പിഎച്ച്ഡി പ്രവേശന പരീക്ഷ
കണ്ണൂർ സർവകലാശാലയുടെ 20192020 വർഷത്തെ പിഎച്ച്ഡി പ്രവേശന പരീക്ഷ ഏഴിന് രാവിലെ 10 മുതൽ 12 വരെ സർവകലാശാലയുടെ മങ്ങാട്ടുപറമ്പ് കാമ്പസിലെ വിവിധ ഡിപ്പാർട്ട്മെന്റുകളിൽ നടക്കും.
ഹാൾ ടിക്കറ്റ്
എട്ടിന് ആരംഭിക്കുന്ന നാലാം സെമസ്റ്റർ ബിഎഡ് (റഗുലർ, സപ്ലിമെന്ററിഏപ്രിൽ 2019) പരീക്ഷയുടെയും പത്തിന് ആരംഭിക്കുന്ന രണ്ടാം സെമസ്റ്റർ എംഎഡ് (റഗുലർ, സപ്ലിമെന്ററിമേയ് 2019) പരീക്ഷയുടെയും ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
പരീക്ഷാ വിജ്ഞാപനം
അവസാന വർഷ പാർട്ട് ഒന്ന്, രണ്ട് ബിഡിഎസ്. സപ്ലിമെന്ററി പരീക്ഷകൾ വിജ്ഞാപനം ചെയ്തു. 12 വരെ പിഴയില്ലാതെയും 17 വരെ 160 രൂപ പിഴയോടുകൂടെയും പരീക്ഷകൾക്ക് അപേക്ഷിക്കാം. വിശദമായ പരീക്ഷാവിജ്ഞാപനം സർവകലാശാല വെബ്സൈറ്റിൽ ലഭ്യമാണ്.
യുജി, പിജി പ്രവേശനം
കണ്ണൂർ സർവകലാശാലയുടെ കീഴിലുള്ള വിവിധ പഠനവകുപ്പുകളിലും സെന്ററുകളിലും 201920 അധ്യയനവർഷത്തെ യുജി, പിജി പ്രോഗ്രാമിലേക്കുള്ള (എംഎഡ്, എംഎ മ്യൂസിക്, എംപിഎഡ് എന്നിവ ഒഴികെ) പ്രവേശനത്തിന് അപേക്ഷ ക്ഷണിച്ചു. ഓണ്ലൈൻ രജിസ്ട്രേഷൻ അഞ്ചിന് ആരംഭിച്ച് മേയ് അഞ്ചിന് അവസാനിക്കും.
മുൻ സെമസ്റ്റർ പരീക്ഷകളെല്ലാം വിജയിച്ചവരും എന്നാൽ അവസാന സെമസ്റ്റർ ബിരുദ പരീക്ഷാഫലം കാത്തിരിക്കുന്ന വിദ്യാർഥികൾക്കും അപേക്ഷിക്കാം. ഈ വിദ്യാർഥികൾ അഡ്മിഷൻ തീയതിക്കകം സർവകലാശാല നിഷ്കർഷിച്ച യോഗ്യത നേടിയിരിക്കണം. പ്രവേശനം നേടാൻ ആഗ്രഹിക്കുന്നവർ www.pgcap.kannuruniversity.ac.in എന്ന വെബ്സൈറ്റിൽ ഓണ്ലൈനായി രജിസ്റ്റർ ചെയ്യണം. വിവിധ പഠനവകുപ്പുകളെക്കുറിച്ചുള്ള കൂടുതല് വിവരങ്ങള് അതത് പഠനവകുപ്പുകളുടെ പ്രോസ്പെക്ടസിൽ ലഭ്യമാണ്.
തലശേരി കാമ്പസിലുള്ള ഐടി എഡ്യുക്കേഷൻ സെന്ററിലെ എംസിഎ പ്രോഗ്രാം കോസ്റ്റ് ഷെയറിംഗ് വിഭാഗത്തിൽപ്പെട്ടതാണ്. പ്രസ്തുത സെന്ററിലെ എംസിഎ പ്രോഗ്രാമിന്റെ ഫീസ് താരതമ്യേന കൂടുതലാണ്. കൂടാതെ എസ്സി, എസ്ടി, ഒഇസി വിദ്യാർഥികൾക്കു മാത്രമേ ഫീസ് ആനുകൂല്യം ലഭിക്കുകയുള്ളൂ. ഓണ്ലൈൻ രജിസ്ട്രേഷൻ ഫീസ് എസ്സി, എസ്ടി ഒഴികെ മറ്റെല്ലാ വിഭാഗങ്ങൾക്കും 420 രൂപയും എസ്സി, എസ്ടി വിഭാഗങ്ങൾക്ക് 100 രൂപയുമാണ്. എസ്ബിഐ കളക്ട് മുഖേന ഓണ്ലൈനായാണ് രജിസ്ട്രേഷൻ ഫീസ് അടയ്ക്കേണ്ടത്. ഡിഡി, ചെക്ക്, ചെലാൻ തുടങ്ങിയവ സ്വീകരിക്കുന്നതല്ല.
ഓണ്ലൈനായി രജിസ്റ്റർചെയ്തു കഴിഞ്ഞാൽ അപേക്ഷയുടെ പ്രിന്റൗട്ടും ഓണ്ലൈൻ പേയ്മെന്റിന്റെ പ്രിന്റൗട്ടും എടുത്ത് സൂക്ഷ്മമായി പരിശോധിച്ച് പിഴവുകൾ ഒന്നുമില്ലെന്ന് ഉറപ്പുവരുത്തുകയും ഈ പ്രിന്റൗട്ടുകൾ അതത് പഠനവകുപ്പുകളിലേക്ക് സമർപ്പിക്കേണ്ടതുമാണ്. സര്വകലാശാലയിലേക്ക് ഈ പ്രിന്റൗട്ടുകൾ അയക്കേണ്ടതില്ല.
പഠനവകുപ്പുകളിലേക്കുള്ള പ്രവേശനം പ്രവേശനപരീക്ഷ വഴിയാണ് നടത്തുന്നത്. പ്രവേശനപരീക്ഷയ്ക്ക് ലഭിക്കുന്ന മാർക്കിന്റെ അടിസ്ഥാനത്തിലാണ് പ്രവേശനം. പരീക്ഷാതീയതി പിന്നീട് അറിയിക്കും. സംവരണ വിഭാഗങ്ങൾക്ക് സർക്കാർ അനുവദിച്ചിട്ടുള്ള സംവരണാനുകൂല്യം ലഭ്യമാകും. ഇതിനാവശ്യമായ രേഖകൾ വിദ്യാർഥികൾ ഓണ്ലൈൻ രജിസ്ട്രേഷൻ സമയത്ത് കൈവശം വയ്ക്കേണ്ടതും പ്രവേശനസമയത്ത് അതത് പഠനവകുപ്പുകളിൽ സമർപ്പിക്കേണ്ടതുമാണ്. അതുപോലെ എൻസിസി, എൻഎസ്എസ് പ്രവർത്തനങ്ങളിൽ ഏർപ്പെട്ടവർ വെയ്റ്റേജ് ലഭിക്കുന്നതിനായി ആവശ്യമായ രേഖകൾ കൈവശം കരുതണം. പ്രവേശനസമയത്ത് അതത് പഠനവകുപ്പുകളിൽ സമർപ്പിക്കണം. വെയ്റ്റേജ്, സംവരണാനുകൂല്യം ആവശ്യമുള്ള വിദ്യാർഥികൾ പ്രസ്തുത വിവരങ്ങൾ ഓണ്ലൈൻ രജിസ്ട്രേഷനുള്ള അപേക്ഷയിൽ വ്യക്തമായി രേഖപ്പെടുത്തണം. കൂടുതല് വിവരങ്ങൾ "http://www.pgcap.kannuruniversity.ac.in" എന്ന വെബ്സൈറ്റിൽ ലഭ്യമാണ്. ഹെൽപ്പ് ലൈൻ നമ്പറുകൾ: 04972715261, 04972715284.