രണ്ടാം വര്‍ഷ പിജി കോണ്‍ടാക്ട് ക്ലാസ്/പഠനസാമഗ്രി വിതരണം
വിദൂരവിദ്യാഭ്യാസം രണ്ടാം വര്‍ഷ എംഎ/എംഎസ്‌സി/എംകോം കോഴ്‌സുകള്‍ക്ക് 201819 അധ്യയന വര്‍ഷം രജിസ്റ്റര്‍ ചെയ്തവര്‍ക്ക് കോണ്‍ടാക്ട് ക്ലാസുകളും പഠനസമാഗ്രികളുടെ വിതരണവും ഫെബ്രുവരി രണ്ടിന് രാവിലെ പത്ത് മുതല്‍ നടക്കും.
ഐഡി കാര്‍ഡ് സഹിതം ബന്ധപ്പെട്ട കേന്ദ്രങ്ങളില്‍ ഹാജരാകണം. വിവരങ്ങള്‍ക്കും കോണ്‍ടാക്ട് ക്ലാസ് ഷെഡ്യൂളിനും വെബ്‌സൈറ്റ് സന്ദര്‍ശിക്കുക. മടപ്പള്ളി ഗവണ്‍മെന്‍റ് കോളജില്‍ ഇക്കണോമിക്‌സ്, അറബിക് വിഷയങ്ങള്‍ക്ക് രജിസ്റ്റര്‍ ചെയ്തവര്‍ ദേവഗിരി സെന്‍റ് ജോസഫ്‌സ് കോളജിലും മണ്ണാര്‍ക്കാട് എംഇഎസ് കല്ലടി കോളജില്‍ മലയാളത്തിന് രജിസ്റ്റര്‍ ചെയ്തവര്‍ മലപ്പുറം ഗവണ്‍മെന്‍റ് കോളജിലും തൃശൂര്‍ ജില്ലയില്‍ എംകോമിന് രജിസ്റ്റര്‍ ചെയ്തവര്‍ സെന്‍റ് തോമസ് കോളജിലും മറ്റ് വിഷയങ്ങള്‍ക്ക് ശ്രീ കേരളവര്‍മ്മ കോളജിലും കോണ്‍ടാക്ട് ക്ലാസിനും പഠനസാമഗ്രികള്‍ക്കും സമീപിക്കണം. ഫോണ്‍ : 0494 240288, 2407454.
ഗ്രേസ് മാര്‍ക്കിന് അപേക്ഷിക്കാം
ഒന്ന് മുതല്‍ നാല് വരെയുള്ള സെമസ്റ്ററുകളുടെ ഫലം പ്രസിദ്ധീകരിച്ച ബിഎസ് സി/ബിസിഎ (സിയുസിബിസിഎസ്എസ്) റഗുലര്‍ വിദ്യാര്‍ഥികളില്‍ എന്‍എസ്എസ്/എന്‍സിസി ബി സര്‍ട്ടിഫിക്കറ്റ്/സ്‌പോര്‍ട്‌സ്/കള്‍ച്ചറല്‍ ആക്ടിവിറ്റീസ് തുടങ്ങിയവയില്‍ ഗ്രേസ് മാര്‍ക്കിന് അര്‍ഹതയുള്ളവര്‍ മാര്‍ക്കുകള്‍ ചേര്‍ക്കാൻ പൂരിപ്പിച്ച അപേക്ഷ ഫെബ്രുവരി 15നകം പ്രിന്‍സിപ്പല്‍ മുഖാന്തരം ബിഎസ്‌സി ബ്രാഞ്ചില്‍ സമര്‍പ്പിക്കണം. അപേക്ഷയോടൊപ്പം ഒറിജിനല്‍ രേഖ സമര്‍പ്പിക്കാനാവാത്തവര്‍ അവ ലഭിക്കുന്ന മുറയ്ക്ക് എത്തിക്കണം. ഒന്ന് മുതല്‍ നാല് വരെ സെമസ്റ്റര്‍ പരീക്ഷാഫലങ്ങള്‍ , അപേക്ഷാ ഫോം എന്നിവ വെബ്‌സൈറ്റില്‍.
യുജി നാലാം സെമസ്റ്ററില്‍ പുനഃപ്രവേശനം
വിദൂരവിദ്യാഭ്യാസം ബിഎ/ ബികോം/ബിഎസ് സി മാത്തമാറ്റിക്‌സ്/ബിബിഎ (സിയുസിബിസിഎസ്എസ്) പ്രോഗ്രാമുകള്ക്ക് 2014 മുതല്‍ 2016 വരെ വര്‍ഷങ്ങളില്‍ പ്രവേശനം നേടി ഒന്ന്, രണ്ട്, മൂന്ന് സെമസ്റ്റര്‍ പരീക്ഷകള്‍ക്ക് അപേക്ഷിച്ച ശേഷം തുടര്‍പഠനം നടത്താനാവാത്തവര്‍ക്ക് നാലാം സെമസ്റ്ററില്‍ പുനഃപ്രവേശനം നേടാം. ഓണ്‍ലൈനായി പിഴകൂടാതെ മാര്‍ച്ച് മൂന്ന് വരെ അപേക്ഷിക്കാം. വിവരങ്ങള്‍ വെബ്‌സൈറ്റില്‍ (www.sdeuoc.ac.in).
അറബിക്ഇംഗ്ലീഷ് ട്രാന്‍സ്‌ലേഷന്‍ പരിശീലനം
ഇസ്‌ലാമിക് ചെയര്‍ നടത്തുന്ന അറബിക്ഇംഗ്ലീഷ് ട്രാന്‍സ്‌ലേഷന്‍ കോഴ്‌സ് ഫെബ്രുവരി മൂന്നിന് ആരംഭിക്കും. മൂന്ന് മാസത്തെ സര്‍ട്ടിഫിക്കറ്റ് പ്രോഗ്രാമില് ചേരാനാഗ്രഹിക്കുന്നവര്‍ ബന്ധപ്പെടുക: 9847729601/ 9746904678.
പരീക്ഷാഫലം
പത്താം സെമസ്റ്റര്‍ ബിബിഎഎല്‍എല്‍ബി, ആറാം സെമസ്റ്റര്‍ എല്‍ എല്‍ബി യൂണിറ്ററി നവംബര്‍ 2017 പരീക്ഷാഫലം വെബ്‌സൈറ്റില്‍. മാര്‍ക്ക് ലിസ്റ്റും പ്രൊവിഷണല് സര്‍ട്ടിഫിക്കറ്റും ഫെബ്രുവരി പത്ത് മുതല്‍ കോളജുകളില്‍ വിതരണം ചെയ്യും.
എംഫില്‍ ഫിസിക്‌സ് ഒന്നാം സെമസ്റ്റര്‍ (ഒക്‌ടോബര്‍ 2017), രണ്ടാം സെമസ്റ്റര്‍ (ജൂണ്‍ 2018), എംഫില്‍ സൈക്കോളജി രണ്ടാം സെമസ്റ്റര്‍ (ജനുവരി 2016) പരീക്ഷാഫലം വെബ്‌സൈറ്റില്‍ .
2018 ജൂണില്‍ നടത്തിയ രണ്ടാം സെമസ്റ്റര്‍ എംകോം (സിയുസിഎസ് എസ്) പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് ഫെബ്രുവരി 12 വരെ അപേക്ഷിക്കാം.
പ്ലംബര്‍ അഭിമുഖം
എൻജിനിയറിംഗ് വിഭാഗത്തില്‍ പ്ലംബര്‍ തസ്തികയിലേക്ക് അപേക്ഷിച്ചവരില്‍ യോഗ്യരായവര്‍ക്കുള്ള അഭിമുഖം ഫെബ്രുവരി ആറിന് രാവിലെ 9.30ന് സര്‍വകലാശാലാ ഭരണവിഭാഗത്തില്‍ നടക്കും. വിവരങ്ങള്‍ വെബ്‌സൈറ്റില്‍.