വിരമിച്ച ജീവനക്കാർക്ക് റീവാല്വേഷൻ ഓഫീസറാവാം
കാലിക്കട്ട് സർവകലാശാലയിൽ നിന്ന് വിരമിച്ച സെക്ഷൻ ഓഫീസർ റാങ്കിൽ കുറയാത്ത ജീവനക്കാരെ കുറ്റിപ്പുറം എംഇഎസ് എൻജിനിയറിംഗ് കോളജിൽ റീവാല്വേഷൻ ഡ്യൂട്ടിക്ക് ഓഫീസർ ഇൻചാർജ്ജായി താത്കാലികമായി നിയമിക്കുന്നതിനു അപേക്ഷ ക്ഷണിച്ചു. അപേക്ഷ 14ന് വൈകുന്നേരം അഞ്ചിനകം ലഭിക്കണം.
റസിഡന്റ് മെഡിക്കൽ ഓഫീസർ അഭിമുഖം
ഹെൽത്ത് സെന്ററിൽ ദിവസ വേതന നിരക്കിൽ റസിഡന്റ് മെഡിക്കൽ ഓഫീസർ തസ്തികയിൽ അപേക്ഷിച്ച യോഗ്യരായവർക്കുള്ള അഭിമുഖം ഏഴിനു രാവിലെ പത്തിനു ഭരണവിഭാഗത്തിൽ നടക്കും. യോഗ്യരായവരുടെ ലിസ്റ്റും നിർദേശങ്ങളും വെബ്സൈറ്റിൽ.
അദീബെ ഫാസിൽ മാർക്ക് ലിസ്റ്റ്
ജനുവരി 25ന് ഫലം പ്രസിദ്ധീകരിച്ച അദീബെ ഫാസിൽ പ്രിലിമിനറി (സപ്ലിമെന്ററി), ഫൈനൽ (റഗുലർ/സപ്ലിമെന്ററി) ഏപ്രിൽ 2018 പരീക്ഷയുടെ മാർക്ക് ലിസ്റ്റുകൾ അതത് കേന്ദ്രങ്ങളിൽ 11 മുതൽ വിതരണം ചെയ്യും. പുനർമൂല്യനിർണയത്തിന് 27 വരെ അപേക്ഷിക്കാം.
പരീക്ഷാ അപേക്ഷ
ഒന്ന്, രണ്ട് സെമസ്റ്റർ എംപിഎഡ് (2014 മുതൽ പ്രവേശനം) റഗുലർ/സപ്ലിമെന്ററി പരീക്ഷയ്ക്ക് പിഴകൂടാതെ 12 വരെയും 160 രൂപ പിഴയോടെ 14 വരെയും ഫീസടച്ച് 15 വരെ രജിസ്റ്റർ ചെയ്യാം.
മൂന്നാം സെമസ്റ്റർ എംഎസ് സി മെഡിക്കൽ മൈക്രോബയോളജി (2015 മുതൽ പ്രവേശനം2009 സ്കീം) റഗുലർ/സപ്ലിമെന്ററി പരീക്ഷയ്ക്ക് പിഴകൂടാതെ എട്ട് വരെയും 160 രൂപ പിഴയോടെ 12 വരെയും ഫീസടച്ച് 14 വരെ രജിസ്റ്റർ ചെയ്യാം.
അവസാന വർഷ ബിഎഫ്എ പരീക്ഷയ്ക്ക് പിഴകൂടാതെ 12 വരെയും 160 രൂപ പിഴയോടെ 14 വരെയും ഫീസടച്ച് 16 വരെ രജിസ്റ്റർ ചെയ്യാം.
പരീക്ഷ
രണ്ടാം വർഷ അഫ്സൽഉൽഉലമ പ്രിലിമിനറി 2016, 2017 പ്രവേശനം റഗുലർ/സപ്ലിമെന്ററി, 2015 പ്രവേശനം സപ്ലിമെന്ററി പരീക്ഷ മാർച്ച് ഒന്നിന് ആരംഭിക്കും.
പിജി ഡിപ്ലോമ ഇൻ കൗണ്സലിംഗ് പരീക്ഷ 22ന് ആരംഭിക്കും.
ആറാം സെമസ്റ്റർ ബിബിഎഎൽഎൽബി ഓണേഴ്സ് (2011 സ്കീം), രണ്ടാം സെമസ്റ്റർ എൽഎൽബി യൂണിറ്ററി (ത്രിവത്സരം, 2015 സ്കീം) റഗുലർ/സപ്ലിമെന്ററി പരീക്ഷ 18ന് ആരംഭിക്കും.
എൽഎൽബി പുനർമൂല്യനിർണയ ഫലം
രണ്ടാം സെമസ്റ്റർ എൽഎൽബി യൂണിറ്ററി, രണ്ടാം സെമസ്റ്റർ എൽഎൽബി ത്രിവത്സരം, ആറാം സെമസ്റ്റർ ബിബിഎഎൽഎൽബി, ആറാം സെമസ്റ്റർ എൽഎൽബി പഞ്ചവത്സരം (2008 പ്രവേശനം), എൽഎൽബി രണ്ട്, നാല്, ആറ്, എട്ട്, പത്ത് സെമസ്റ്റർ പഞ്ചവത്സരം, രണ്ട്, നാല്, ആറ് സെമസ്റ്റർ ത്രിവത്സരം (2007ഉം അതിന് മുന്പുള്ള പ്രവേശനം) നവംബർ 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
എൻവയോണ്മെന്റൽ സയൻസ് റിഫ്രഷർ കോഴ്സ്
ഹ്യൂമണ് റിസോഴ്സ് ഡവലപ്മെന്റ് സെന്റർ കോളജ്/സർവകലാശാലാ അധ്യാപകർക്കായി ഏഴ് മുതൽ 27 വരെ നടത്താനിരുന്ന എൻവയോണ്മെന്റൽ സയൻസ് റിഫ്രഷർ കോഴ്സ് 28 മുതൽ മാർച്ച് 20 വരെ നടത്തും. 12 വരെ ഓണ്ലൈനായി അപേക്ഷിക്കാം. വെബ്സൈറ്റ് ugchrdc.uoc.ac.in വിവരങ്ങൾക്ക്: 0494 2407350.
പരീക്ഷാഫലം
2018 മേയിൽ നടത്തിയ പ്രീവിയസ്/ഒന്ന്, രണ്ട് സെമസ്റ്റർ എംഎ പൊളിറ്റിക്കൽ സയൻസ് റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 16 വരെ അപേക്ഷിക്കാം.