ആറാം സെമസ്റ്റർ ബിഎച്ച്എം (2015 അഡ്മിഷൻ റെഗുലർ) പരീക്ഷയുടെ ഫലം പ്രസിദ്ധീകരിച്ചു
2018 ഡിസംബറിൽ നടന്ന ആറാം സെമസ്റ്റർ ബിഎച്ച്എം (2015 അഡ്മിഷൻ റെഗുലർ) പരീക്ഷയുടെ ഫലം പ്രസിദ്ധീകരിച്ചു.
2018 ഏപ്രിലിൽ സ്കൂൾ ഓഫ് എൻവയണ്മെന്റൽ സയൻസസിൽ നടന്ന ഒന്നാം സെമസ്റ്റർ എംഎസ്സി എൻവയണ്മെന്റൽ സയൻസ് ആൻഡ് മാനേജ്മെന്റ്, എൻവയണ്മെന്റൽ സയൻസ് ആൻഡ് ഡിസാസ്റ്റർ മാനേജ്മെന്റ് (എൻവയണ്മെന്റൽ ആൻഡ് അറ്റ്മോസ്ഫിയറിക് സയൻസസ് ഫാക്കൽറ്റി സിഎസ്എസ്) പരീക്ഷകളുടെ ഫലം പ്രസിദ്ധീകരിച്ചു.
2019 ജനുവരിയിൽ സ്കൂൾ ഓഫ് കംപ്യൂട്ടർ സയൻസസിൽ നടന്ന മൂന്നാം സെമസ്റ്റർ എംഎസ്സി കംപ്യൂട്ടർ സയൻസ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
പരീക്ഷ തീയതി
അഫിലിയേറ്റഡ് കോളജുകളിലെ രണ്ടാം സെമസ്റ്റർ ബിഎ ക്രിമിനോളജി എൽഎൽബി (ഓണേഴ്സ്) പഞ്ചവത്സര ഇന്റഗ്രേറ്റഡ് (2011 അഡ്മിഷൻ സപ്ലിമെന്ററി), ബിഎ എൽഎൽബി പഞ്ചവത്സര ഇന്റഗ്രേറ്റഡ് (2012 2014 അഡ്മിഷൻ സപ്ലിമെന്ററി, 2015 അഡ്മിഷൻ സപ്ലിമെന്ററി), പഞ്ചവത്സര ഇന്റഗ്രേറ്റഡ് ഡബിൾ ഡിഗ്രി ബികോം എൽഎൽബി (ഓണേഴ്സ് 2013, 2014 അഡ്മിഷൻ സപ്ലിമെന്ററി, 2017 അഡ്മിഷൻ റെഗുലർ, 2017ന് മുന്പുള്ള അഡ്മിഷൻ സപ്ലിമെന്ററി) പരീക്ഷകൾ 26ന് ആരംഭിക്കും. എട്ടുവരെയും 500 രൂപ പിഴയോടെ ഒന്പതുവരെയും 1,000 രൂപ സൂപ്പർഫൈനോടെ 10 വരെയും അപേക്ഷിക്കാം. റെഗുലർ വിദ്യാർഥികൾ 200 രൂപയും വീണ്ടുമെഴുതുന്നവർ പേപ്പറൊന്നിന് 30 രൂപ വീതവും (പരമാവധി 200 രൂപ) സിവി ക്യാന്പ് ഫീസായി പരീക്ഷഫീസിനു പുറമെ അടയ്ക്കണം.
അപേക്ഷ തീയതി
അഞ്ചാം സെമസ്റ്റർ (2013, 2014, 2015, 2016 അഡ്മിഷൻ പരാജയപ്പെട്ട വിദ്യാർഥികൾക്കു മാത്രം) സിബിസിഎസ്എസ് യുജി പരീക്ഷകൾക്ക് എട്ടുവരെയും 500 രൂപ പിഴയോടെ 10 വരെയും 1000 രൂപ സൂപ്പർഫൈനോടെ 12 വരെയും അപേക്ഷിക്കാം. സർവകലാശാല വെബ്സൈറ്റിൽനിന്ന് അപേക്ഷഫോം ഡൗണ്ലോഡ് ചെയ്യുന്ന വിദ്യാർഥികൾ അപേക്ഷ ഫോമിന്റെ വിലയായി 25 രൂപയും പേപ്പറൊന്നിന് 30 രൂപ വീതവും (പരമാവധി സെമസ്റ്ററിന് 200 രൂപ) സിവി ക്യാന്പ് ഫീസായി പരീക്ഷഫീസിനു പുറമെ അടയ്ക്കണം. 2013 അഡ്മിഷൻ വിദ്യാർഥികൾ മാർക്ക് ലിസ്റ്റ് ഫീസായി 50 രൂപയും അടയ്ക്കണം. വിദ്യാർഥികൾ രജിസ്ട്രേഷൻ ഫീസായി 50 രൂപയും പരീക്ഷഫീസിനു പുറമെ അടയ്ക്കണം. ഇന്റേണൽ റീഡുവിന് അപേക്ഷിക്കുന്നവർ പേപ്പറൊന്നിന് 100 രൂപ വീതവും പ്രോജക്ട് മൂല്യനിർണയത്തിന് അപേക്ഷിക്കുന്നവർ പ്രോജക്ട് മൂല്യനിർണയ ഫീസായി 100 രൂപയും അടയ്ക്കണം.
2014, 2015, 2016 അഡ്മിഷൻ വിദ്യാർഥികൾ മാർക്ക് ലിസ്റ്റ് ഫീസടയ്ക്കേണ്ടതില്ല. അപേക്ഷ സർവകലാശാല ഓഫീസിൽ നേരിട്ടു നൽകണം.