പ്രവേശന പരീക്ഷകളുള്ള ബിരുദകോഴ്സുകള്ക്ക് അപേക്ഷിക്കാം
കാലിക്കട്ട് സര്വകലാശാലയുടെ സ്വാശ്രയ കേന്ദ്രങ്ങള് , അഫിയിലേയറ്റഡ് കോളജുകള് എന്നിവയിലെ ബിഎച്ച് എം (നാലുവര്ഷം), ബിപിഎഡ് (ഇന്റഗ്രേറ്റഡ്, നാലുവര്ഷം), ബിപിഎഡ് (രണ്ടുവര്ഷം), ബികോം ഓണേഴ്സ് (മൂന്നുവര്ഷം) എന്നീ പ്രവേശന പരീക്ഷകളുള്ള ബിരുദകോഴ്സുകള്ക്ക് 30 വരെ ഓണ്ലൈന് രജിസ്ട്രേഷന് ചെയ്യാം.
നിശ്ചിതയോഗ്യതയുള്ളവര്ക്കും ഫലം കാത്തിരിക്കുന്നവര്ക്കും അപേക്ഷിക്കാം. ഫീസ് ജനറല് 350 രൂപ, എസ് സി എസ് ടി 150 രൂപ. പ്രവേശനയോഗ്യതയുടെ അടിസ്ഥാനത്തില് ഒന്നില്ക്കൂടുതല് പ്രോഗ്രാമുകളിലേക്ക് അപേക്ഷിക്കുന്നവര് ഓരോ അധിക പ്രോഗ്രാമിനും 50 രൂപ വീതം അപേക്ഷാ ഫീസിന്റെ കൂടെ അടയ്ക്കണം. വിവരങ്ങള്ക്ക് www.cuonline.ac.in ഫോണ് 0494 2407016, 2407017
നാലാം സെമസ്റ്റര് ബിടെക്/പാര്ട് ടൈം ബിടെക്, ബിആര്ക് പരീക്ഷയ്ക്ക് അപേക്ഷിക്കാം
കാലിക്കട്ട് സര്വകലാശാല നാലാം സെമസ്റ്റര് ബിടെക്/പാര്ട് ടൈം ബി ടെക്, ബിആര്ക് പരീക്ഷകള്ക്ക് പിഴകൂടാതെ മേയ് നാല് വരെയും 160 രൂപ പിഴയോടെ മേയ് ഏഴ് വരെയും ഫീസടച്ച് മേയ് ഒന്പത് വരെ രജിസ്റ്റര് ചെയ്യാം. സര്വകലാശാലാ വെബ്സൈറ്റിലുള്ള വിജ്ഞാപനം പരിശോധിച്ച് അപേക്ഷിക്കുക.
പുനര്മൂല്യനിര്ണ്ണയത്തിന് അപേക്ഷിക്കാം
ഫലം പ്രസിദ്ധീകരിച്ച വിദൂരവിദ്യാഭ്യാസം അഞ്ചാം സെമസ്റ്റര് ബികോം, ബിബിഎ (സിയുസിബിസിഎസ്എസ്) റഗുലര് സപ്ലിമെന്ററിഇംപ്രൂവ്മെന്റ് പരീക്ഷയുടെ പുനര്മൂല്യനിർണയത്തിന് 22 വരെ അപേക്ഷിക്കാം. അപേക്ഷയുടെ പകര്പ്പ് 27നു മുമ്പായി ജോയിന്റ് കണ്ട്രോളര് ഓഫ് എക്സാമിനേഷന്സ് വിദൂരവിദ്യാഭ്യാസം പരീക്ഷാവിഭാഗം, കാലിക്കട്ട് സര്വകലാശാല എന്ന വിലാസത്തില് ലഭിക്കണം.
പുനഃപരീക്ഷ
കോഴിക്കോട് മലബാര് ക്രിസ്ത്യന് കോളജിലെ പത്തുവിദ്യാര്ഥികളുടെ രണ്ടാം സെമസ്റ്റര് യുജി (സിയു സിബിസിഎസ്എസ്) ഹിന്ദി കോമണ് കോഴ്സ് പേപ്പര് ഒകച208(1) ഗ്രാമര് കറസ്പോണ്ടന്സ് ആന്ഡ് ട്രാൻസ്ലേഷന് പുനഃപരീക്ഷ 17നു നടക്കും.
പരീക്ഷാഫലം
2018 ഡിസംബറില് നടത്തിയ ഒന്ന്, മൂന്ന് സെമസ്റ്റര് എംഎ ഇസ്ലാമിക് ഫിനാന്സ് (സിയുസിഎസ് എസ്), ഒന്ന്, മൂന്ന് സെമസ്റ്റര് എംഎസ് സി അപ്ലൈഡ് ജിയോളജി (സിയുസിഎസ്എസ്) പരീക്ഷാഫലം വെബ്സൈറ്റില് പ്രസിദ്ധീകരിച്ചു. പുനര്മൂല്യനിർണയത്തിന് 29വരെ അപേക്ഷിക്കാം.
ഗാന്ധിചെയര് വ്യക്തിത്വ വികസന ക്യാന്പ് സമാപിച്ചു
തേഞ്ഞിപ്പലം: കാലിക്കട്ട് സര്വകലാശാല ഗാന്ധി ചെയര് ഹൈസ്കൂള് , ഹയര് സെക്കന്ഡറി വിദ്യാര്ഥികള്ക്കായി സംഘടിപ്പിച്ച വ്യക്തിത്വ വികസന ക്യാമ്പ് സമാപിച്ചു. അമ്പതോളം വിദ്യാര്ഥികളാണ് പഠനവും വിനോദവും നേതൃപാടവവും സമന്വയിപ്പിച്ച ക്യാമ്പില് സംബന്ധിച്ചത്. സമാപന സമ്മേളനം സര്വകലാശാല പ്രോ വൈസ് ചാന്സലര് ഡോ. പി. മോഹന് ഉദ്ഘാടനം ചെയ്തു.
വിദ്യാര്ഥികള്ക്ക് ലക്ഷ്യബോധവും ആത്മവിശ്വാസവും അത്യാവശ്യമാണെന്ന് അദ്ദേഹം പറഞ്ഞു. മികച്ച ക്യാമ്പര്മാര്ക്കുള്ള സമ്മാനങ്ങള് ചടങ്ങില് വിതരണംചെയ്തു. ചടങ്ങില് ആര് .എസ്. പണിക്കര്, ഡോ. എം.സി.കെ. വീരാന് , എം. നാരായണന് നായര് , എം.വി. സക്കറിയ, ഓ. മുഹമ്മദലി എന്നിവര് പ്രസംഗിച്ചു.