കേരള ആരോഗ്യശാസ്ത്ര സർവകലാശാല 2019 ജനുവരിയിൽ നടത്തിയ മൂന്നാംവർഷ ബിഡിഎസ് ഡിഗ്രി സപ്ലിമെന്ററി (2015, 2014, 2013, 2012, 2011, 2010 പ്രവേശനം) പരീക്ഷാഫലം, രണ്ടാം വർഷ ബിഡിഎസ് ഡിഗ്രി സപ്ലിമെന്ററി (2010 & 2016 സ്കീമുകൾ) പരീക്ഷാഫലം എന്നിവ പ്രസിദ്ധീകരിച്ചു.
റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ വഴി ഓൺലൈനായി ഈമാസം 16നകം അപേക്ഷിക്കേണ്ടതാണ്.
റീടോട്ടലിംഗ് ഫലം
ജനുവരിയിൽ പരീക്ഷ നടത്തി ഫലപ്രഖ്യാപനം നടത്തിയ അവസാന വർഷ ബിഡിഎസ് പാർട്ട് 2 റെഗുലർ/സപ്ലിമെന്ററി പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
അഡ്മിറ്റ് കാർഡ്
2019 ബാച്ച് പിഎച്ച്ഡി പ്രോഗ്രാമിന് അപേക്ഷിച്ചിട്ടുള്ളവരിൽനിന്ന് അർഹരായവരെ തെരഞ്ഞെടുക്കാൻ ഈമാസം ഒൻപതിന് സർവകലാശാലാ ആസ്ഥാനത്തുവച്ച് ഉച്ചയ്ക്ക് 12 മുതൽ 1.30വരെ പ്രവേശന പരീക്ഷ നടത്തുന്നതാണ്. പ്രവേശന പരീക്ഷയുടെ അഡ്മിറ്റ് കാർഡ് ഏഴു വരെ സർവകലാശാലാ വെബ്സൈറ്റിൽ ലഭ്യമാണ്.
പരീക്ഷാ തിയതി
ഈമാസം 30 മുതൽ ആരംഭിക്കുന്ന ഒന്നാംവർഷ ബിഎസ്സി മെഡിക്കൽ മൈക്രോബയോളജി ഡിഗ്രി സപ്ലിമെന്ററി (2016 & 2014 സ്കീമുകൾ) തിയറി പരീക്ഷാ ടൈം ടേബിൾ പ്രസിദ്ധീകരിച്ചു.