്സ് (നൈറ്റ് ഷിഫ്റ്റ്) തസ്തികയിൽ അപേക്ഷിച്ചവരിൽ യോഗ്യരായവർക്ക് ഫെബ്രുവരി നാലിന് 9.30ന് ഭരണവിഭാഗത്തിൽ അഭിമുഖം നടക്കും. വിവരങ്ങൾ വെബ്സൈറ്റിൽ.