രണ്ടാം സെമസ്റ്റർ എംസിഎ പരീക്ഷകൾ
മേയ് 27 ന് ആരംഭിക്കുന്ന രണ്ടാം സെമസ്റ്റർ എംസിഎ പരീക്ഷകൾ വിജ്ഞാപനം ചെയ്തു. മേയ് എട്ടു മുതൽ 13 വരെ പിഴയില്ലാതെയും 15 വരെ 160 രൂപ പിഴയോടുകൂടെയും അപേക്ഷിക്കാം.
വിദൂര വിദ്യാഭ്യാസ ബിരുദാനന്തര ബിരുദ പരീക്ഷകൾ
ഒന്നും രണ്ടും വർഷ വിദൂര വിദ്യാഭ്യാസ ബിരുദാനന്തര ബിരുദ പരീക്ഷകൾ വിജ്ഞാപനം ചെയ്തു. രണ്ടാം വർഷ പരീക്ഷകൾക്ക് ഈമാസം 29 വരെ പിഴയില്ലാതെയും മേയ് രണ്ടുവരെ 160 രൂപ പിഴയോടുകൂടെയും അപേക്ഷിക്കാം. ഒന്നാംവർഷ പരീക്ഷകൾക്ക് മേയ് 15 വരെ പിഴയില്ലാതെയും 20 വരെ 160 രൂപ പിഴയോടുകൂടെയും അപേക്ഷിക്കാം. പരീക്ഷാഫലം പ്രഖ്യാപിക്കാനുള്ള വിദ്യാർഥികൾക്ക് ഫലപ്രഖ്യാപനം നടന്നയുടൻതന്നെ സപ്ലിമെന്ററി പരീക്ഷകൾക്ക് അപേക്ഷിക്കുന്നതിനുള്ള അവസരം ലഭ്യമാക്കും. വിശദമായ പരീക്ഷാവിജ്ഞാപനം സർവകലാശാല വെബ്സൈറ്റിൽ ലഭ്യമാണ്.
പ്രോജക്ട് മൂല്യനിർണയം, പ്രായോഗിക/വാചാ പരീക്ഷകൾ
രണ്ടാം വർഷ എംഎ പൊളിറ്റിക്കൽ സയൻസ് (വിദൂര വിദ്യാഭ്യാസം) (റഗുലർ/സപ്ലിമെന്ററി/ ഇംപ്രൂവ്മെന്റ് ജൂൺ 2018) ഡിസർട്ടേഷൻ മൂല്യനിർണയം /വാചാ പരീക്ഷ 16 ന് താവക്കര സർവകലാശാലാ ആസ്ഥാനത്ത് നടത്തും.