രണ്ടാം സെമസ്റ്റർ എംപിഎഡ് ഫലം പ്രസിദ്ധീകരിച്ചു
2018 സെപ്റ്റംബറിൽ നടന്ന രണ്ടാം സെമസ്റ്റർ എംപിഎഡ് (റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് എട്ടുവരെ അപേക്ഷിക്കാം.
2018 ജൂണിൽ നടന്ന രണ്ടാം സെമസ്റ്റർ എംഎസ്സി ക്ലിനിക്കൽ ന്യൂട്രിഷൻ ആൻഡ് ഡയറ്റെറ്റിക്സ് (റെഗുലർ, സപ്ലിമെന്ററി, ബെറ്റർമെന്റ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് 11 വരെ അപേക്ഷിക്കാം.
പരീക്ഷാ കേന്ദ്രം മാറ്റി
25ന് ചങ്ങനാശേരി എൻഎസ്എസ് കോളജിൽ നടക്കേണ്ട മൂന്ന്, നാല് സെമസ്റ്റർ പിജി പ്രൈവറ്റ് പരീക്ഷ ചങ്ങനാശേരി അസംപ്ഷൻ കോളജിലേക്കു മാറ്റി. എൻഎസ്എസിൽ പരീക്ഷയെഴുതേണ്ടവർ അസംപ്ഷൻ കോളജിൽ ഹാജരാകണം. പരീക്ഷാ സമയത്തിൽ മാറ്റമില്ല. 25 ഒഴികെയുള്ള ദിവസങ്ങളിലെ പരീക്ഷകൾ മുൻ നിശ്ചയപ്രകാരം എൻഎസ്എസ് കോളജിൽത്തന്നെ നടക്കും.
നഴ്സിംഗ് പരീക്ഷാകേന്ദ്രം
28ന് ആരംഭിക്കുന്ന ഒന്നു മുതൽ നാലു വരെ വർഷ ബിഎസ്സി നഴ്സിംഗ് മേഴ്സി ചാൻസ് (20072009 അഡ്മിഷൻ) പരീക്ഷകൾ ഗാന്ധിനഗർ എസ്എംഇ (സീപാസ്)യിൽ നടക്കും.
ഉത്തരക്കടലാസ്
മൂന്നാം സെമസ്റ്റർ പിജി സിഎസ്എസ് നവംബർ 2018 പരീക്ഷയുടെ ഉത്തരക്കടലാസ് മൂല്യനിർണയത്തിനായി 26ന് എട്ട് മേഖലാ ക്യാന്പുകളിലൂടെ അധ്യാപകർക്കു വിതരണം ചെയ്യും. കോട്ടയം ബിസിഎം കോളജ്, ചങ്ങനാശേരി ക്രിസ്തുജ്യോതി കോളജ്, പാലാ അൽഫോണ്സ കോളജ്, മൂവാറ്റുപുഴ നിർമ്മല കോളജ്, തൃപ്പൂണിത്തുറ ചിന്മയ കോളജ്, ആലുവ യുസി കോളജ്. കട്ടപ്പന ജെപിഎം കോളജ്, കോഴഞ്ചേരി സെന്റ് തോമസ് കോളജ് എന്നിവയാണ് മേഖലാ കേന്ദ്രങ്ങൾ. രാവിലെ 10 മുതലാണ് വിതരണം. അധ്യാപകർ ക്യാന്പുകളിൽ എത്തി ഉത്തരക്കടലാസ് കൈപ്പറ്റണം.
പ്രിൻസിപ്പൽമാരുടെ യോഗം
യുജി, പിജി പരീക്ഷകളുടെ ഓണ്ലൈൻ ചോദ്യപേപ്പർ ട്രാൻസാക്ഷൻ, സിവി ക്യാന്പ്, ടീച്ചേഴ്സ് പോർട്ടൽ എന്നിവ സംബന്ധിച്ച വിഷയങ്ങൾ ചർച്ച ചെയ്യാൻ പ്രിൻസിപ്പൽമാരുടെ സംയുക്തയോഗം ഇന്നു നടക്കും. അസംബ്ലി ഹാളിൽ രാവിലെ 10.30നാണ് യോഗം.