മാർക്ക് അപ്ലോഡ് - തീയതി നീട്ടി
2018 ഡിസംബറിൽ നടന്ന അഞ്ചാം സെമസ്റ്റർ സിബിസിഎസ് ബിഎ/ബിഎസ്സി/ബികോം ഡിഗ്രി പരീക്ഷകളുടെ ഓപ്പണ് കോഴ്സ് മാർക്ക് കോളജുകളിൽ നിന്ന് അപ്ലോഡ് ചെയ്യാനുളള സമയം 29 വരെ നീട്ടി. അപ്ലോഡ് ചെയ്തതിനുശേഷം മാർക്ക്ഷീറ്റുകൾ അതത് ടാബുലേഷൻ വിഭാഗം അസിസ്റ്റന്റ് രജിസ്ട്രാർമാർക്ക് 30നകം കൈമാറണം.
പുതുക്കിയ പരീക്ഷാതീയതി
26, 28 തീയതികളിൽ നടത്താനിരുന്ന നാലാം സെമസ്റ്റർ ബിഎ എൽഎൽബി/ബികോം എൽഎൽബി/ബിബിഎ എൽഎൽബി (ഇന്റഗ്രേറ്റഡ് പഞ്ചവത്സരം) ഡിഗ്രി പരീക്ഷകൾ യഥാക്രമം ഏപ്രിൽ നാല്, ഒന്പത് തീയതികളിൽ നടത്തും. വിശദവിവരങ്ങൾ വെബ്സൈറ്റിൽ.
25, 27 തീയതികളിൽ നടത്താനിരുന്ന മൂന്നാം സെമസ്റ്റർ ബിഎച്ച്എംസിടി (2014 സ്കീം & 2011 സ്കീം) ഡിഗ്രി പരീക്ഷകൾ യഥാക്രമം ഏപ്രിൽ എട്ട്, പത്ത് തീയതികളിൽ നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫലം
2018 നവംബറിൽ നടത്തിയ മൂന്നാം സെമസ്റ്റർ യൂണിറ്ററി (ത്രിവത്സരം) എൽഎൽബി (റെഗുലർ, സപ്ലിമെന്ററി, മേഴ്സിചാൻസ് 2011 അഡ്മിഷൻ) പരീക്ഷാഫലം വെബ്സൈറ്റിൽ. സൂക്ഷ്മപരിശോധനയ്ക്കും പുനർമൂല്യനിർണയത്തിനും പിഴകൂടാതെ ഏപ്രിൽ ഒന്പതുവരെയും പിഴയോടെ ഏപ്രിൽ 16 വരെയും അപേക്ഷിക്കാം.
2018 ഓഗസ്റ്റിൽ നടത്തിയ നാലാം സെമസ്റ്റർ എംഎഎസ്എൽപി (സിബിസിഎസ്എസ്) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് ഏപ്രിൽ അഞ്ചുവരെ അപേക്ഷിക്കാം.
2018 ഒക്ടോബറിൽ യൂണിവേഴ്സിറ്റി കോളജ്, തിരുവനന്തപുരം നടത്തിയ എംഫിൽ ഇക്കണോമിക്സ് (2017 18 ബാച്ച്) പരീക്ഷാഫലം വെബ്സൈറ്റിൽ.
ടൈംടേബിൾ
ഏപ്രിൽ മൂന്നിന് ആരംഭിക്കുന്ന ഒന്നാം സെമസ്റ്റർ എംസിഎ (2011 സ്കീം 2013 & 2014 അഡ്മിഷൻ മാത്രം) സപ്ലിമെന്ററി പരീക്ഷയുടേയും ഏപ്രിൽ 12 മുതൽ ആരംഭിക്കുന്ന മൂന്നാം സെമസ്റ്റർ എംസിഎ (2011 സ്കീം 2013 & 2014 അഡ്മിഷൻ മാത്രം) സപ്ലിമെന്ററി പരീക്ഷയുടേയും വിശദമായ ടൈംടേബിൾ വെബ്സൈറ്റിൽ.
പിജി പ്രവേശനം
സർവകലാശാലയുടെ വിവിധ പഠന വകുപ്പുകളിലേയ്ക്ക് പിജി അഡ്മിഷനുവേണ്ടിയുളള പ്രവേശന പരീക്ഷയ്ക്ക് ഓണ്ലൈനായി അപേക്ഷ ക്ഷണിച്ചു. ഏപ്രിൽ രണ്ടുവരെ അപേക്ഷിക്കാം. വിശദവിവരങ്ങൾ www.admissions.keralauniversity.ac.in എന്ന വെബ്സൈറ്റിൽ.