സംസ്കൃത അധ്യാപകർക്കായി ഹ്രസ്വകാല കോഴ്സ്
കാലടി: ശ്രീ ശങ്കരാചാര്യ സംസ്കൃത സർവകലാശാലയിലെ സംസ്കൃത പ്രചാരണ വിഭാഗത്തിന്റെ നേതൃത്വത്തിൽ സർവകലാശാല, കോളജ്തല സംസ്കൃത അധ്യാപകർക്കായി ഏഴു ദിവസം ദൈർഘ്യമുള്ള ഹ്രസ്വകാല കോഴ്സ് സംഘടിപ്പിക്കുന്നു. സംസ്കൃതത്തിലെ ഗവേഷണ രീതിശാസ്ത്രം എന്ന വിഷയത്തെ അടിസ്ഥാനമാക്കി ഏപ്രിൽ മൂന്നു മുതൽ ഒന്പത് വരെയാണ് കോഴ്സ്. പങ്കെടുക്കാൻ താത്പര്യമുള്ളവർ 25ന് മുന്പായി സർവകലാശാല സംസ്കൃത പ്രചാരണ വിഭാഗം നോഡൽ ഓഫീസറുടെ പേരിൽ അപേക്ഷ സമർപ്പിക്കേണ്ടതാണ്. അപേക്ഷഫോമിന് www.ssus.ac.in സന്ദർശിക്കുക. വിവരങ്ങൾക്ക് ഫോൺ: 04842463380.