9380 ബിരുദങ്ങള് നല്കാന് തീരുമാനം
42 പിഎച്ച്ഡി, 354 ബിരുദാനന്തര ബിരുദം, 8943 ബിരുദം ഉള്പ്പെടെ 9380 ബിരുദങ്ങള് നല്കാന് വാര്ഷിക സെനറ്റ് യോഗം തീരുമാനിച്ചു . 201920 ലെ സര്വകലാശാലാ ബജറ്റ് അംഗീകരിച്ചു. 2018ലെ വാര്ഷിക റിപ്പോര്ട്ടും യോഗം അംഗീകരിച്ചു.
നാനോ സയന്സില് നല്കുന്ന പിഎച്ച്ഡി ബിരുദ സര്ട്ടിഫിക്കറ്റുകളില് തിസീസിന്റെ പേര് നല്കാനും തീരുമാനമായി. പാലക്കാട് തോളന്നൂരില് ഗവണ്മെന്റ് കോളജ് തുടങ്ങിയതിന് അംഗീകാരം നല്കി. വിവിധ കോളജുകളിലായി 24 പുതിയ പ്രോഗ്രാമുകള്ക്ക് അംഗീകാരം നല്കി. കോളജുകളിലെ ഡിഗ്രി, പി.ജി, പ്രോഗ്രാമുകളില് 201920 മുതല് തുടങ്ങുന്നതിനായി തയ്യാറാക്കിയ റഗുലേഷനുകള് അംഗീകരിച്ചു. സര്വകലാശാലാ ഡിപ്പാര്ട്ടുമെന്റുകളിലെ പുതിയ സിസിഎസ്എസ് പിജി റഗുലേഷന് അംഗീകരിച്ചു. മറ്റ് സര്വകലാശാലകളുടെ/ബോര്ഡുകളുടെ വിവിധ പ്രോഗ്രാമുകള്ക്ക് ഇക്വിവലന്സിയും അംഗീകാരവും നല്കുന്നതിന് തയ്യാറാക്കിയ മാര്ഗ്ഗരേഖയും യോഗം അംഗീകരിച്ചു. ഇംഗ്ലീഷ് അടക്കം അഞ്ചുവിഷയങ്ങള് പഠിച്ച് പാസാവുന്ന എന്ഐഒഎസ് സീനിയര് സെക്കൻഡറി സര്ട്ടിഫിക്കറ്റ് പ്ലസ്ടുവിന് തുല്യമായി അംഗീകരിച്ചു.
അഭയം പദ്ധതി: താക്കോൽ ദാനം നിർവഹിച്ചു
എന്എസ്എസ് യൂണിറ്റിന്റെ അഭയം പദ്ധതിയിലെ നാല് വീടുകളുടെ താക്കോല്ദാനം വൈസ് ചാൻസലർ ഡോ.കെ.മുഹമ്മദ് ബഷീർ നിർവഹിച്ചു.
പ്രോവൈസ് ചാന്സലര് ഡോ.പി.മോഹന് അധ്യക്ഷത വഹിച്ചു. എന്എസ്എസ് പ്രോഗ്രാം കോഓര്ഡിനേറ്റര് പി.വി.വല്സരാജ്, സിൻഡിക്കറ്റ് അംഗങ്ങളായ കെ.കെ.ഹനീഫ, ഡോ.യൂജിന് മൊറേലി, പ്രഫ.ബാഹുലേയന്, സെനറ്റ് അംഗങ്ങളായ ഡോ.മനോഹരന്, ഡോ.ജോണ് ഇ. തോപ്പില്, വിനോദ് നീക്കാമ്പുറത്ത് തുടങ്ങിയവര് പ്രസംഗിച്ചു. സര്വകലാശാലയ്ക്ക് കീഴില് 228 എന്എസ്എസ് യൂണിറ്റുകളാണ് ഉള്ളത്.
പരീക്ഷാഫലം
2017 ഡിസംബറില് നടത്തിയ ഒന്നാം സെമസ്റ്റര് എംഎസ് സി ഹെല്ത്ത് ആന്റ് യോഗ തെറാപ്പി പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് ഏപ്രില് ഒമ്പത് വരെ അപേക്ഷിക്കാം.