2018 നവംബർ ഡിസംബറിലും 2019 ജനുവരിയിലും നടത്തിയ ഒന്ന്, മൂന്ന്, അഞ്ച് സെമസ്റ്റർ ബിഎസ്ഡബ്ല്യൂ പരീക്ഷയുടെ പ്രാക്ടിക്കൽ 15 മുതൽ അതതു കോളജുകളിൽ നടത്തും. വിശദമായ ടൈംടേബിൾ വെബ്സൈറ്റിൽ.
2018 ഒക്ടോബറിൽ നടത്തിയ എട്ടാം സെമസ്റ്റർ ബിടെക് (2008 സ്കീം സപ്ലിമെന്‍ററി) ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനിയറിംഗ് ബ്രാഞ്ചിന്‍റെ പ്രാക്ടിക്കൽ പരീക്ഷ 8, 11 തീയതികളിൽ യൂനസ് കോളജ് ഓഫ് എൻജിനിയറിംഗ്, വടക്കേവിള, വിദ്യ അക്കാദമി ഓഫ് സയൻസ് ആൻഡ് ടെക്നോളജി, കിളിമാനൂർ, സെന്‍റ് തോമസ് ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജി, കാട്ടായിക്കോണം, ലൂർദ് മാതാ കോളജ് ഓഫ് സയൻസ് ആൻഡ് ടെക്നോളജി, കുറ്റിച്ചൽ എന്നീ സെന്‍ററുകളിൽ നടത്തും. വിശദവിവരങ്ങൾ വെബ്സൈറ്റിൽ.
2018 ഡിസംബറിൽ നടന്ന അഞ്ചാം സെമസ്റ്റർ കരിയർ റിലേറ്റഡ് സിബിസിഎസ്എസ് ബിസിഎ ഡിഗ്രി കോഴ്സിന്റെ (2016 അഡ്മിഷൻ റെഗുലർ & 2013 2015 അഡ്മിഷൻ സപ്ലിമെന്‍ററി) പ്രാക്ടിക്കൽ 11ന് അതതു കോളജുകളിൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ.
വൈവ വോസി
വിദൂര വിദ്യാഭ്യാസ കേന്ദ്രം 14ന് നടത്താനിരുന്ന എംഎ ഇംഗ്ലീഷ്, എംഎ ഇക്കണോമിക്സ് സപ്ലിമെന്‍ററി വൈവ വോസി പരീക്ഷകൾ 21 ന് രാവിലെ 10 മുതൽ തിരുവനന്തപുരം പാളയത്തുള്ള വിദൂര വിദ്യാഭ്യാസ കേന്ദ്രത്തിൽ നടത്തും. വിശദവിവരങ്ങൾ വെബ്സൈറ്റിൽ.
അദാലത്ത്
ഏഴിന് രാവിലെ 10ന് സിൻഡിക്കേറ്റ് റൂമിൽ നടത്താൻ തീരുമാനിച്ച പിഎച്ച്ഡി തീസിസ് സമർപ്പണവുമായി ബന്ധപ്പെട്ട അദാലത്ത് അന്നേദിവസം പ്രാദേശിക അവധിയായി പ്രഖ്യാപിച്ചാലും മാറ്റമില്ലാതെ നടത്തും.
പരീക്ഷാഫലം
2018 സെപ്റ്റംബർ/ഒക്ടോബറിൽ നടത്തിയ നാലാം സെമസ്റ്റർ റെഗുലർ ബിടെക് കോഴ്സ് കോഡിൽ വരുന്ന രണ്ടും നാലും സെമസ്റ്റർ ബിടെക് പാർട്ട് ടൈം റീസ്ട്രക്ച്ചേർഡ് (2008 സ്കീം) പരീക്ഷാഫലം വെബ്സൈറ്റിൽ.