അവധിക്കാല റെമഡിയൽ ട്രെയിനിംഗ് ക്യാമ്പ്
കാലിക്കട്ട് സർവകലാശാല സൈക്കോളജി പഠന വകുപ്പിന് കീഴിലെ സിഡിഎംആർപിയുടെയും കേരള സർക്കാർ സാമൂഹ്യനീതി വകുപ്പിന്റെയും സംയുക്താഭിമുഖ്യത്തിൽ പഠനവൈകല്യമുള്ള വിദ്യാർഥികൾക്കായി സൗജന്യഅവധിക്കാല റെമഡിയൽ ട്രെയിനിംഗ് ക്യാമ്പ് സംഘടിപ്പിക്കുന്നു. ഒന്നു മുതൽ ഏഴു വരെ ക്ലാസുകളിൽ പഠിക്കുന്ന പഠനവൈകല്യമുള്ള വിദ്യാർഥികൾക്ക് പങ്കെടുക്കാം. ഏപ്രിൽ നാലിന് മുമ്പായി രജിസ്റ്റർ ചെയ്യണം. ഫോൺ: 9495644340, 9539 623403.
ലക്ഷദ്വീപ്: നാലാം സെമസ്റ്റർ ബിഎഡ് പരീക്ഷ മാറ്റി
കാലിക്കട്ട് സർവകലാശാല ഏപ്രിൽ എട്ട് മുതൽ നടത്താനിരുന്ന ലക്ഷദ്വീപ് കോളജ് ഓഫ് എഡ്യൂക്കേഷനിലെ നാലാം സെമസ്റ്റർ ബിഎഡ് (ദ്വിവത്സരം) റെഗുലർ /സപ്ലിമെൻററി പരീക്ഷ മാറ്റി. പുതുക്കിയ തീയതി പിന്നീട് അറിയിക്കും. മറ്റുള്ളവരുടെ നാലാം സെമസ്റ്റർ ബിഎഡ് (ദ്വിവത്സരം) പരീക്ഷ ഏപ്രിൽ എട്ടിന് തന്നെ ആരംഭിക്കും.
പുനർമൂല്യനിർണയ ഫലം
കാലിക്കട്ട് സർവകലാശാല ജൂൺ 2018 നു നടത്തിയ രണ്ടാം സെമസ്റ്റർ എംഎ ജേർണലിസം ആൻഡ് മാസ് കമ്മ്യൂണിക്കേഷൻ, രണ്ടാം സെമസ്റ്റർ എംസിജെ പുനർമൂല്യനിർണയ ഫലം വെബ്സൈറ്റിൽ.